Estere 8:8 - BIBELE Mahungu Lamanene

⁸ Emhakeni leyi ya Vayuda, mi nga tsala leswi mi swi lavaka hi vito ra mina hosi, mi tlhela mi swi fungha hi xingwavila xa mina; hikuva loko nawu wu tsariwile hi vito ra mina wu tlhela wu funghiwa hi xingwavila xa mina, wu nga ka wu nga hundzuluxiwi.”

Xitsonga (Bibele)

⁸ Loko swi ri tano, tsalani n'wina hi vito ra hosi ematshan'weni ya Vayuda hilaha mi swi rhandzaka, kutani mi tiyisa hi xingwavila xa hosi; hikuva papila leri tsariweke hi vito ra hosi, ri tiyisiweke hi xingwavila xa hosi, a ri na ku hundzukeriwa.”

Estere 8:8 Referans Kwoze

Estere 1:19

Loko u swi lava we hosi, humesa xileriso lexi nge: ‘Vhasiti a nga ha ti kusuhi na hosi!’ xileriso lexi xi tsariwa ni le milawini ya Vaperesi ni Vameda, leswaku xi ta ka xi nga hundzuki. Nakona, we hosi, lava un'wana loyi a n'wi tlulaka hi ku lulama, leswaku a ta va yena nkosikazi.

Estere 3:12

Hi siku ra vu-13 ra n'hweti yo sungula, vamatsalani va hosi va vitaniwa, kutani va tsala nawu hilaha Hamani a va leriseke hakona va nga siyi nchumu, wu rhumeriwa vayimeri va vuhosi eswifundzheni, ni vafambisi va swona hinkwaswo, ni tihosana ta vanhu va swona va tinxaka-xaka; xifundzha xin'wana ni xin'wana xi nyikiwa nawu lowu wu tsariwile hi ririmi ra vanhu va kona ni matsalele ya vona, wu humesiwile hi vito ra hosi Ahasuwerusi ni ku funghiwa hi xingwavila xa yona.

Daniele 6:8

Kutani we hosi, nawu lowu u nga ta wu veka, u ta wu fungha hi mfungho wa wena leswaku ku nga vi na munhu loyi a nga wu hundzuluxaka, hikuva hi ntolovelo wa Vameda ni Vaperesi, milawu a yi hundzuluxiwi.”

Estere 8:5

a ku: “Loko u nkhensa we hosi, ni loko u ndzi tsakela, ni loko hi ku vona ka wena mhaka ya mina yi twala, ni loko ndzi ku tsakisa, a ku tsariwe xileriso lexi nga ta hundzuluxa mapapila lama humesiweke hi Hamani wa Muagaga n'wana Hamedata, lawa a ma lerisa leswaku Vayuda lava akeke eswifundzheni swa wena hinkwaswo, va herisiwa.

1 TIHOSI 21:8

Kutani Yezabele a tsala mapapila, wonge hi loko ma huma eka Akabu, a ma lema hi mfungho wa Akabu; kutani a ma rhumela eka vakulukumba ni vachaviseki lava a va akelanile na Naboto, emutini wa Yizriele.

2 Timotiya 2:19

Hambiswiritano, masungulo layo tiya lama vekiweke hi Xikwembu a ma tsekatseki; ma tiyisiwa hi rito leri nge: “Hosi yi tiva lava nga va yona.” Naswona: “Un'wana ni un'wana loyi a vulaka vito ra Hosi, a a tshike leswo homboloka.”

Estere 8:10

Nawu wa kona wu tsariwa hi vito ra hosi Ahasuwerusi, wu funghiwa hi xingwavila xa yena, kutani mapapila ya kona ma hangalasiwa hi varhumiwa lava gadeke tihanci ta mfumo ta rivilo, leti kurisiweke entsindza.