Esaya 7:3 - BIBELE Mahungu Lamanene

³ Kutani HOSI Xikwembu xi ku ka Esaya: “Teka n'wana wa wena Xeyara-Yaxubu, u ya eka Akazi; u ta n'wi kuma emugerhweni lowu humaka etiveni ra le n'walungwini, kusuhi ni gondzo leri kongomaka eka ‘Nsimu ya Muhlantswi’;

Xitsonga (Bibele)

³ Kutani Yehovha a ku eka Esaya: “Suka sweswi u ya hlangana na Akazi, wena na Xeyara-Yaxubu, n'wana wa wena, mi ta n'wi kuma emakun'wini ya mugerho wa tiva leri nga ehenhla, endleleni ya nsimu ya vahlantswi;

Esaya 7:3 Referans Kwoze

Esaya 36:2

Kutani hosi ya le Asiriya yi rhuma Rhabi-Xake, a suka emutini wa Lakixi, a kongoma eka hosi Hezekiya emutini wa Yerusalema, a ri ni masocha layo tala; a fika a yima etlhelo ka mugerho lowu humaka etiveni ra le n'walungwini, egondzweni leri kongomaka “Nsimu-ya-Muhlantswi”.

2 TIHOSI 18:17

Kutani hosi ya le Asiriya yi rhuma Tartani mufambisi wa mavuthu, na Rhabi-Sarisi ndhunankulu ya le ntsindza, na Rhabi-Xake xandla xa yona, leswaku va suka emutini wa Lakixi, va kongoma eka hosi Hezekiya emutini wa Yerusalema, va ri ni nyimpi leyikulu. Kutani va tlhandlukela eYerusalema; loko va fikile, va yima etlhelo ka ndlela ya mati leyi boxiweke, yi huma etiveni ra le n'walungwini, egondzweni leri kongomaka Nsimu-ya-Muhlantswi.

Varhoma 9:27

Na yena Esaya wa huwelela hi ta Israele, a ku: “Hambiloko ntsengo wa Vaisraele wu kotisa sava ra lwandle, ku ta ponisiwa masalela ntsena;

Esaya 6:13

Hambiloko eka ntlawa wun'wana ni wun'wana wa vanhu va khume ku nga sala munhu un'we, vanhu lava ndzi ta va herisa; va ta fana ni murhi lowukulu wa nkuhlu lowu weke, ku sala xikundzu ntsena.” Xikundzu lexi i mbewu leyo hlawuleka.

Yeremiya 22:1

HOSI Xikwembu xi vulavula na mina xi ri: “We Yeremiya, rhelela u ya endlwini ya hosi ya Yuda, kutani u fika u yi tivisa marito ya mina lama nge:

Esaya 55:7

Lavo homboloka a va tshike mahanyelo ya vona layo biha, ni lava nga lulamangiki a va cukumete kule miehleketo leyo biha leyi va nga na yona; hinkwavo a va tlhelele eka HOSI Xikwembu xa hina, kutani xi ta va twela vusiwana, xi va rivalela swidyoho swa vona hinkwaswo.

Esaya 10:21

Lava poneke, ma nga masalela ya va ka Yakobo, va ta tlhelela eka Xikwembu xa matimba.

2 TIHOSI 20:20

Mintirho leyin'wana ya Hezekiya, ni ta vunhenha bya yena hinkwabyo, ni hilaha a celeke xihlovo hakona, a boxa ni ndlela yo fikisa mati emutini wa Yerusalema, swi tsariwile eka “Buku ya Matimu” ya tihosi ta Yuda.

Eksoda 7:15

Kutani yana eka Faro nimpundzu, nkarhi lowu a humaka a ya enambyeni, u famba u khomile nhonga leyi a yi hundzukile nyoka, u fika u n'wi yimela eribuweni ra nambu.

Nehemiya 3:16

Ekusuhi na Xalumi, a ku tirha Nehemiya n'wana Azibuku ndhuna ya hafu ya xifundzha xa Beta-Suru, a aka xiphemu lexi langutaneke ni masirha ya ka Davhida, ku ya fika exidziveni lexi ceriweke kunene, ni ku ya fika endlwini ya tinhenha.

2 TIHOSI 16:1

Hi lembe ra vu-17 ra ku fuma ka Peka n'wana Remaliya, Akazi n'wana Yotamu hosi ya Yuda a sungula ku fuma.

Esaya 22:10

kutani mi hlaya tindlu ta muti wa Yerusalema, mi faya tin'wana leswaku mi kota ku pfuxa rirhangu hi maribye ya tona.

Esaya 22:11

Exikarhi ka makhumbi mambirhi ya rirhangu, mi cerile khele ro hlayisa mati lama humaka eka Xihlovo-xa-Khale. Kambe a mi vulanga nchumu hi Xikwembu lexi endleke leswaku swilo leswi hinkwaswo swi va kona; a mi tsundzukanga leswaku makungu ya kona xi ma endlile khale.