Estere 7:9 - BIBELE Mahungu Lamanene

⁹ Kutani Harabona, un'wana wa vatsheniwa lava a va tirhela hosi a ku: “Tlhandlakambirhi, Hamani ú dzimile timhandze to leha 25 m ekaya ka yena, leswaku a ta hayeka Mordekayi eka tona, munhu loyi a ku pfuneke ngopfu wena hosi!”

Xitsonga (Bibele)

⁹ Ndhuna yin'wana, Harabona, yi ku eka hosi: “Vona, mhandze ya ku leha kantlhanu wa makume ya swisungunhu, leyi Hamani a yi celeleke Mordekayi la vulavuleke swinene eka hosi, yi yimisiwe endlwini ya Hamani.” Kutani hosi yi ku: “N'wi hayekeni eka yona.”

Estere 7:9 Referans Kwoze

Estere 5:14

Hiloko nsati wakwe Zerexa ni vanghana va yena hinkwavo va ku ka yena: “A ku dzimiwe timhandze to leha 25 m, kutani mundzuku u kombela eka hosi leswaku Mordekayi a hayekiwa eka tona, kutani wena u ta ya na hosi enkhubyeni, u titsakerile.” Xitsundzuxo lexi xi tsakisa Hamani, kutani a lerisa leswaku timhandze ti dzimiwa.

Estere 1:10

Hi siku ra vu-7, loko hosi yi tsakile hi vhinyo, yi vitana Mehumani, na Bizita, na Harabona, na Bigita, na Abagita, na Zetara, na Karakasi, va nga vatsheniwa va 7 lava tirhelaka hosi etindlwini ta yona,

Pisalema 141:10

Phasa lavo homboloka hi mintlhamu ya vona vinyi, mina u ndzi ponisa eka yona.

Pisalema 35:8

A va humeleriwe hi khombo leri va nga ri langutelangiki, ntlamu lowu va wu rhiyeke, a wu phase vona wu va dlaya!

Daniele 6:24

Hiloko hosi yi lerisa leswaku ku tisiwa vavanuna lava hehleke Daniele; kutani vona ni vana va vona ni vasati va vona va hoxiwa ekheleni ra tinghala, kutani tinghala ti va tlulela, ti va phatlulela va nga si fika ni le hansi.

Daniele 6:7

Hina hinkwerhu valanguteri va tiko ra wena, ni tindhuna hinkwato letikulu ni letitsongo, ni tihosana, ni vatsundzuxi, hi twananile leswaku, we hosi, u fanele ku veka nawu lowu nga ta tirha masiku yo ringana 30, u vona leswaku wu nga tluriwi; nawu wa kona hi lowu: Munhu loyi a khongelaka xikwembu xin'wana kumbe munhu un'wana ehandle ka wena, ú fanele ku hoxiwa ekheleni ra tinghala.

Pisalema 73:19

Hi ku copeta ka tihlo, va khomiwa hi ku chava va herisiwa, va kukuriwa va nyamalala.

Estere 9:25

kambe loko Estere a yile eka hosi, yi humesile xileriso lexi tsariweke, leswaku makungu lawa yo biha lawa Hamani a a ma endlerile Vayuda, ma tlhela ma vangela yena n'wini wa wona ekhombo, ni leswaku yena Hamani ni vana va yena va hayekiwa etimhandzeni.

Estere 6:14

Loko va ha vulavula, ku fika vatsheniwa va hosi, va hatlisa va teka Hamani, va ya na yena enkhubyeni lowu Estere a a wu lunghisile.

Estere 6:2

Kutani ku kumiwa leswaku, eka matsalwa lawa, ku tsariwile hilaha Mordekayi a nga paluxa hakona makungu ya ku dlaya hosi, lawa a ma endliwile hi Bigitana na Terexi, vatsheniwa vambirhi va hosi lava a va rindza tinyangwa ta muti wa yona.

1 SAMIELE 17:51

Kutani Davhida a tsutsumela laha Mufilista a nga wela kona, a fika a hlomula banga ra Mufilista enkotlotweni wa rona, a n'wi hetisa ha rona, a n'wi tsema ni nhloko. Loko Vafilista va vona leswaku nhenha ya vona yi dlayiwile, va suka va tsutsuma.

2 TIHOSI 9:32

Yehu a languta henhla efasitereni, a huwelela a ku: “Xana i mani la yimaka na mina, i mani xana?” Valanguteri va nga ri vangani va le ntsindza va n'wi hlometela hi le fasitereni.

Estere 8:7

Kutani hosi Ahasuwerusi a ku ka nkosikazi Estere ni ka Mordekayi loyi wa Muyuda: “Vonani, Hamani va n'wi hayekile etimhandzeni, hikuva a a lava ku herisa Vayuda, kutani mina ndzi nyikile Estere hinkwaswo leswi a swi ri swa Hamani.

Estere 9:14

Kutani hosi yi lerisa leswaku swilo leswi swi endliwa; nawu wa kona wu vekiwa eXuxani, na yona mintsumbu ya vana va khume va Hamani yi hayekiwa.