Estere 2:7 - BIBELE Mahungu Lamanene

⁷ Mordekayi a a tshama na Estere loyi a a vuriwa Hadasa, n'wana wa malume wa yena, a n'wi hlayisa, hikuva Estere a a feriwile hi vatswari. Nhwana loyi a a yimekile, a tlhela a va mbhurhi; loko vatswari va yena va lovile, Mordekayi ú n'wi wundlile a n'wi endla n'wana wa yena.

Xitsonga (Bibele)

⁷ A a ri karhi a wundla Hadasa, la nga Estere, n'wana hahani wa yena, a nga ri na tata wa yena ni mana wa yena; nhwanyana yeloyi a a sasekile, a languteka; siku ku faka tata wa yena ni mana wa yena, Mordekayi u n'wi hlayisile, a n'wi endla n'wana wa yena.

Estere 2:7 Referans Kwoze

Estere 2:15

Kutani nkarhi wu fika wa leswaku Estere n'wana Abihayili a nghena endlwini ya hosi. (Abihayili loyi a a ri malume wa Mordekayi, kutani Mordekayi a a wundlile Estere, a n'wi endla n'wana wa yena. Nhwana loyi a a tsakeriwa hi un'wana ni un'wana loyi a a n'wi vona.) Kuteloko nkarhi wa yena wa ku ya endlwini ya hosi wu fikile, a nga lavanga ku teka nchumu, ehandle ka leswi Hegayi mutsheniwa wa hosi ni mulanguteri wa vasati va yona a nga n'wi tsundzuxa ku ya na swona.

Vaefesa 6:4

Na n'wina vatatana, mi nga dyisi vana va n'wina embitsi, kambe mi va kurisa, hi ku va laya ni ku va dyondzisa ta Hosi.

2 Vakorinto 6:18

Ndzi ta va tata wa n'wina, na n'wina mi va vana va mina va xinuna ni va xisati.” Hosi ya matimba hinkwawo yi vula sweswo.

Estere 1:11

kutani yi va rhuma ku ya vitana nkosikazi Vhasiti, leswaku a ta a ambele harhi ya yena ya vunkosikazi enhlokweni, vumbhurhi bya yena byi ta voniwa hi vanhu ni tihosana, hikuva kunene a a sasekile swinene.

Genesa 48:5

Hikokwalaho, Efrayimi na Manase, va nga vana va wena lava velekiweke laha Egipta mina ndzi nga si fika, va ta hlayiwa va ri vana va mina, ku fana na Rhuveni kumbe Simiyoni va nga vana va mina.

1 Yohane 3:1

Ma nga vona rirhandzu lerikulu leri Tatana a hi rhandzaka ha rona, ku fika laha hi vuriwaka vana va Xikwembu; nisweswi, hi vona. Lexi endlaka leswaku misava yi nga hi tivi, i mhaka ya leswi yi nga n'wi tivangiki.

Estere 2:20

Ku fikela nkarhi lowu, Estere a a nga si tivisa lomu a tswariweke kona ni leswaku a a ri wa rixaka rihi, hilaha Mordekayi a a n'wi lerisile hakona, hikuva Estere a a yingisa Mordekayi tanihi leswi a a n'wi yingisisa swona loko a ha wundliwa hi yena.

Estere 8:1

Hi siku rero, hosi Ahasuwerusi a nyika nkosikazi Estere swilo hinkwaswo leswi a swi ri swa Hamani nala wa Vayuda. Kutani Mordekayi a pfumeleriwa ku hamba a ta eka hosi, hikuva Estere a a byerile hosi leswaku Mordekayi i xaka ra kwe.

Ntirho 31:17

Xana ndzi lo dya ndzi ri ndzexe, ndzi tsona vana vo pfumala vatswari ke?

Ntirho 31:18

E-e! Ndzi vile tatana eka vona, va kulele laha ka mina; ndzi va hlayisile ni loko ndza ha ri lontshwa.