Estere 9:1 - BIBELE Mahungu Lamanene

¹ Hi siku ra vu-13 ra n'hweti ya vu-12 ya Adara, ri nga siku leri xileriso ni nawu wa hosi a swi fanele ku va swi hetiseka, rona siku leri valala va Vayuda a va languterile ku va hlula ha rona, ri hundzuka siku leri Vayuda va hluleke valala va vona ha rona.

Xitsonga (Bibele)

¹ En'hwetini ya khume na timbirhi, yi nga n'hweti ya Adara, hi siku ra khume na manharhu ra n'hweti, leri rito ni ku lerisa ka hosi ingi swi fanele ku hetiseka ha rona, ri nga siku leri valala va Vayuda ingi va tshembile leswaku va ta va pfukela matimba ha rona, timhaka ti hundzuka, kutani Vayuda va va vona lava pfukelaka lava ngi va va venga hi matimba.

Estere 9:1 Referans Kwoze

Estere 8:12

Leswi a swi fanele ku endliwa hi siku rin'we eswifundzheni hinkwaswo swa hosi Ahasuwerusi, ri nga siku ra vu-13 ra n'hweti ya vu-12, ya Adara.

Estere 3:13

Mapapila ma yisiwa eswifundzheni hinkwaswo swa hosi hi varhumiwa lava kotaka ku tsutsuma, ma lerisa leswaku Vayuda hinkwavo, lavakulu ni lavatsongo, vavasati ni vana, va dlayiwa, va herisiwa, va nyamalala hinkwavo hi siku rin'we ra vu-13 ra n'hweti ya vu-12 yi nga ya Adara, ku phanghiwa ni xuma xa vona.

Nhlavutelo 11:18

Vanhu va matiko a va tele ku hlundzuka, kambe siku ra vukari bya wena ri fikile; i nkarhi wa ku avanyisa lava feke. I nkarhi wa ku nyika hakelo eka vaprofeta malandza ya wena, ni ka vahlawuriwa va wena hinkwawo, ni ka hinkwavo lava va ku chavaka, lavakulu ni lavatsongo. I nkarhi wa ku herisa lava herisaka misava.”

Pisalema 30:11

Ku rila ka mina u ku hundzurile ku tsaka, u ndzi hluvurile swiambalo leswo khwaxa swa nkosi, u ndzi ambexa swiambalo swa nkhuvo.

Timhaka 12:11

Loko Petro a xalamuka, a ku: “Sweswi ndza swi tiva swinene leswaku Hosi yi rhumile ntsumi ya yona, kutani yi ndzi ponisile emavokweni ya Heroda, ni ka hinkwaswo leswi tiko ra Vayuda a ri tiyimisele ku ndzi endla swona.”

Estere 9:17

Leswi va swi endlile hi siku ra vu-13 ra n'hweti ya Adara; hi siku ra vu-14 va wisa, va endla siku rero ri va ra nkhuvo ni ra ku tsaka.

Estere 3:7

Hi lembe ra vu-12 ra ku fuma ka hosi Ahasuwerusi, hi n'hweti yo sungula yi nga ya Nisani, Hamani a lerisa leswaku ku hoxiwa vuhlolotwana lebyi vuriwaka “Puru”; va hlahluva ha byona masiku ya tin'hweti hinkwato hi ku landzelelana ka wona, ku ko ku boxiwa siku ra vu-13 ra n'hweti ya vu-12 leyi vuriwaka Adara, ri va rona siku ra ku herisiwa ka rixaka ra Vayuda.

2 SAMIELE 22:41

U endla leswaku valala va mina va ndzi komba xikosi, kutani lava va ndzi vengaka, ndza va herisa!

Duteronoma 32:36

“HOSI Xikwembu xi ta yima ni vanhu va xona loko xi vona leswaku a va ha ri na matimba, xi ta twela malandza ya xona vusiwana, loko xi vona leswaku wonge a ku nga ha sali munhu, hambi hlonga kumbe la ntshunxekeke.

Estere 8:6

Xana ndzi nga tiya hi ndlela yihi, loko ndzi vona khombo leri lavaka ku humelela varikwerhu, xana? Kumbe ndzi nga tiyiserisa ku yini ku vona maxaka ya mina ma lovisiwa, xana?”

Pisalema 18:40

U endla leswaku valala va mina va ndzi komba xikosi, kutani lava va ndzi vengaka, ndza va herisa!