Esaya 37:2 - BIBELE Mahungu Lamanene

² Kutani a rhuma Eliyakimi, mulanguteri wa swa le ntsindza, na Xebina matsalani, swin'we ni vaprista lavakulu, eka muprofeta Esaya n'wana Amotsi; na vona a va ambarile leswo khwaxa.

Xitsonga (Bibele)

² A rhuma Eliyakimi, ndhuna ya yindlu ya hosi, na Xebina, mutsari, ni vaprista lavakulu, va ta eka Esaya, muprofeta, n'wana Amotsi, va funengele tinguvu leto khwaxa.

Esaya 37:2 Referans Kwoze

Esaya 1:1

Buku leyi i ya swivono leswi Esaya n'wana Amotsi a swi voneke eminkarhini ya Uziya, na Yotamu, na Akazi, na Hezekiya, tihosi ta Yuda. Swivono leswi swi kongoma tiko ra Yuda ni muti wa Yerusalema.

Yuwele 1:13

N'wina vaprista, ambalani leswo khwaxa mi rila; banani nkalanga, n'wina vatirhi va le alitarini. Nghenani eTempeleni, mi rila vusiku hinkwabyo, n'wina mi tirhelaka Xikwembu xanga, hikuva mapa ya magandzelo ni vhinyo ya wona a swa ha yisiwi endlwini ya Xikwembu xa n'wina.

Esaya 37:14

Hezekiya a nyikiwa papila ra timhaka leti hi varhumiwa, a ri hlaya, kutani a tlhandlukela endlwini ya HOSI Xikwembu, a fika a ri phurumula emahlweni ka xona,

Esaya 36:3

Hiloko Eliyakimi n'wana Hilkiya, mulanguteri wa swa le ntsindza, swin'we na Xebina matsalani, na Yowa n'wana Asafa, muhlayisi wa makanelwa, va huma va ya hlanganisa Rhabi-Xake.

2 TIKRONIKA 20:20

Kutani vanhu hinkwavo va hubuta va huma eYerusalema, va kongoma emananga ya Tekowa; loko va ri karhi va huma, Yoxafati a yima exikarhi ka vona a huwelela a ku: “Yingisani n'wina va ka Yuda na n'wina va le Yerusalema: Mi fanele ku pfumela eka HOSI Xikwembu xa n'wina, hi kona mi nga ta tiya; tshembani marito ya vaprofeta va xona, kutani mi ta hlula!”

2 TIHOSI 19:2

Kutani a rhuma Eliyakimi, mulanguteri wa swa le ntsindza, na Xebina matsalani, swin'we ni vaprista lavakulu, eka muprofeta Esaya n'wana Amotsi; na vona a va ambarile leswo khwaxa.

2 TIHOSI 18:18

Va vitana hosi, kutani ku huma Eliyakimi n'wana Hilkiya, mulanguteri wa swa le ntsindza, swin'we na Xebina matsalani, na Yowa n'wana Asafa, muhlayisi wa makanelwa.

Esaya 20:2

Loko timhaka leti ti nga si humelela, HOSI Xikwembu a xi vulavurile na Esaya n'wana Amotsi, xi ku: “Hluvula saka leri u ri ambaleke, u hluvula ni tintanghu.” Kutani Esaya a endlisa sweswo, a famba-famba a nga ambalanga nchumu emilengeni ni le mirini.

Esaya 22:15

HOSI ya matimba hinkwawo N'wini wa hinkwaswo, a ndzi lerisa ku ya eka Xebina mulanguteri wa le ntsindza, ndzi fika ndzi ku ka yena:

Esaya 22:20

Esikwini rero, ndzi ta vitana nandza wa mina Eliyakimi n'wana Hilkiya,

Esaya 37:21

Kavaloko Esaya n'wana Amotsi a rhumela rito eka Hezekiya, leri nge: “HOSI Xikwembu xa Israele xi vurisa sweswo, xi ri: Leswi u ndzi khongeleke hikwalaho ka Senakeribi hosi ya le Asiriya,

Esaya 38:1

Enkarhini wolowo, Hezekiya a khomiwa hi vuvabyi lebyi nga lava ku n'wi yisa eku feni. Muprofeta Esaya n'wana Amotsi a ya n'wi pfuxela, kutani a ku ka yena: “HOSI Xikwembu xi vurisa sweswo, xi ri: ‘Lulamisa swa muti wa wena, hikuva u le kusuhi ni ku fa, a wu nga hanyi.’ ”

Estere 4:1

Loko Mordekayi a twa hinkwaswo leswi endliweke, a handzulela swiambalo swa yena, a ambala swiambalo swo khwaxa, a ticheletela nkuma, a famba exikarhi ka muti a ri karhi a ba huwa a rila hi xiviti,

Esaya 22:12

Enkarhini wolowo, HOSI ya matimba hinkwawo, N'wini wa hinkwaswo, a a langutela leswaku mi ta rila nkosi, mi byewula tinhloko, mi ambala swiambalo leswo khwaxa.