Esaya 4:3 - BIBELE Mahungu Lamanene

³ Hinkwavo lava va nga ta va va ha hanya emutini wa Siyoni, lava nga ta va va ha kumeka eYerusalema, va ta vuriwa lava hlawulekeke, hikuva mavito ya vona ma ta va ma tsariwile eYerusalema, leswaku va hanya.

Xitsonga (Bibele)

³ Kutani un'wana ni un'wana wa lava siyiweke eSiyoni, ni lava seleke eYerusalema, va ta vuriwa vakwetsimi, va nga hinkwavo lava tsariweke ebukwini ya lava hanyaka eYerusalema.

Esaya 4:3 Referans Kwoze

Luka 10:20

Hambiswiritano, mi nga tsaki hi leswi mimoya yi mi yingisaka; kambe tsakani hi leswi mavito ya n'wina ma tsariweke etilweni.”

Nhlavutelo 21:27

Kambe a ku nga ngheni xilo ni xin'we xa thyaka kona, hambi a ri loyi a hanyaka hi swa manyala kumbe vunwa; ku ta nghena ntsena lava mavito ya vona ma tsariweke ebukwini ya vutomi ya Xinyimpfana.

Esaya 60:21

Vanhu va wena va ta va lava lulameke hinkwavo, tiko ri ta va ra vona hilaha ku nga heriki. Va ta va hluke ra ximilana xa mina, wu nga ntirho wa mavoko ya mina lowu ndzi nga ta dzunisiwa ha wona.

Esaya 52:1

We muti wa Siyoni, suka u yima, yima u komba leswaku u ni matimba; we Yerusalema, muti lowo hlawuleka, ambala swiambalo swa wena leswo saseka, hikuva lava nga yimbangiki ni lava nga tengangiki va nga ka va nga ha ngheni eka wena.

Pisalema 69:28

Sula mavito ya vona ebukwini ya vutomi, ma nga ha tsariwi swin'we ni mavito ya lavo lulama.

Nhlavutelo 20:15

Loko vito ra munhu ri nga kumiwi ri tsariwile ebukwini ya vutomi, munhu yoloyi a hoxiwa etiveni ra ndzilo.

Nhlavutelo 17:8

Xivandzana lexi u xi voneke, a xi ri kona, kutani a xa ha ri kona, kambe xi ta fanela ku tlhandluka xi huma hi le kheleni lero enta ku ya ni ku ya, xi ya eku loveni. Kutani vaaki va laha misaveni, lava mavito ya vona ma nga tsariwangiki ebukwini ya vutomi khale, misava yi nga si tumbuluka, va ta hlamala ku vona xivandzana, hikuva a xi ri kona, kutani a xa ha ri kona, kambe xi ta fanela ku tlhela xi va kona.

Nhlavutelo 13:8

Kutani vaaki hinkwavo va laha misaveni va ta xi gandzela; hileswaku un'wana ni un'wana loyi vito ra yena ri nga tsariwangiki khale, hi mpfhuka misava yi tumbuluka, ebukwini ya vutomi ya Xinyimpfana lexi dlayiweke, ú ta gandzela xivandzana.

Nhlavutelo 3:5

Loyi a hlulaka, ú ta ambexiwa hi mukhuva wolowo, a nyikiwa tinguvu leto basa. A ndzi nga susi vito ra yena ebukwini ya vutomi, ndzi ta tivisa vito ra kona emahlweni ka Tata wa mina ni le mahlweni ka tintsumi ta yena.

Vaheveru 12:14

Ringetani hi matimba ku hanya hi ku rhula ni vanhu hinkwavo, mi ringeta ni ku hlawuleka, hikuva ehandle ka ku hlawuleka a ku na munhu na un'we la nga ta vona Hosi.

Vakolosa 3:12

Hikokwalaho, leswi mi nga vitaniwa hi Xikwembu ku va vahlawuriwa va xona lava rhandziwaka, ambalani moya wa tintswalo, ni vunene, ni ku titsongahata, ni ku rhula, ni ku leha mbilu.

Vafilipiya 4:3

Ndza ku kombela na wena mutirhi-kulorhi la tshembekaka: Pfuna vamanana lava; va ndzi seketerile swinene entirhweni wa Evhangeli, va ri na Klemento, ni vatirhi-kulorhi lavan'wana, lava mavito ya vona ma tsariweke ebukwini ya vutomi.

Varhoma 11:5

Swa ha ri tano ni namuntlha: Ku ni masalela ya vanhu lava Xikwembu xi va hlawuleke hi tintswalo.

Ezekiele 43:12

Nawu wa Tempele hi lowu: Ndhawu ya yona hinkwayo ehenhla ka ntshava, a yi ve leyi hlawulekeke swinene, matlhelo hinkwawo. Lowu hi wona nawu wa Tempele!”

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

Vaefesa 1:4

Niloko misava yi nga si tumbuluxiwa, Xikwembu a xi hi hlawurile eka Kriste, leswaku hi ta va lava hlawulekeke ni ku pfumala nandzu emahlweni ka xona.

Timhaka 13:48

Loko vamatiko va twa sweswo, va tsaka, va dzunisa Rito ra Hosi; kutani hinkwavo lava hlawuleriweke vutomi lebyi nga heriki, va pfumela.

Ezekiele 13:9

“Ndzi ta komba matimba ya mina hi ku ba vaprofeta lava vo vona swivono swa hava ni ku vhumbha mavunwa. A va nga ngheni entlaweni wa vanhu va mina, kumbe ku tsariwa etibukwini ta Vaisraele, naswona a va nga tlheleli etikweni ra Israele; kutani hi kona va nga ta tiva leswaku HOSI Xikwembu hi mina.

Esaya 1:27

Muti wa Siyoni wu ta kutsuriwa loko wu endla leswo lulama ni loko vaaki va wona va tisola, va endla leswi lulameke.

Varhoma 11:4

Kambe Xikwembu xi n'wi hlamurile yini xana? Xi te: “Ndzi tihlayisele vavanuna va 7 000, lava nga nkhinsamelangiki Baali.”

Pisalema 87:6

HOSI Xikwembu xi le ku longoloxeni ka mavito ya vanhu va matiko hinkwawo, kutani xi ri: “Na vona lava, emutini wa Siyoni hi le kaya ka vona!”

Esaya 28:5

Enkarhini wolowo, HOSI ya matimba hinkwawo yi ta va harhi leyo dzuneka etinhlokweni ta masalela ya vanhu va yona, yi ta va xidlodlo lexi va nga ta bomba ha xona.

Esaya 35:8

Etikweni ku ta va na gondzo lerikulu, leri nga ta thyiwa Gondzo-ro-Hlawuleka; vanhu lava nga tengangiki va nga ka va nga fambi ha rona, ri ta va ra lavo tenga ntsena, la fambaka ha rona, hambi a nga tivi ndlela, a nga ka a nga lahleki.

Esaya 46:3

HOSI Xikwembu xi ri: “N'wina va ka Yakobo, ndzi lombeni tindleve, ndzi vula n'wina hinkwenu masalela ya Vaisraele: Hi mina ndzi mi rhwaleke ku sukela loko mi velekiwile, ku sukela loko mi vile kona, hi mina ndzi mi tlakuleke.

Esaya 62:12

Vaaki va wena Yerusalema va ta vuriwa “Vahlawuriwa”, “Vakutsuriwa-va-HOSI”; wena u ta vuriwa “La-tsakeriwaka”, “Muti-lowu-nga-tshikiwangiki”!

Yuwele 3:17

“Hikokwalaho, mi ta swi tiva leswaku mina HOSI, ndzi Xikwembu xa n'wina, ndzi tshama entshaveni ya mina leyo hlawuleka ya Siyoni. Muti wa Yerusalema wu ta va lowu hlawulekeke, kutani vanhu vambe va nga ka va nga ha tsemakanyi hi le xikarhi ka wona, ni siku ni rin'we.

Obadiya 1:17

“Entshaveni ya Siyoni, van'wana va ta pona; ntshava leyi yi ta va yi hlawulekile. Va ka Yakobo va ta tlhela va kuma leswi nga swa vona.

Malakiya 3:16

Kutani vanhu lava chavaka HOSI Xikwembu, a va vulavula swin'we. Hiloko HOSI Xikwembu xi rhiya ndleve xi va yingisa, kutani ku tsariwa buku emahlweni ka xona, yo tsundzuka hinkwavo lava chavaka HOSI Xikwembu, lava xiximaka vito ra xona.

Esaya 6:13

Hambiloko eka ntlawa wun'wana ni wun'wana wa vanhu va khume ku nga sala munhu un'we, vanhu lava ndzi ta va herisa; va ta fana ni murhi lowukulu wa nkuhlu lowu weke, ku sala xikundzu ntsena.” Xikundzu lexi i mbewu leyo hlawuleka.

Zakariya 14:2

HOSI Xikwembu xi ta hlengeleta vanhu va matiko hinkwawo, leswaku va ta va ta lwa na Yerusalema. Muti wu ta tekiwa, leswi nga tindlwini swi phanghiwa, vavasati va pfinyeteriwa; hafu ya va le Yerusalema va ta yisiwa evukhumbini, kambe lavan'wana va ta tshikiwa va tshama emutini.