Estere 1:11 - BIBELE Mahungu Lamanene

¹¹ kutani yi va rhuma ku ya vitana nkosikazi Vhasiti, leswaku a ta a ambele harhi ya yena ya vunkosikazi enhlokweni, vumbhurhi bya yena byi ta voniwa hi vanhu ni tihosana, hikuva kunene a a sasekile swinene.

Xitsonga (Bibele)

¹¹ leswaku ti tisa emahlweni ka hosi nkosikazi Vhasiti, a rhwele harhi ya vuhosi enhlokweni ya yena leswaku a ta ta kombisa vumbhurhi bya yena eka vanhu ni tihosana hinkwato ta yena; hikuva a a ri munhu wa nghohe leyo saseka ngopfu.

Estere 1:11 Referans Kwoze

Swivuriso 31:30

Ku saseka ka nghohe ka kanganyisa, ni vumbhurhi bya hela, kambe wansati loyi a chavaka HOSI Xikwembu, wa dzuneka.

Swivuriso 16:9

Munhu a nga endla makungu ya lomu a yaka kona, kambe HOSI Xikwembu hi xona xi nga ta n'wi komba ndlela.

Estere 6:8

a a nyikiwe tinguvu ta vukosi leti u ti ambalaka; a ku tisiwe ni hanci leyi u gadaka yona, leyi yi nga ni harhi ya vuhosi enhlokweni;

2 SAMIELE 14:25

Etikweni hinkwaro ra Israele, a ku ri hava loyi a a dumile ku fana na Abixalomu, hi ku saseka ka yena; a a nga ri na xivati emirini wa yena hinkwawo.

1 SAMIELE 25:3

Vito ra wanuna loyi a va ku i Nabala, nsati wa yena a va ku i Abigayele. Wansati loyi a a ri munhu wo hatla ku twisisa, naswona a a sasekile, kasi nuna wa kona a a ri munhu wo karhata, wa mintirho yo ka yi nga tivikani. Nabala a a ri wa rixaka ra Kalebe.

Estere 2:17

Kutani hosi yi rhandza Estere ku tlula vavasati hinkwavo, yi n'wi tsakela ni ku n'wi komba tintswalo ku tlula vanhwana lavan'wana hinkwavo; kutani yi n'wi tlhandleka harhi enhlokweni yi n'wi nyika vunkosikazi ematshan'weni ya Vhasiti.

Estere 1:12

Kambe loko vatsheniwa va fikisile xileriso xa hosi, nkosikazi Vhasiti a ala ku ya. Kutani hosi yi hlundzuka, yi pfurha hi vukari.