Esaya 24:3 - BIBELE Mahungu Lamanene

³ Misava yi ta sala yi ri mananga ntsena, leswi nga ka yona swi ta va swi heriseriwe makumu. Hi yona mhaka leyi HOSI Xikwembu xi yi boheke.

Xitsonga (Bibele)

³ Misava yi ta va mananga, mananga ma ta hlaseriwa kunene, hikuva i Yehovha la vuleke rito lero.

Esaya 24:3 Referans Kwoze

Esaya 24:1

HOSI Xikwembu xi ni makungu ya ku hlasela misava, yi sala yi ri mananga, xi ta yi hlakahla, xi hangalasa lava akeke ka yona.

Esaya 6:11

Kutani ndzi vutisa ndzi ku: “We N'wini wanga, swi ta va tano ku fika rini xana?” A hlamula a ku: “Ku kondza miti yi va marhumbi, ku nga ha tshami munhu eka yona, ni tindlu ti sala ti nga ha ri na vanhu, ni tiko ri hundzuka mananga.

Mikiya 4:4

Munhu un'wana ni un'wana ú ta titshamela endzhutini wa murhi wa yena wa vhinya kumbe wa nkuwa, ku ri hava loyi a n'wi chavisaka. Leswi swi vuriwile hi HOSI Xikwembu xa matimba hinkwawo.

Ezekiele 36:4

Leswi ndzi swi byelaka tintshava ta Israele, mina HOSI N'wini wa hinkwaswo ndzi swi kongomisa ni le ka switsunga swa tiko rero, ni le ka minkova ya rona, ni le ka timbala ta rona, hikuva hinkwaswo swi hundzukile mananga layo chavisa ni miti ya kona i marhumbi ntsena. Tiko ra Israele ri hlaseriwile hi vanhu va matiko hinkwawo lama vandzakaneke na rona, kutani sweswi va ri hlekula.

Esaya 22:25

Siku rero, mina HOSI ya matimba hinkwawo ndzi vula ndzi tiyisile leswaku mhingu leyi a yi beleriwile yi tiya swinene, yi ta hlomuka yi wela hansi, ni swingolongondzwana leswi a swi hayekiwile eka yona, swi ta wa swi fayeka. Mina HOSI, ndzi vula sweswo!”

Esaya 21:17

Tinhenha ta muti wa Kedari leti tivaka ku lwa hi miseve, ti ta sala ti ri titsongo swinene. Mina HOSI, Xikwembu xa Israele, ndzi vurisa sweswo.”

2 TIKRONIKA 36:21

a ku ri kona ku hetiseka ka marito ya HOSI Xikwembu lawa xi ma vuleke hi nomo wa muprofeta Yeremiya, lama nge: “Tiko ri ta hundzuka mananga ku ringana malembe ya 70, masimu ma hundzuka mafusi, ku siva malembe hinkwawo ya Savata lawa ma nga hlayisiwangiki.”

Duteronoma 29:28

Kutani eku hlundzukeni ka xona lokukulu, HOSI Xikwembu xi rhurhisile vanhu lava, xi va rhumela etikweni rin'wana, hilaha swi nga hakona ni namuntlha.’

Duteronoma 29:23

Tiko hinkwaro ri ta va ritshwa ntsena, ri tele xivavula ni munyu; ku ta va ku nga byariwanga nchumu, naswona a ku nga mili nchumu, hambi byi ri byanyi byinene. Tiko ri ta va ri herisiwile ku fana ni miti ya Sodoma na Gomora na Adima na Seboyimi, leyi HOSI Xikwembu xi yi hlundzukeleke, xi yi herisa hi vukari bya xona.

Yeremiya 13:15

Rhiyani ndleve mi yingisa, mi nga tikurisi, hikuva la vulavulaka i HOSI Xikwembu.

Esaya 5:6

Ndzi ta yi tshika yi tlhumelana, ndzi nga yi hlakuli, ni vhinya ndzi nga yi tsheni, ku ta mila mitwa ni swigatlu ntsena; ndzi ta lerisa mapapa leswaku ma nga ha nisi mpfula ensin'wini leyi!”

Esaya 24:2

Hinkwavo va ta wela hi khombo rin'we: Vaprista ni vanhu ntsena, mahlonga ni vini va wona, vasati va swifumi ni malandza ya vona ya xisati, vaxavisi ni vaxavi, valombisi ni valombi, van'wankumi ni swisiwana.

Esaya 24:4

Misava yi le nkosini, yi tsanile, matiko hinkwawo ma hele ntamu, ma tsanile, hambi ma ri matilo, ma hele ntamu kukota misava.

Mikiya 2:4

Loko nkarhi wu ta fika, va ta yimbelela risimu va mi hlekula ha rona, va rila swinene va ku: ‘Hakunene, hi cheriwe vusiwana, HOSI Xikwembu xi tekile ndzhaka ya vanhu va ka hina, xi yi phakela lava va hi yisaka evukhumbini! Xana hi tekeriwe yini ndzhaka ya hina xana?’

Esaya 42:22

Kambe Vaisraele va phangheriwile swilo swa vona, hinkwavo va hoxiwile emakheleni ni ku pfaleriwa emakhotsweni; va khometeriwile, ku pfumala ni wo va lamulela, valala va phanghelana hi vona, ku hava na munhu loyi a nge: “Va tshikenee!”