Estere 5:4 - BIBELE Mahungu Lamanene

⁴ Estere a hlamula a ku: “Loko u nkhensa we n'wini wanga, a ndzi navela leswaku u ta na Hamani namuntlha, enkhubyeni lowu ndzi ku lunghiselaka wona.”

Xitsonga (Bibele)

⁴ Estere a ku: “Loko hosi yi pfumela, hosi a yi te namuntlha na Hamani eswakudyeni leswi ndzi n'wi lunghiseleke swona.”

Estere 5:4 Referans Kwoze

Swivuriso 29:11

Xiphunta xi hatla xi komba ku khunguvanyeka ka xona, kambe munhu wo tlhariha wa tiyisela, ú kota ku tikhoma.

Estere 5:8

Loko u ndzi tsakela, we n'wini wanga, ni loko u nkhensa ku ndzi nyika leswi ndzi swi kombelaka ni ku endla leswi ndzi swi lavaka, ndzi navela leswaku wena hosi u ta na Hamani kambe mundzuku, enkhubyeni lowu ndzi nga ta mi lunghisela wona; kwalaho hi kona ndzi nga ta ku byela leswi ndzi swi kombelaka, we hosi.”

1 Vakorinto 14:20

Vamakwerhu, mi nga fani ni vana eku ehleketeni ka n'wina. Loko ku ri ka leswo biha mi fanele ku fana ni swihlangi, kambe mi va lava kuleke emiehleketweni.

Pisalema 112:5

Swi sasekile loko munhu a tiva ku hanana ni ku lomba van'wana; la endlaka sweswo, ú hlayisa swilo swa yena hi ndlela leyi nkhensekaka.

Estere 3:15

Nawu wa kona wu humesiwile le ntsindza eXuxani, kutani hi ku lerisa ka hosi, varhumiwa lava kotaka ku tsutsuma va hatla va wu fambisa. Kutani hosi na Hamani va tshama hansi va nwa. Kasi emutini wa Xuxani a ku ri ni mpfilumpfilu.

Genesa 32:20

Mi tlhela mi ku: ‘Yakobo nandza wa wena wa karhi wa ta.’ ” Yakobo a a ehleketa leswaku u ta tsakisa Esawu hi tinyiko leti a a ti rhangisile, kutani yena hi xiviri ú ta ya vonana na Esawu endzhaku, hikuva a a ku: “Kumbexana ú ta ndzi amukela.”

Genesa 27:25

Kutani Isaka a ku: “Ndzi nyikete swa vuhloti bya wena n'wananga, ndzi ta dya ndzi ku katekisa.” Kutani Yakobo a n'wi nyiketa swona a dya; a tlhela a n'wi nyika vhinyo a nwa.

Estere 5:3

Hosi yi vutisa yi ku: “Swi lo yini, nkosikazi Estere? Ndzi byele leswi u lavaka swona, u ta swi kuma, hambiloko u nga kombela ku averiwa mfumo wa mina hi le xikarhi!”

Estere 5:5

Kutani hosi yi ku: “Hatlisani mi vitana Hamani, hi ta endla leswi Estere a kombelaka swona!” Kutani hosi na Hamani va ya dya nkhuvo lowu Estere a wu lunghiseke.

Estere 1:9

Vavasati na vona va endleriwa nkhuvo hi nkosikazi Vhasiti, kwale ntsindza wa hosi Ahasuwerusi, va wu dyela endlwini.