Estere 5:6 - BIBELE Mahungu Lamanene

⁶ Loko va ri karhi va nwa, hosi yi ku ka Estere: “Ndzi byele leswi u kombelaka swona, u ta swi kuma; ndzi ta ku nyika leswi u swi lavaka, hambiloko u kombela ku averiwa mfumo wa mina hi le xikarhi!”

Xitsonga (Bibele)

⁶ Kakuloko ku nwiwa vhinyo, hosi yi ku eka Estere: “U kombela yini? U ta swi nyikiwa. U kombela yini? Ni loko ku nga va ku averiwa ka vumbirhi ka ku fuma, u ta endleriwa swona.”

Estere 5:6 Referans Kwoze

Estere 7:2

Loko va ri karhi va nwa vhinyo hi siku leri ra vumbirhi, hosi yi engeta yi ku ka Estere: “Nkosikazi Estere, ndzi byele leswi u kombelaka swona, u ta swi kuma; u ta nyikiwa hinkwaswo leswi u swi lavaka, hambiloko u kombela ku averiwa mfumo wa mina hi le xikarhi!”

Estere 5:3

Hosi yi vutisa yi ku: “Swi lo yini, nkosikazi Estere? Ndzi byele leswi u lavaka swona, u ta swi kuma, hambiloko u nga kombela ku averiwa mfumo wa mina hi le xikarhi!”

Estere 9:12

Kutani hosi yi byela nkosikazi Estere, yi ku: “EXuxani le ntsindza Vayuda va dlayile vavanuna va 500, ni vana va Hamani va khume. Xana, loko va endlisile leswi eXuxani, va ta va va endlile yini eswifundzheni leswin'wana swa mina ke! Sweswi ke, ndzi byele leswi u swi kombelaka, u ta swi kuma; ni leswi u swi lavaka, u ta nyikiwa swona.”

Marka 6:23

A engeta a n'wi hlambanyela hi matimba, a ku: “Leswi u nga ta swi kombela eka mina, ndzi ta ku nyika swona, hambi ku ri ku ku avanyisela hi le xikarhi tiko leri ndzi ri fumaka.”

Estere 5:7

Estere a hlamula a ku: “Leswi ndzi swi kombelaka ni leswi ndzi swi lavaka, hi leswi:

Nehemiya 2:4

Kutani hosi yi ku: “Xana u lava leswaku ndzi ku endlela yini xana?” Hiloko ndzi khongela Xikwembu xa matilo.