Esaya 61:3 - BIBELE Mahungu Lamanene

³ Xi ndzi rhumile ku ya miyeta lava rilaka eSiyoni, ndzi va nyika harhi ya swiluva ematshan'wini ya nkuma, ni mafurha ya ntsako leswaku va nga ha rili, ndzi va ambexa ku dzuneka ematshan'wini ya moya lowu tsaneke. Kutani va ta vuriwa “Minkuhlu-ya-ku-lulama”, leyi byariweke hi HOSI Xikwembu leswaku xi ta dzunisiwa.

Xitsonga (Bibele)

³ ku tisela lava rilaka eSiyoni, ni ku va rhwexa harhi ya vuhosi ematshan'weni ya nkuma, mafurha ya ku tsaka ematshan'weni ya nkosi, ni nguvu ya nkhuvo ematshan'weni ya moya lowu tsaneke, leswaku va ta vuriwa mikuhlu ya ku lulama, leyi nga byariwa hi Yehovha ku n'wi dzunisa.

Esaya 61:3 Referans Kwoze

Pisalema 30:11

Ku rila ka mina u ku hundzurile ku tsaka, u ndzi hluvurile swiambalo leswo khwaxa swa nkosi, u ndzi ambexa swiambalo swa nkhuvo.

Yohane 16:20

Ndzi tiyisisile ndzi ri ka n'wina: Mi ta rila mi va mi kolola, kambe misava yona yi ta tsaka; mi ta twa ku vaviseka, kambe ku vaviseka ka n'wina ku ta hundzuka ku tsaka.

Esaya 61:10

Ndzi ta titsakela swinene eka HOSI Xikwembu xanga, moya wanga wu ta xi tlangela, hikuva matimba ya xona ya ku ndzi ponisa i xiambalo xa mina, ni ntirho wa xona wa ku ndzi lwela i nceka lowu ndzi tifunengetaka ha wona. Ndzi tsaka kukota muteki la tikhavisaka hi swiluva, kukota mutekiwa la tibombisaka hi vuhlalu bya nkoka.

Eklesiasta 9:8

Ambala swo basa minkarhi hinkwayo, u titota mafurha yo nun'hwela enhlokweni.

Pisalema 45:7

U rhandza ku lulama, u venga ku homboloka, hikokwalaho Xikwembu, xona Xikwembu xa wena, xi ku chele mafurha enhlokweni hi siku ra nkhuvo, xi ku hlawula eka tihosi tin'wana.

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

Pisalema 23:5

U ndzi endlela nkhuvo valala va mina va langutile; u ndzi chela mafurha yo nun'hwela enhlokweni, ni ndzheko wa mina wa khapa.

1 Vakorinto 6:20

Mi xaviwile hi nxavo lowukulu; hikokwalaho, dzunisani Xikwembu hi miri wa n'wina.

Zakariya 3:5

Ntsumi yi engeta yi ku: “N'wi ambexeni xihuku xo basa enhlokweni.” Kutani va n'wi ambexa xona, va n'wi ambexa ni swiambalo leswintshwa, ntsumi ya HOSI yi ri karhi yi swi vona.

Vafilipiya 1:11

vutomi bya n'wina byi ta tala hi mihandzu ya leswo lulama, leyi tisiwaka ha Yesu Kriste, leswaku Xikwembu xi dzunisiwa ni ku twarisiwa ha swona.

Matewu 5:16

Ku vonakala ka n'wina a ku voningele vanhu hi mukhuva wolowo, leswaku va ta vona mintirho ya n'wina leyo saseka, va dzunisa Tata wa n'wina la nge matilweni.

Estere 8:15

Kutani Mordekayi a huma emutini wa hosi, a ambarile minceka ya vukosi ya muhlovo wa rihlaza ra tilo ni ku basa, a ambele ni harhi leyikulu ya nsuku, ni nceka wa ntsembyani wo saseka wa xivunguvungu. Vaaki va muti wa Xuxani a va ba minkulungwana va tsakile.

1 Petro 4:14

Loko mi soriwa hikwalaho ka vito ra Kriste, mi katekile, hikuva Moya lowu kwetsimaka, lowu nga wa Xikwembu, wu le ka n'wina.

Luka 15:22

Kambe tata wa yena a ku ka malandza ya yena: ‘Hatlisani mi tisa nguvu leyo saseka ngopfu mi n'wi ambexa, mi nghenisa xingwavila eritihweni ra yena, mi n'wi ambexa ni tintanghu.

Estere 9:22

ma ri masiku lawa Vayuda va nga tilamulela eka valala va vona ha wona; va tsundzuka ni n'hweti leyi, yi ri leyi mahlomulo ni swirilo swa vona swi hundzukeke ntsako ni ku wisa ha yona; va lerisiwa ku teka masiku lawa ma va ya nkhuvo ni ku tsaka, ni ya ku rhumelana tinyiko to hlawuleka, ni ku rhumela swisiwana tinyiko.

2 Vatesalonika 1:10

Hi siku ra kona, loko Hosi yi tela ku ta dzunisiwa exikarhi ka vahlawuriwa va yona, ni ku voniwa hi vapfumeri hinkwavo, na n'wina mi ta va kona, hikuva vumbhoni lebyi mi byi kumeke eka hina, mi byi twisisile.

Yohane 15:8

Tata wa mina ú dzunisiwa hi loko mi veka mihandzu leyo tala, ku kombisa leswaku mi vadyondzisiwa va mina va xiviri.

Pisalema 104:15

yi nga vhinyo leyi tsakisaka timbilu ta vona, ni mafurha ya ku tola exikandzeni, ni vuswa lebyi tiyisaka miri wa vona.

Esaya 12:1

Eminkarhini yoleyo, munhu ú ta yimbelela a ku: “Ndza ku tlangela, we HOSI, hikuva hambileswi a wu ndzi hlundzukerile, sweswi vukari bya wena byi rhelerile, u tlhela u ndzi khongotela.

Matewu 15:13

A hlamula, a ku: “Ximila xin'wana ni xin'wana lexi nga simekiwangiki hi Tata wa mina wa le tilweni, xi ta tsuvuriwa.

1 Vakorinto 3:9

Hikuva hina hi vatirhi-kuloni eka Xikwembu, n'wina mi nsimu ya Xikwembu, mi yindlu ya Xikwembu.

Vaheveru 1:9

U rhandzile ku lulama, u vengile ku homboloka. Hikokwalaho Xikwembu, Xikwembu xa wena, xi ku cherile mafurha ya ntsako lowukulu ku tlula vanakuloni.”

Pisalema 149:4

HOSI Xikwembu xi tsakela vanhu va xona, lava titsongahataka xi va hlulela valala.

Esaya 26:2

Pfulani tinyangwa, leswaku vanhu lavo lulama, lava tshembekaka, va ta nghena.

Esaya 44:23

N'wina matilo, yimbelelani, hikuva loyi a tirheke swilo leswi i HOSI Xikwembu; n'wina tindhawu leti nga marhumbyini ya misava, banani minkulungwana; sumani tinsimu mi yimbelela, n'wina tintshava, na n'wina swihlahla, yimbelelani ni mirhi ya n'wina hinkwayo, hikuva HOSI Xikwembu xi kutsurile va ka Yakobo, kutani xi ta dzunisiwa etikweni ra Israele.

Esaya 46:13

Siku leri ndzi nga ta mi ntshunxa ha rona, ndzi ri tshinete kusuhi, a ra ha ri kule; ri nge hlweli ku fika, siku leri ndzi nga ta mi ponisa ha rona; muti wa Siyoni wu ta kuma ku pona, tiko ra Israele, ndzi ta ri nyika ku dzuneka ka mina.”

Esaya 52:1

We muti wa Siyoni, suka u yima, yima u komba leswaku u ni matimba; we Yerusalema, muti lowo hlawuleka, ambala swiambalo swa wena leswo saseka, hikuva lava nga yimbangiki ni lava nga tengangiki va nga ka va nga ha ngheni eka wena.

Yeremiya 31:13

Vanhwana ni majaha, ni vakulukumba, va ta cina va tsakile, swirilo swa vona swi hundzuka tinsimu ta ntsako; ndzi ta va khongotela, ndzi va nyika ku rhula ematshan'wini ya maxangu.

Ezekiele 34:29

Ndzi ta va nyika masimu lama tivekaka hi ku saseka ka wona, kutani a ku nga ha vi ni ndlala etikweni ra vona, naswona a va nga ha hlekuriwi hi vanhu va matiko man'wana.

Ezekiele 47:7

Loko ndzi ri karhi ndzi tlhela, ndzi vona leswaku emagangeni ya nambu hala ni hala, a ku ri ni mirhi leyo tala.

Pisalema 30:12

Hikokwalaho, ndzi ta ku dzunisa hi mbilu ya mina hinkwayo, ndzi nga ka ndzi nga miyeli; We HOSI, Xikwembu xanga, ndzi ta ku tlangela hilaha ku nga heriki.