Estere 9:12 - BIBELE Mahungu Lamanene

¹² Kutani hosi yi byela nkosikazi Estere, yi ku: “EXuxani le ntsindza Vayuda va dlayile vavanuna va 500, ni vana va Hamani va khume. Xana, loko va endlisile leswi eXuxani, va ta va va endlile yini eswifundzheni leswin'wana swa mina ke! Sweswi ke, ndzi byele leswi u swi kombelaka, u ta swi kuma; ni leswi u swi lavaka, u ta nyikiwa swona.”

Xitsonga (Bibele)

¹² Kutani hosi yi ku eka nkosikazi Estere: “EXuxani, ntsindza, Vayuda va dlayile vanhu va ntlhanu wa madzana ni vana va Hamani va khume. Loko swi ri tano va endlise ku yini eka matiko man'wana ya hosi xana? Ni sweswi, u kombela yini? U ta xi nyikiwa. Wa ha kombela yini? Ku ta endliwa sweswo.”

Estere 9:12 Referans Kwoze

Estere 7:2

Loko va ri karhi va nwa vhinyo hi siku leri ra vumbirhi, hosi yi engeta yi ku ka Estere: “Nkosikazi Estere, ndzi byele leswi u kombelaka swona, u ta swi kuma; u ta nyikiwa hinkwaswo leswi u swi lavaka, hambiloko u kombela ku averiwa mfumo wa mina hi le xikarhi!”

Estere 5:6

Loko va ri karhi va nwa, hosi yi ku ka Estere: “Ndzi byele leswi u kombelaka swona, u ta swi kuma; ndzi ta ku nyika leswi u swi lavaka, hambiloko u kombela ku averiwa mfumo wa mina hi le xikarhi!”

Estere 9:11

Hi siku rero, hosi yi tivisiwa nhlayo ya lava dlayiweke entsindza le Xuxani.

Estere 9:15

Vayuda lava a va ri eXuxani, va tlhela va hlengeletana hi siku ra vu-14 ra n'hweti ya Adara, kutani va dlaya vavanuna lava ringanaka 300, kambe va nga phanghi swilo swa vona.

Estere 5:3

Hosi yi vutisa yi ku: “Swi lo yini, nkosikazi Estere? Ndzi byele leswi u lavaka swona, u ta swi kuma, hambiloko u nga kombela ku averiwa mfumo wa mina hi le xikarhi!”

Timhaka 23:19

Ndhuna ya nyimpi yi khoma jaha hi voko, yi ya na rona etlhelo, yi ri vutisa, yi ku: “Xana hi yihi mhaka leyi u lavaka ku ndzi tivisa yona ke?”