Esaya 20:2 - BIBELE Mahungu Lamanene

² Loko timhaka leti ti nga si humelela, HOSI Xikwembu a xi vulavurile na Esaya n'wana Amotsi, xi ku: “Hluvula saka leri u ri ambaleke, u hluvula ni tintanghu.” Kutani Esaya a endlisa sweswo, a famba-famba a nga ambalanga nchumu emilengeni ni le mirini.

Xitsonga (Bibele)

² emikarhini yoleyo Yehovha a vulavula na Esaya, n'wana Amotsi, a n'wi byela, a ku: “Famba u tshunxile saka leri nga exisutini xa wena, u susile ni tintanghu emilengeni ya wena.” Kutani a endlisa sweswo, a famba a tshunxile, a susile tintanghu.

Esaya 20:2 Referans Kwoze

Matewu 3:4

Yohane yoloyi a a ambele nguvu yo lukiwa hi voya bya kamela, a tikhamile hi vamba ra dzovo, swakudya swa yena a swi ri tinjiya ni vulombe bya nhova.

Mikiya 1:8

Kutani Mikiya a ku: “Hikokwalaho ka leswi, ndzi ta rila ndzi kolola, ndzi ta hluvula ndzi famba ntsena; ndzi ta vovola ku fana ni hlolwa, ndzi rila kukota yimbhu.

1 SAMIELE 19:24

a hluvula swiambalo swa yena ku fana ni vaprofeta, kutani a vhumbha emahlweni ka Samiele, a wela hansi, a tshama a nga ambalanga nchumu siku rero hinkwaro ni vusiku bya kona (xivuriso lexi nge: “Xana Sawulo na yena i un'wana wa vaprofeta xana?” xi sukela kwalaho).

Zakariya 13:4

Hikokwalaho vanhu va ta chava ku tikurisa hi swivono swa vona, kumbe ku tiendla vaprofeta; va ta chava ni ku xisa van'wana hi ku ambala swiambalo swa vaprofeta leswi lukiweke hi voya.

Ezekiele 24:23

Mi nga byewuli misisi, ambalani ni tintanghu ta n'wina, tikhomeni, mi nga rili. Hambiswiritano mintirho ya n'wina leyo homboloka yi ta mi ondzisa, mi ta tshamela ku vilela hikwalaho ka varikwenu.

Ezekiele 24:17

Hambi u twa ku vava, tikhome u miyela; u nga byewuli misisi kumbe ku hluvula tintanghu, u nga tifunengeti ni xikandza, naswona u nga dyi swa nkosi!”

Mikiya 1:11

N'wina va le Xafiri, nghenani endleleni mi tsutsuma, fambani ni tingana ta n'wina mi nga ambalanga nchumu. N'wina va le Saanana, a mi tikarhatanga ku huma mi ya pfuna va le Beta-Esele, hikokwalaho sweswi va le xirilweni lexikulu, va nga ka va nga ha mi amukeli ni siku ni rin'we.

Esaya 13:1

Mahungu lawa Esaya n'wana Amotsi a rhwexiweke wona, hi tlhelo ra muti wa Babilona, hi lawa:

Nhlavutelo 11:3

Ndzi ta nyika timbhoni ta mina timbirhi ematimba yo vula Rito hi masiku lawa ya 1 260, ti ambele tinguvu leto khwaxa.”

Timhaka 19:16

Kutani munhu loyi a a ri ni moya lowo biha, a va tlulela, a va hlula hinkwavo, a va pfinya, va ko va huma endlwini ya kona hi ku tsutsuma, va nga ambalanga nchumu, va vavisiwile.

Yohane 21:7

Kutani mudyondzisiwa loyi Yesu a a n'wi rhandza a ku ka Petro: “I Hosi!” Loko Simoni a twile leswaku i Hosi, a ambala nguvu ya yena, hikuva a a yi hluvurile, kutani a bvun'wala elwandle.

Matewu 16:24

Yesu a engeta a ku ka vadyondzisiwa va yena: “Loko munhu a lava ku ndzi landza, a a titshike, a tirhwexa xihambano xa yena, kutani a ndzi landza,

Ezekiele 4:5

Mina ndzi ku vekela masiku ya 390, lama ringanaka ni malembe lawa Vaisraele va dyoheke ha wona; masiku lawa hinkwawo u ta byarha nandzu wa ku dyoha ka vona.

2 TIHOSI 1:8

Va n'wi hlamula va ku: “A a ambele xiambalo xo lukiwa hi voya, a tikhamile hi vamba ra dzovo.” Kutani Ahaziya a ku: “I Eliya wa le Tixibe!”

2 SAMIELE 6:20

Davhida na yena a muka a ya pfuxelana ni va ndyangu wa yena. Kutani Mikala N'wa-Sawulo a n'wi gega a ku: “Hayi, wena hosi ya Israele, namuntlha u kurisile ngopfu vito ra wena hi ku hluvula u ku tháá, emahlweni ka vanhwanyana lava tirhelaka mahlonga ya wena, wonge hi loko u pfumala dzanu!”

Yoxuwa 5:15

Kutani mufambisi wa mavuthu ya HOSI Xikwembu a ku ka Yoxuwa: “Hluvula tintanghu, hikuva laha u yimeke kona i misava leyi hlawulekeke.” Kutani Yoxuwa a endlisa sweswo.

Eksoda 3:5

Xikwembu xi ku: “U nga tshuki u tshinela haleno. Hluvula tintanghu, hikuva laha u yimaka kona i misava leyi hlawulekeke.”

Timhaka 21:11

A ta ka hina, a teka banti ra Pawulo, a tiboha mavoko ni milenge ha rona, a ku: “Moya lowo Kwetsima wu vula leswi: Wanuna loyi banti leri ri nga ra yena, Vayuda va ta n'wi bohisa xisweswo eYerusalema, va n'wi nyiketa emavokweni ya vamatiko.”

2 SAMIELE 15:30

Davhida yena a khandziya ntshava ya Mitlhwari, a ri karhi a rila, a tifunengetile nhloko, emilengeni a nga ambalanga nchumu; vanhu lava a a ri na vona, va khandziya va ri karhi va rila na vona, va tifunengetile tinhloko.

Pisalema 30:11

Ku rila ka mina u ku hundzurile ku tsaka, u ndzi hluvurile swiambalo leswo khwaxa swa nkosi, u ndzi ambexa swiambalo swa nkhuvo.

Esaya 1:1

Buku leyi i ya swivono leswi Esaya n'wana Amotsi a swi voneke eminkarhini ya Uziya, na Yotamu, na Akazi, na Hezekiya, tihosi ta Yuda. Swivono leswi swi kongoma tiko ra Yuda ni muti wa Yerusalema.

Esaya 37:2

Kutani a rhuma Eliyakimi, mulanguteri wa swa le ntsindza, na Xebina matsalani, swin'we ni vaprista lavakulu, eka muprofeta Esaya n'wana Amotsi; na vona a va ambarile leswo khwaxa.

Yeremiya 48:37

Hinkwavo va le ku rileni ka nkosi, va byewule misisi ni malebvu, va tixekelele mavoko va ambala swo khwaxa.

Ezekiele 4:1

HOSI Xikwembu xi engeta xi ku: “Wena munhu, teka xitina, u xi yimisa emahlweni ka wena, kutani u kovotla eka xona xifaniso xa muti wa Yerusalema.