Estere 9:3 - BIBELE Mahungu Lamanene

³ Tihosana hinkwato ta swifundzha, ni vayimeri va vuhosi eswifundzheni, ni vafambisi va swona, ni lava tirhaka entsindza, va yima ni Vayuda hikwalaho ka ku chava Mordekayi.

Xitsonga (Bibele)

³ Tihosana hinkwato ta matiko, ni tindhuna, ni vafumi, ni hinkwavo lava khomeke timhaka ta hosi, va yimela Vayuda hikuva nchavo wa Mordekayi a wu va wele ehenhla.

Estere 9:3 Referans Kwoze

Ezra 8:36

Va fikisile ni xileriso xa hosi ya tiko eka vayimeri va yona ni tindhuna ta yona ta le xifundzheni lexi nga vupeladyambu bya Yufrata, kutani vona lava va pfuna Vaisraele, va seketela na ntirho wa yindlu ya Xikwembu.

Daniele 3:2

kutani a rhamba tihosana, ni tindhuna letikulu ni letitsongo, ni vatsundzuxi va yena, ni vahlayisi va xuma xa tiko, ni vaavanyisi, ni vahlayisi va milawu, hinkwavo va ri vatirhela-mfumo va swiyimo swa le henhla, va ta va ta khangula xifaniso lexi a xi yimiseke.

Estere 8:9

Hi siku ra 23 ra n'hweti ya vunharhu, yi nga ya Sivani, ku vitaniwa vamatsalani va hosi, kutani va tsala nawu hilaha Mordekayi a va leriseke hakona va nga siyi nchumu, wu rhumeriwa Vayuda, ni vayimeri va vuhosi eswifundzheni, ni vafambisi va swona, ni tihosana ta swifundzha leswi swa 127, ku sukela le Indiya ku ya fika le Etiyopiya; xifundzha xin'wana ni xin'wana xi kuma nawu wu tsariwile hi ririmi ra vanhu va kona ni matsalele ya vona; na vona Vayuda va tsaleriwa hi ririmi ra vona ni matsalele ya vona.

Estere 8:5

a ku: “Loko u nkhensa we hosi, ni loko u ndzi tsakela, ni loko hi ku vona ka wena mhaka ya mina yi twala, ni loko ndzi ku tsakisa, a ku tsariwe xileriso lexi nga ta hundzuluxa mapapila lama humesiweke hi Hamani wa Muagaga n'wana Hamedata, lawa a ma lerisa leswaku Vayuda lava akeke eswifundzheni swa wena hinkwaswo, va herisiwa.

Estere 3:12

Hi siku ra vu-13 ra n'hweti yo sungula, vamatsalani va hosi va vitaniwa, kutani va tsala nawu hilaha Hamani a va leriseke hakona va nga siyi nchumu, wu rhumeriwa vayimeri va vuhosi eswifundzheni, ni vafambisi va swona hinkwaswo, ni tihosana ta vanhu va swona va tinxaka-xaka; xifundzha xin'wana ni xin'wana xi nyikiwa nawu lowu wu tsariwile hi ririmi ra vanhu va kona ni matsalele ya vona, wu humesiwile hi vito ra hosi Ahasuwerusi ni ku funghiwa hi xingwavila xa yona.

Ezra 2:2

Varhangeri va vona a va ri lava: Zerubabele, na Yexuwa, na Nehemiya, na Seraya, na Relaya, na Mordekayi, na Bilixani, na Mispara, na Bigivhayi, na Rehumi, na Baana. Mintsengo ya Vaisraele lava vuyeke, hi leyi:

Estere 8:17

Kutani exifundzheni xin'wana ni xin'wana ni le mutini wun'wana ni wun'wana laha nawu ni xileriso xa hosi a swi fika kona, Vayuda a va yimbelela va tsakile, ku tlhela ku va ni nkhuvo ni siku ra ximusi. Kutani vanhu lavo tala va tinxaka-xaka va tivula Vayuda, hikuva a va sungurile ku chava Vayuda swinene.