Estere 10:2 - BIBELE Mahungu Lamanene

² Mintirho hinkwayo ya mfumo wa yena ni ya vukulu bya yena, ni timhaka hinkwato ta ku fundzheka ka Mordekayi ni hilaha hosi yi n'wi kuriseke hakona, swi tsariwile eka Buku ya Matimu ya tihosi ta Vameda ni Vaperesi.

Xitsonga (Bibele)

² Loko yi ri mitirho hinkwayo ya mandla ya yena, ni swiendlo swa yena leswi tlakukeke, ni loko ku ri ku runguriwa ka vukulukumba bya Mordekayi, hilaha hosi yi nga n'wi tlakusa hakona, a ndzi ku, timhaka toleto ti tsariwe ebukwini ya timhaka ta tihosi ta Mediya na Peresi.

Estere 10:2 Referans Kwoze

Estere 8:15

Kutani Mordekayi a huma emutini wa hosi, a ambarile minceka ya vukosi ya muhlovo wa rihlaza ra tilo ni ku basa, a ambele ni harhi leyikulu ya nsuku, ni nceka wa ntsembyani wo saseka wa xivunguvungu. Vaaki va muti wa Xuxani a va ba minkulungwana va tsakile.

Estere 9:4

Wanuna loyi Mordekayi a a ri ni xiyimo xa le henhla emutini wa hosi, naswona ku twala ka yena a ku tiveka eswifundzheni hinkwaswo, hikuva matimba ya yena a ma ya ma kula.

Estere 2:23

Loko ku lavisisiwa mhaka, swi kumeka leswaku i ntiyiso. Hiloko vavanuna valavo vambirhi va hayekiwa etimhandzeni va fa. Timhaka leti ti tsariwile eka Buku ya Matimu ya mfumo, hosi yi ri karhi yi swi vona.

Estere 6:1

Hosi Ahasuwerusi a a ri ni nkelunkelu vusiku byebyo. Kutani a lerisa leswaku va n'wi tisela buku ya matimu, laha ku tsariwaka timhaka leti ti faneleke ku tsundzukiwa. Kunene matsalwa ya kona ma tisiwa ku ta hlayiwa emahlweni ka yena.

Daniele 2:48

Kutani hosi yi fundzha Daniele hi ku n'wi humesela tinyiko leto tala to saseka, yi n'wi endla mulanguteri wa xifundzha hinkwaxo xa Babilona, yi n'wi veka ni ku va murhangeri wa tintlhari hinkwato ta Babilona.

Pisalema 18:35

We HOSI, u ndzi tamerisa xitlhangu ku nga ku ponisa ka wena; voko ra wena ra xinene ra ndzi seketela, wa ndzi kurisa, loko u tikarhatela mina.

1 TIHOSI 22:39

Kutani ke, mintirho leyin'wana ya Akabu, ni hinkwaswo leswi a swi endleke, ni ta yindlu leyi a yi akeke yo sasekisiwa hi matino ya tindlopfu, ni ta miti hinkwayo leyi a yi akeke, swi tsariwile eka “Buku ya Matimu” ya tihosi ta Israele.

1 TIHOSI 14:19

Kutani ke, mintirho leyin'wana ya Yerobuwamu, ti nga tinyimpi leti a ti lweke, ni mafumele ya yena, swi tsariwile eka “Buku ya Matimu” ya tihosi ta Israele.

1 TIHOSI 11:41

Mintirho leyin'wana ya Solomoni, ni hinkwaswo leswi a swi endleke, ni vutlhari bya yena, swi tsariwile ebukwini ya “Matimu ya Solomoni”.

Estere 8:2

Hosi yi humesa xingwavila xa yona lexi a yi xi tekerile Hamani yi xi nyika Mordekayi; kutani Estere a veka Mordekayi leswaku a va mulanguteri wa swilo hinkwaswo leswi a swi ri swa Hamani.