Estere 3:12 - BIBELE Mahungu Lamanene

¹² Hi siku ra vu-13 ra n'hweti yo sungula, vamatsalani va hosi va vitaniwa, kutani va tsala nawu hilaha Hamani a va leriseke hakona va nga siyi nchumu, wu rhumeriwa vayimeri va vuhosi eswifundzheni, ni vafambisi va swona hinkwaswo, ni tihosana ta vanhu va swona va tinxaka-xaka; xifundzha xin'wana ni xin'wana xi nyikiwa nawu lowu wu tsariwile hi ririmi ra vanhu va kona ni matsalele ya vona, wu humesiwile hi vito ra hosi Ahasuwerusi ni ku funghiwa hi xingwavila xa yona.

Xitsonga (Bibele)

¹² Hi laha vatsari va hosi va vitaniwaka hi siku ra khume na manharhu ra n'hweti yo sungula; ku tsaleriwa hinkwako hilaha Hamani a leriseke hakona; ku tsaleriwa tindhuna ta hosi, ni vafumi va tiko rin'wana ni rin'wana, ni tihosana ta vanhu van'wana ni van'wana; ku tsaleriwa tiko rin'wana ni rin'wana hi matsalele ya rona, ni vanhu van'wana ni van'wana hi ku vulavula ka vona; matsalwa ma tsariwa hi vito ra hosi Ahasuwerusi, kutani ku tiyisiwa hi xingwavila xa hosi.

Estere 3:12 Referans Kwoze

1 TIHOSI 21:8

Kutani Yezabele a tsala mapapila, wonge hi loko ma huma eka Akabu, a ma lema hi mfungho wa Akabu; kutani a ma rhumela eka vakulukumba ni vachaviseki lava a va akelanile na Naboto, emutini wa Yizriele.

Estere 1:22

Yi rhumela mapapila eka swifundzha hinkwaswo swa tiko, xin'wana ni xin'wana xi kuma nawu lowu wu tsariwile hi ririmi ra vanhu va kona ni matsalele ya vona. Nawu lowu a wu vula leswaku wanuna un'wana ni un'wana ú fanela ku va nhloko ya muti wa yena, naswona a landza mikhuva ya vanhu va ka vona.

Daniele 6:15

Kutani vavanuna lava va twanana ku ya eka hosi, va fika va ku ka yona: “We hosi, hi ntolovelo wa Vameda ni Vaperesi, milawu leyi vekiweke hi hosi a yi hundzuluxiwi.”

Daniele 6:12

Kutani va suka va ya ehosini, va yi tsundzuxa nawu lowu yi wu vekeke, va ku: “We hosi, xana a hi wena u fungheke nawu, u vula leswaku hi masiku ya 30, munhu loyi a khongelaka xikwembu xin'wana kumbe munhu un'wana ehandle ka wena ú ta hoxiwa ekheleni ra tinghala xana?” Hosi yi ku: “Mhaka leyi ya ha yimise xisweswo, hikuva hi ntolovelo wa Vameda ni Vaperesi, milawu a yi hundzuluxiwi.”

Daniele 6:8

Kutani we hosi, nawu lowu u nga ta wu veka, u ta wu fungha hi mfungho wa wena leswaku ku nga vi na munhu loyi a nga wu hundzuluxaka, hikuva hi ntolovelo wa Vameda ni Vaperesi, milawu a yi hundzuluxiwi.”

Estere 9:27

Vayuda va tiboha leswaku vona ni vatukulu va vona swin'we ni vanhu lava va nga ta amukeriwa exikarhi ka vona, a va nga tsandzeki ku hlayisa masiku lawa mambirhi, hilaha swi tsariweke hakona, naswona hi nkarhi lowu vekiweke wa lembe rin'wana ni rin'wana,

Estere 8:2

Hosi yi humesa xingwavila xa yona lexi a yi xi tekerile Hamani yi xi nyika Mordekayi; kutani Estere a veka Mordekayi leswaku a va mulanguteri wa swilo hinkwaswo leswi a swi ri swa Hamani.

Ezra 8:36

Va fikisile ni xileriso xa hosi ya tiko eka vayimeri va yona ni tindhuna ta yona ta le xifundzheni lexi nga vupeladyambu bya Yufrata, kutani vona lava va pfuna Vaisraele, va seketela na ntirho wa yindlu ya Xikwembu.

Estere 3:11

Hosi yi n'wi byela yi ku: “Mali leyi ndzi ku nyika yona ni vanhu lava ndzi ku nyiketa vona, endla leswi u swi rhandzaka hi vona.”

Daniele 3:10

Hosi, hi wena u vekeke nawu lowu nge, munhu un'wana ni un'wana la twaka mhalamhala, ni xitiringo, ni xitende, ni haripa, ni nkatara, ni nanga, ni swichaya-chayani swin'wana, a a nkhinsame a khongela xifaniso xa nsuku,

Daniele 6:25

Kutani hosi Dariyosi a tsalela vanhu va tinxaka hinkwato lava akeke etikweni ra yena hinkwaro lava vulavulaka tindzimi to hambana-hambana a ku: “Ku rhula a ku ve na n'wina!