Estere 6:9 - BIBELE Mahungu Lamanene

⁹ kutani tinguvu leti ni hanci leyi a swi nyiketiwe un'wana wa tinganakana leto chaviseka, leswaku a ambexa munhu loyi wena hosi u tsakelaka ku n'wi fundzha, a tlhela a n'wi rhendzelekisa ni rivala ra muti a ri karhi a huwelela a ku: ‘Munhu loyi hosi yi tsakelaka ku n'wi fundzha, ú endleriwa swilo leswi swo tani!’ ”

Xitsonga (Bibele)

⁹ xifunengelo ni hanci swi vekiwa emavokweni ya ndhuna yin'wana ya hosi ya letikulu; ku funengetiwa munhu loyi hosi yi rhandzaka ku n'wi tsakisa, kutani a fambisiwa hi hanci entsendzeleni wa muti, kutani ku huweleriwa emahlweni ka yena, va ku: ‘Ku endliwa sweswo eka munhu loyi hosi yi rhandzaka ku n'wi tsakisa!’ ”

Estere 6:9 Referans Kwoze

Genesa 41:43

Kutani a n'wi khandziyisa ekalichini leyi landzaka ya yena hi ku saseka; vanhu a va huwelela emahlweni ka Yosefa, va ku: “Nkhinsamani ehansi!” Hi ndlela leyi, Faro a veka Yosefa ku va murhangeri wa tiko hinkwaro ra Egipta.

Zakariya 9:9

Tsakani mi tsakisisa, n'wina vaaki va Siyoni, banani minkulungwana, n'wina va le Yerusalema! Vonani, mufumi wa n'wina hi luyaa, ú ta kwala ka n'wina; i munhu wo lulama, loyi a hluleke valala, kambe wa titsongahata, ú ta a gadile mbhongolo, xi nga ximbhongolwana n'wana wa mbhongolo.

Estere 6:6

Hamani a nghena, kutani hosi yi ku ka yena: “Ku na munhu un'wana loyi ndzi navelaka ngopfu ku n'wi fundzha. Xana munhu wa kona ndzi nga n'wi endlela yini xana?” Embilwini Hamani a ku: “A nga va mani loyi hosi yi navelaka ku n'wi fundzha loko a nga ri mina ke!”

Estere 6:10

Kutani hosi yi byela Hamani yi ku: “Hatlisa u teka tinguvu ni hanci, u fundzha hi ndlela yoleyo Mordekayi loyi wa Muyuda, loyi a tirhaka ehubyeni. N'wi endlele hinkwaswo leswi u swi vuleke, u nga siyi nchumu!”