Estere 3:1 - BIBELE Mahungu Lamanene

¹ Endzhaku ka timhaka leti, hosi Ahasuwerusi a tlakusa wanuna un'wana loyi a va ku i Hamani, n'wana Hamedata wa rixaka ra Agaga, a n'wi veka ku va mufambisi wa tihosana ta yena hinkwato.

Xitsonga (Bibele)

¹ Endzhaku ka sweswo, hosi Ahasuwerusi a tlakusa Hamani, n'wana Hamedata Muagaga; a n'wi kurisa, a tlakusa xitshamo xa yena ku tlurisa swa tihosana hinkwato leti ngi a ri na tona.

Estere 3:1 Referans Kwoze

Tinhlayo 24:7

Makhuwana ya Vaisraele ma ta khapa-khapa hi mati, timbewu ta vona ti nge pfumali ndzhongo. Hosi ya vona yi ta dzunisiwa ku tlula Agaga, mfumo wa yona wu ta duma ngopfu.

Daniele 6:2

a veka ni valanguteri vanharhu ehenhla ka tihosana leti, leswaku va ti fambisa, ni leswaku hosi yi nga lahlekeriwi hi nchumu. Daniele a a ri un'wana wa valanguteri lava,

Estere 5:11

Hamani a va hlayela ku dzuneka ka rifuwo ra yena, ni nhlayo ya vana va yena va xinuna, ni hilaha hosi yi n'wi tlakuseke hakona matlhelo hinkwawo, ni hilaha yi n'wi vekeke hakona ehenhla ka tihosana ni malandza ya yona.

Estere 3:10

Kutani hosi yi humesa xingwavila xa yona xo fungha ha xona, yi nyika nala wa Vayuda, Hamani n'wana Hamedata wa rixaka ra Agaga.

1 SAMIELE 15:33

Kambe Samiele a ku ka yena: “Banga ra wena ri tekerile vavasati lavo tala evana va vona. Namuntlha, mana wa wena ú tekeriwa n'wana wa yena, ku fana na vona.” Kavaloko Samiele a khavangela Agaga eGiligala a fa, emahlweni ka HOSI Xikwembu.

Genesa 41:40

U ta va mulanguteri wa muti wa mina, kutani vanhu hinkwavo va tiko ra mina va ta yingisa swileriso swa wena; mina ndzi ta ku tlula ntsena hi ku va exiluvelweni xa vuhosi.”

Swivuriso 29:2

Loko lowo lulama a vekiwa ku va hosi, vanhu va tsaka, kasi loko ku vekiwa lowo homboloka, va gungula.

Pisalema 12:8

hikuva lavo homboloka va rhendzeleka hinkwako, vubihi byi ri karhi byi dzunisiwa hi vanhu va laha misaveni.

Estere 8:3

Kutani Estere a tlhela a vulavula ni hosi, a tiwisela emilengeni ya yona, a ri karhi a rila a kombela hosi leswaku yi sivela makungu layo biha ya ku dlaya Vayuda, lawa a ma endliwile hi Hamani Muagaga.

Estere 7:6

Nkosikazi Estere a hlamula a ku: “Nala ni muxanisi wa hina i mubihi loyi, Hamani!” Kutani Hamani a khomiwa hi ku chava lokukulu emahlweni ka hosi na nkosikazi.

Estere 1:14

Vavanuna va 7 lava a va n'wi seketela hi lava: Karixena, na Xetara, na Adimata, na Tarxixi, na Merese, na Marisena, na Memukana; hi vona lava a va ri tihosana ta tiko ra Vaperesi ni Vameda, lava a va pfumeleriwa ku vona xikandza xa hosi; a va ri ni xiyimo xa le henhla eka mfumo wa yona.

Ezra 7:14

Mina hosi ya tiko, ni vatsundzuxi va mina va 7, ha ku rhuma leswaku u ya kambisisa leswi humelelaka eYuda ni le Yerusalema, u vona loko swi fambelana ni nawu wa Xikwembu xa wena lowu u nyikiweke wona.

1 SAMIELE 15:8

A herisa Vaamaleke hinkwavo va ku bi, a siya ntsena hosi ya vona Agaga, loyi a n'wi khomeke a ha hanya.

Genesa 41:55

kambe loko ri sungula ku wela hi ndlala na rona, Vaegipta va ya rila eka Faro, va kombela swakudya, yena a va hlamula hinkwavo a ku: “Yanani eka Yosefa, mi endla leswi a nga ta mi byela swona.”

Eklesiasta 10:6

Maphuphula ma tlakusiwa, kasi lavakulu ni swifumi, va tsongahatiwa.