Estere 6:11 - BIBELE Mahungu Lamanene

¹¹ Kutani Hamani a teka tinguvu a ambexa Mordekayi, a n'wi gadisa hanci erivaleni ra muti a ri karhi a huwelela a rhangile emahlweni a ku: “Munhu loyi hosi yi tsakelaka ku n'wi fundzha, ú endleriwa swilo swo tani!”

Xitsonga (Bibele)

¹¹ Kutani Hamani a teka xifunengelo ni hanci, a funengeta Mordekayi, kutani a n'wi fambisa hi hanci entsendzeleni wa muti, a ri karhi a huwelela emahlweni ka yena, a ku: “Ku endliwa sweswo eka munhu loyi hosi yi rhandzaka ku n'wi tsakisa.”

Estere 6:11 Referans Kwoze

Luka 1:52

Tihosi ta matimba ú ti susile eswiluvelweni swa tona, kutani ú tlakusile lava titsongahataka.

Nhlavutelo 3:9

Vona, loko va ri va ntlawa wa ka Sathana, vahembi lava tivulaka Vayuda kasi a hi vona, ndzi ta endla leswaku va ta, va ta nkhinsama emahlweni ka wena va ku gandzela; va ta tiva leswaku ndzi ku rhandzile.

Esaya 60:14

Vana va lava va ku xaniseke va ta ta eka wena va ri karhi va tilondla-londla, hambi va ri vanhu hinkwavo lava a va ku langutela hansi, va ta ku nkhinsamela. Va ta ku vula ‘Muti wa HOSI Xikwembu, Siyoni, muti wa Muhlawuleki wa Israele’.

Estere 9:3

Tihosana hinkwato ta swifundzha, ni vayimeri va vuhosi eswifundzheni, ni vafambisi va swona, ni lava tirhaka entsindza, va yima ni Vayuda hikwalaho ka ku chava Mordekayi.

Estere 8:15

Kutani Mordekayi a huma emutini wa hosi, a ambarile minceka ya vukosi ya muhlovo wa rihlaza ra tilo ni ku basa, a ambele ni harhi leyikulu ya nsuku, ni nceka wa ntsembyani wo saseka wa xivunguvungu. Vaaki va muti wa Xuxani a va ba minkulungwana va tsakile.

Ezra 6:13

Tatenayi ndhuna ya le xifundzheni xa vupeladyambu bya Yufrata, na Xetara-Bozenayi, ni vanghana va vona, va tikarhata va endla hinkwaswo leswi hosi Dariyosi a va leriseke swona.

Estere 6:10

Kutani hosi yi byela Hamani yi ku: “Hatlisa u teka tinguvu ni hanci, u fundzha hi ndlela yoleyo Mordekayi loyi wa Muyuda, loyi a tirhaka ehubyeni. N'wi endlele hinkwaswo leswi u swi vuleke, u nga siyi nchumu!”

Estere 6:12

Kutani Mordekayi a tlhelela ehubyeni ya hosi, Hamani yena a hatlisa a tiyela ekaya a khunguvanyekile swinene, a tisiva xikandza hi ku nyuma.

Swivuriso 27:18

Loyi a hlayisaka nkuwa wa yena, ú ta dya mihandzu ya wona; swi tano ni loyi a hlayisaka n'wini wa yena, ú ta nkhensiwa.