Esaya 26:3 - BIBELE Mahungu Lamanene

³ We HOSI, vanhu lava va langutaka eka wena, lava va ku tshembaka, u va nyika ku rhula loku hetisekeke.

Xitsonga (Bibele)

³ Eka lowa mbilu leyi tiyeke wa n'wi nyika ku rhula, ku rhula hikuva u tshembile wena.

Esaya 26:3 Referans Kwoze

Vafilipiya 4:7

kutani ku rhula ka Xikwembu loku tlulaka ku twisisa hinkwako, ku ta hlayisa timbilu ta n'wina ni mianakanyo ya n'wina eka Kriste Yesu.

Yohane 16:33

Ndzi mi byerile swilo leswi leswaku mi va ni ku rhula eka mina. La misaveni, mi ta va ni mahlomulo, kambe tiyani timbilu, ndzi hlurile misava.”

Yohane 14:27

“Ndzi mi siyela ku rhula, ndzi mi nyika ku rhula ka mina. A ndzi mi nyiki hilaha misava yi nyikaka hakona. Timbilu ta n'wina ti nga karhateki, ti nga khomiwi hi ku chava.

Pisalema 9:10

Vanhu lava tivaka vito ra wena, we HOSI, va titshembela wena, hikuva a wu fularheli lava fambaka va ku lava.

Varhoma 5:1

Loko swi ri tano, leswi hi nga endliwa lava lulameke hi mhaka ya ku pfumela, hi ni ku rhula ni Xikwembu, hi Hosi ya hina Yesu Kriste;

Esaya 31:1

Va ni khombo vanhu lava yaka va ya kombela ku pfuniwa le Egipta! Va tshemba tihanci ni makalichi layo tala ya Vaegipta, va tshemba ni vagadi va tihanci, va ku va ni matimba swinene, kambe HOSI Xikwembu, xona Muhlawuleki wa Israele, a va na mhaka na xona, a va xi vikeli makungu ya vona.

Mikiya 5:5

hi yena la nga ta tisa ku rhula. Loko Vaasiriya va tshuka va nghenile etikweni ra hina, va kandziya entsindza, hi ta rhuma vavanuna va 7 kumbe 8 lava nga ta lwa na vona, va va varisi ni varhangeri va hina;

2 TIKRONIKA 16:8

Xana Vaetiyopiya ni va le Libiya a va ku telanga va ri ni mavuthu layo tala ngopfu ni makalichi ni vagadi va tihanci xana? Hambiswiritano, HOSI Xikwembu xi va nyiketile emavokweni ya wena, hikuva wena a wu tshemba xona ntsena.

2 TIKRONIKA 13:18

Ku sukela siku rero, va tiko ra Israele va tikuma va hluriwile hi va ka Yuda, va ri hansi ka vona, hikuva va ka Yuda a va tshembile HOSI, Xikwembu xa vatata wa vona.

1 TIKRONIKA 5:20

Vaisraele a va tshemba Xikwembu; kutani hi siku ra nyimpi, va huwelela eka xona, kutani xi amukela xirilo xa vona, xi va pfuna ku hlula va ka Hagara ni vaseketeri va vona.

Esaya 48:2

Mi tidzunisa, mi ku mi vaaki va muti lowo hlawuleka, mi vula leswaku mi tiseketela hi Xikwembu xa Israele, lexi vito ra xona ri nga HOSI ya matimba hinkwawo.

Esaya 50:1

HOSI Xikwembu xi vurisa sweswo xi ri: “Mi ehleketa leswaku ndzi mi tshikile, n'wina Vaisraele, ku fana ni wanuna la hlongolaka nsati wa yena; loko swi ri tano, ri kwihi papila leri tiyisaka mhaka ya kona, xana? Mi anakanya leswaku ndzi mi yisile evuhlongeni, ku fana ni munhu la rihaka swikweleti hi vana va yena; xana ndzi mi nyikete eka mani? Swidyoho swa n'wina, hi swona swi nga mi yisa evuhlongeni, mi tshikiwile hi mhaka ya milandzu ya n'wina kukota wansati la hlongoriweke evukatini.

Pisalema 119:165

Lava rhandzaka nawu wa wena, va ni ku rhula lokukulu, ku hava lexi xi nga va khugulaka va wa.

Esaya 12:2

“Xikwembu i muponisi wa mina wa xiviri, ndzi ta xi tshemba, a ndzi nga ha chavi nchumu; HOSI Xikwembu i ntamu wa mina, ndzi ta yimbelela ndzi dzunisa xona, hikuva hi xona xi ndzi ponisaka.”

Esaya 26:12

We HOSI, u ta hi tisela ku rhula, hikuva hinkwaswo leswi hi koteke ku swi endla, hi swi endlile hi matimba ya wena.

Esaya 27:5

kambe loko swi tsakela leswaku ndzi swi sirhelela, a swi twanane na mina, swi endla xinakulobye na mina.”

Esaya 32:18

Vanhu va ka hina va ta tshama endhawini leyi rhuleke, va ta aka miti leyi tiyeke, va wisa laha ku miyeleke.

Esaya 42:6

“Hi mina HOSI Xikwembu! Ndzi ku vitanerile ku ta tirha leswo lulama, ndzi ku khomile hi voko ndzi ku hlayisa; ndzi ta tirhisa wena ku endla ntwanano ni vanhu hinkwavo, hi wena u nga ta tisa ku vonakala ematikweni.

Esaya 42:19

Xana ú kona munhu wo fe mahlo kumbe tindleve kukota nandza wa mina loyi ndzi n'wi rhumaka, xana? Ndzi ri xana ú kona loyi a feke mahlo ni tindleve ku fana ni nandza loyi mina HOSI Xikwembu ndzi tihlawuleleke yena, xana?

Esaya 49:8

HOSI Xikwembu xi vurisa sweswo, xi ri: “Loko nkarhi wa ku katekisa wu ta va wu fikile, ndzi ta ku hlamula, ndzi ta ku pfuna, loko siku ra ku ponisa ri ta va ri fikile. Ndzi ta ku hlayisa, ndzi ku tirhisa ku endla ntwanano ni vanhu hinkwavo; ndzi ta pfuxa tiko ra Vaisraele, ndzi va avela hi vuntshwa tindhawu ta vona leti a ti hundzukile nhova.

Esaya 66:12

HOSI Xikwembu xi vurisa sweswo xi ri: “Vonani, ndzi ta mi nyika rifuwo lero tala swinene; xuma xa vamatiko xi ta khuluka xi ta ka n'wina ku fana ni nambu lowu hobomulanaka; mi ta fana ni n'wana loyi mana wa yena a n'wi tlakulaka, a n'wi xinga, a n'wi mamisa.

Daniele 3:17

Loko ho tshuka hi hoxiwa ekheleni ra ndzilo lowu pfurhaka, Xikwembu xa hina lexi hi xi tirhelaka, xi ta hi humesa, xi hi kutsula ni le mavokweni ya wena.

Daniele 3:28

Nebukadnetsara a ku: “Xikwembu xa Xadraka, na Mexaka, na Abedi-Nego, a xi dzunisiwe, hikuva xi rhumerile ntsumi ya xona ku ta ponisa malandza ya xona lawa ya xi tshembeke. Malandza lawa a ma yingisanga xileriso xa mina hosi; ma hlawurile ku nyiketa miri wa wona leswaku wu xanisiwa, ku ri na ku khongela swikwembu swin'wana, ma fularhela Xikwembu xa wona.

Daniele 6:23

Kutani hosi yi tsaka ku tlula mpimo, yi lerisa leswaku Daniele a humesiwa ekheleni ra tinghala; kutani loko ku endlisiwe sweswo, va kuma leswaku Daniele a nga vavisiwanga nikutsongo, hikuva a a tshembile Xikwembu xa yena.

Pisalema 125:1

Lava tshembaka HOSI Xikwembu, va fana ni ntshava ya Siyoni, leyi nga tsekatsekiki, leyi tiyeke hilaha ku nga heriki.

Esaya 32:17

Ku lulama loku nga ta va kona, ku ta tswala ku rhula, mihandzu ya kona yi ta va vanhu vo miyela lava nga ta tshembeka hilaha ku nga heriki.

Esaya 50:10

Hinkwenu n'wina lava chavaka HOSI Xikwembu, lava yingisaka swileriso swa mina nandza wa xona hambiloko mi famba lomu ko chavisa, laha ku nga ni makhombo, tiyiselani eka HOSI Xikwembu xa n'wina, mi tshemba xona ntsena.

Yeremiya 39:18

kambe ndzi ta ku sirhelela, kutani u nga ka u nga dlayiwi hi valala. U ta ponisa vutomi bya wena, hikuva u vekile ku tshemba ka wena eka mina. Ndzi vula sweswo mina HOSI.’ ”