Estere 5:2 - BIBELE Mahungu Lamanene

² Loko yi vona nkosikazi Estere a yimile exivaveni, yi n'wi tsetselela; kutani yi tlakusa nhonga ya yona ya nsuku, yi n'wi komba, kutani Estere a tshinela, a khumba makumu ya nhonga yoleyo.

Xitsonga (Bibele)

² Kuteloko hosi yi vona nkosikazi Estere a yime erivaleni, a kuma tintswalo emahlweni ka hosi, kutani yi yimisela Estere nhonga ya vuhosi ya nsuku leyi ngi yi ri evokweni ra yena; kutani Estere a tshinela, a khoma makumu ya nhonga.

Estere 5:2 Referans Kwoze

Estere 8:4

Kutani hosi yi tlakusa nhonga ya yona ya nsuku yi komba Estere, kutani Estere a suka a yima emahlweni ka hosi,

Estere 4:11

“Malandza ya hosi hinkwawo ni vanhu va swifundzha swa yona hinkwaswo va swi tiva leswaku loko wanuna kumbe wansati a nga tshuka a nghena exivaveni xa le ndzeni ka muti wa hosi, a nga vitaniwanga, ku ni nawu wun'we ntsena: Ú fanele ku dlayiwa, ehandle ka loko hosi yi tlakusa nhonga ya yona ya nsuku, yi n'wi komba leswaku a hanya. Sweswi ku hundzile masiku ya 30 hosi yi nga si ndzi vitana.”

Swivuriso 21:1

Mbilu ya hosi i xinambyana xa mati lexi fambisiwaka hi HOSI Xikwembu, xi yi jikisela hinkwako lomu xi ku rhandzaka.

Timhaka 10:4

Loko a yi langutile swinene, a khomiwa hi ku chava, kutani a ku: “I ncini, Hosi?” Yi ku ka yena: “Mikhongelo ya wena ni swihanano swa wena swi amukeriwile eka Xikwembu, kutani xi ku anakanyile.

Timhaka 7:10

xi n'wi kutsula emahlomulweni ya yena hinkwawo; xi n'wi nyika ku tsakisa Faro hosi ya Egipta ni ku tlhariha emahlweni ka yena; kutani hosi yi n'wi veka mufumi wa Egipta ni wa yindlu ya yona hinkwayo.

Pisalema 116:1

Ndzi rhandza HOSI Xikwembu, hikuva xa ndzi yingisa loko ndzi rila eka xona.

Estere 2:9

Hegayi a kokiwa mahlo hi Estere, a n'wi komba tintswalo, kutani a hatlisa a n'wi nyika switola-tolani swa yena ni swakudya swa yena, a tlhela a n'wi nyika malandza ya vanhwana va 7 va le ntsindza, a n'wi yisa kun'we ni vanhwana lava endhawini leyo saseka ku tlula hinkwato, le nhangeni.

Nehemiya 1:11

We HOSI, ndzi kombela leswaku u rhiya ndleve u yingisa xikhongelo xa mina nandza wa wena, u yingisa ni xikhongelo xa malandza ya wena lawa ma tinyungubyisaka hi vito ra wena lero chaviseka. Ndzi kombela leswaku u ndzi katekisa mina nandza wa wena, u endla leswaku namuntlha hosi ya tiko yi ndzi komba tintswalo.” Enkarhini lowu, a ndzi ri mucheri wa vhinyo ya hosi.

Genesa 32:28

Kutani a ku: “Vito ra wena a ri nga ha vi Yakobo, kambe u ta va Israele, hikuva u pfinyanile ni Xikwembu ni vanhu, kambe u hlurile.”