Estere 7:3 - BIBELE Mahungu Lamanene

³ Nkosikazi Estere a hlamula a ku: “Loko u ndzi tsakela we n'wini wanga, ni loko u nkhensa, ndzi kombela ku tshikiwa ndzi hanya, naswona ndzi lava leswaku na vona varikwerhu va tshikiwa va hanya.

Xitsonga (Bibele)

³ Nkosikazi Estere a hlamula, a ku: “Loko ngi ndzi kume tintswalo emahlweni ka wena, hosi, loko hosi yi nga pfumela, a ndzi nyikiwe ku hanya ka mina hi ku kombela ka mina, ni ku hanya ka varikwerhu hi ku kombela ka mina;

Estere 7:3 Referans Kwoze

Yeremiya 38:26

Wena u fanele ku va hlamula leswaku u lo tisa xirilo ntsena laha ka mina, u kombela leswaku ndzi nga ku tlheriseli emutini wa Yonatani, hikuva sweswo a swi ta ku dlayisa.”

Ntirho 2:4

Kutani Sathana a hlamula HOSI Xikwembu a ku: “U lo khumba swa le handle ntsena. Hinkwaswo leswi munhu a nga na swona, a nga swi tshika; nchumu hi loko a kota ku hlayisa vutomi bya yena.

Estere 7:7

Kutani hosi yi suka eswakudyeni yi hlundzukile swinene, yi ya entangeni wa muti wa yona. Hamani yena a sala a xavelela nkosikazi Estere, a kombela ku tsetseleriwa, hikuva a a swi vona leswaku hosi yi pikile ku n'wi endla swo biha.

Estere 4:8

Mordekayi a n'wi nyika ni tsalwa ra nawu lowu humesiweke eXuxani, lowu lerisaka leswaku Vayuda va herisiwa, leswaku Hataki a ta ri komba Estere, a n'wi hlamusela rona, ni ku n'wi rhuma ku ya rila eka hosi, a yi khongotela leswaku yi tsetselela vanhu va rixaka ra ka vona.

2 TIHOSI 1:13

Hosi Ahaziya a tlhela a rhuma ndhuna ni ntlawa wa vunharhu wa tinhenha ta yona ta 50. Ti tlhandlukela eka Eliya; kutani ndhuna leyi ya vunharhu yi ya eka Eliya, yi fika yi wa hi matsolo emahlweni ka yena, yi n'wi kombela hi xichavo yi ku: “Yo, munhu wa Xikwembu, ndza ku kombela, hi tsetselele u nga hi dlayi, mina ni malandza lawa ya wena ya 50.

1 TIHOSI 20:31

Malandza ya yena ma ku ka yena: “Yingisa, hi twile leswaku tihosi ta rixaka ra Vaisraele i tihosi leti nga ni tintswalo. Hikokwalaho, a hi ambaleni swiambalo swo khwaxa, hi titsondzela tinhamu hi tingoti ta vabohiwa, kutani hi kongoma eka hosi ya Vaisraele. Nkarhi wun'wana ú ta ku tshika a nga ku dlayi.”

Estere 5:8

Loko u ndzi tsakela, we n'wini wanga, ni loko u nkhensa ku ndzi nyika leswi ndzi swi kombelaka ni ku endla leswi ndzi swi lavaka, ndzi navela leswaku wena hosi u ta na Hamani kambe mundzuku, enkhubyeni lowu ndzi nga ta mi lunghisela wona; kwalaho hi kona ndzi nga ta ku byela leswi ndzi swi kombelaka, we hosi.”

Estere 8:5

a ku: “Loko u nkhensa we hosi, ni loko u ndzi tsakela, ni loko hi ku vona ka wena mhaka ya mina yi twala, ni loko ndzi ku tsakisa, a ku tsariwe xileriso lexi nga ta hundzuluxa mapapila lama humesiweke hi Hamani wa Muagaga n'wana Hamedata, lawa a ma lerisa leswaku Vayuda lava akeke eswifundzheni swa wena hinkwaswo, va herisiwa.