Esaya 2:2 - BIBELE Mahungu Lamanene

² Eminkarhini leyi taka, xintshabyana lexi yindlu ya HOSI yi akiweke eka xona, xi ta tlakuka xi hundza swintshabyana hinkwaswo; xi ta leha xi ya henhla xi tlula ni tintshava, tinxaka hinkwato ti ta khitikana ti ya eka xona.

Xitsonga (Bibele)

² Emikarhini ya makumu, ku ta humelela leswaku ntshava ya yindlu ya Israele yi ta vekiwa enhlohlorhini ya tintshava, yi tlakusiwa ehenhla ka switsunga, kutani matiko hinkwawo ma ta talela kona.

Esaya 2:2 Referans Kwoze

Esaya 56:7

vanhu volavo, ndzi ta va pfumelela ku ta entshaveni ya mina leyo hlawuleka, ndzi ta va nyika ku tsaka endlwini ya mina yo khongelela ka yona; magandzelo ya vona lama hisiwaka ni lama dyiwaka, ndzi ta ma amukela alitarini ya mina, hikuva yindlu ya mina yi ta vuriwa ‘yindlu ya xihongelo eka vanhu va matiko hinkwawo’.”

Esaya 27:13

Enkarhini wolowo ku ta biwa mhalamhala, kutani lava nga lahleka va ya etikweni ra Asiriya, ni lava hlongoriweke va ya le Egipta, va ta vuya, va ta gandzela HOSI Xikwembu va ri entshaveni leyo hlawuleka ya le Yerusalema.

Zakariya 8:3

HOSI Xikwembu xi ri: “Ndzi ta vuyela eSiyoni, ndzi ta tlhela ndzi tshama emutini wa Yerusalema. Muti wa Yerusalema wu ta thyiwa vito ra ‘Mutshembeki’; ntshava ya HOSI ya matimba hinkwawo yi ta vuriwa ‘Muhlawuleki’.”

Nhlavutelo 11:15

Hiloko ntsumi ya vu-7 yi chaya nanga ya yona, kutani ku twakala ni marito lama huwelelaka hi le tilweni ma ku: “Matimba ya ku fuma misava, sweswi ma nyikiwile Hosi ya hina ni Mesiya wa yona, kutani ú ta fuma hilaha ku nga heriki.”

2 Petro 3:3

Xo sungula, mi fanela ku twisisa leswaku, emasikwini yo hetelela, ku ta humelela vasandzi lava fambisiwaka hi ku navela ka vona loko biha; va ta mi sandza,

2 Timotiya 3:1

Tiva leswaku emasikwini ya makumu, ku ta fika minkarhi yo nonon'hwa.

Daniele 2:45

Xikwembu lexikulu xi ku tivisile leswi nga ta humelela eminkarhini leyi taka: U vonile hilaha ribye ri phemekeke hakona entshaveni, ri nga khomiwanga hi munhu; naswona u vonile hilaha ri fayeteleke hakona nsimbhi ni koporo ni vumba ni silivhere ni nsuku. Norho lowu i ntiyiso, ni leswi wu vulaka swona swi tiyile.”

Daniele 2:35

Hiloko nsimbhi ni vumba ni koporo ni silivhere ni nsuku swi fayekela hinkwaswo, swi sileka swi sala swi fana ni mungu exivuyeni; kutani moya wu swi hahisa, swi nyamalala. Kambe ribye leri beke xifaniso, ri kula ri hundzuka ntshava, ri khubumeta misava hinkwayo.

Esaya 66:20

Varhumiwa lava va ta vuyisa vanhu va ka n'wina hinkwavo lava hangalakeke ematikweni man'wana, leswaku va va nyiko leyi ndzi humeseriwaka yona. Va ta vuyisiwa entshaveni ya mina leyo hlawuleka ya le Yerusalema, va gadile tihanci, ni timeyila, ni tikamela, ni makalichi, van'wana va ta va va tlakuriwile kunene. Va ta tisiwa kukota loko Vaisraele va humesa mapa ya magandzelo, va ma yisa endlwini ya mina va ma cherile eswibyeni leswi baseke.

Esaya 11:10

Eminkarhini yoleyo, loyi a humaka erimitswini ra Yese, ú ta fana ni mujeko lowu dzimeriweke matiko hinkwawo; vanhu hinkwavo va ta ya vutisa timhaka eka yena; hinkwako laha a nga ta va a tshama kona, ku ta va ku sasekile.

Pisalema 86:9

Vanhu hinkwavo lava u va vumbeke, va ta ku nkhinsamela we HOSI, va dzunisa vito ra wena.

Nhlavutelo 20:4

Kutani ndzi vona swiluvelo; lava tshameke ehenhla ka swona, va nyikiwa matimba ya ku avanyisa. Naswona, ndzi vona mimoya ya lava tsemiweke tinhloko hi mhaka ya ku twarisa vumbhoni bya Yesu ni ya ku vula Rito ra Xikwembu. A va gandzelanga xivandzana kumbe xifaniso xa xona, a va funghiwanga hi mfungho wa xona emimombyeni ya vona, kumbe emavokweni ya vona. Kutani va tlhela va hanya, va fuma na Kriste malembe ya 1 000.

Vaheveru 1:2

Kambe emasikwini lawa yo hetelela, xi vulavurile na hina hi N'wana, loyi xi n'wi vekeke ku va mudyandzhaka wa swilo hinkwaswo, loyi naswona xi tumbuluxeke tilo ni misava ha yena.

Timhaka 2:17

“ ‘Xikwembu xi ri: Hi masiku ya makumu, ndzi ta chela Moya wa mina ehenhla ka vanhu hinkwavo. Vana va n'wina va xinuna ni va xisati va ta vhumbha, vana va n'wina va majaha va ta vona swivono, lavo dyuhala va n'wina va ta lorha milorho.

Malakiya 3:12

Kutani vanhu va matiko hinkwawo va ta mi vula lava katekeke, hikuva mi ta va mi ri tiko ro tsakisa. Ndzi vula sweswo mina HOSI ya matimba hinkwawo.”

Daniele 10:14

Namuntlha ndzi tile ku ta ku hlamusela leswi swi nga ta humelela vanhu va ka n'wina eminkarhini leyi taka, hikuva xivono lexi na xona xi khumba minkarhi ya kona.’

Daniele 2:28

Kambe ematilweni, ku ni Xikwembu lexi paluxaka swihundla, kutani we hosi Nebukadnetsara, xi ku tivisile leswi nga ta humelela eminkarhini leyi taka. Loko u etlele, u lorhile milorho ni ku vona swivono.

Yeremiya 3:17

Eminkarhini yoleyo, muti wa Yerusalema wu ta vuriwa ‘Xiluvelo xa HOSI Xikwembu’, kutani vanhu va matiko hinkwawo va ta khitikana va ya eka wona, hikwalaho ka vito ra HOSI leri wu thyiweke rona. A va nga ha tiarisi, va ta va va hambanile ni mianakanyo ya vona ya khale leyo biha.

Esaya 30:29

Kambe n'wina, mi ta yimbelela tinsimu ku fana ni leswi mi yimbelerisaka xiswona nivusiku, loko ku ri ni nkhuvo lowo hlawuleka; mi ta va mi tsakile ku fana ni lava fambaka va ri karhi va chaya switiringo, va kongoma entshaveni ya HOSI Xikwembu, xona Ribye leri Vaisraele va tumbelaka eka rona.

Pisalema 2:8

Kombela eka mina, kutani ndzi ta ku nyika matiko ma va ndzhaka ya wena, misava hinkwayo yi ta va ya wena ku ya fika evugimamusi.

Tinhlayo 24:14

Kutani sweswi ndzi fanele ku tlhelela ekarikwerhu; kambe loko ndzi nga si suka, tana ndzi ta ku tivisa leswi vanhu lava va nga ta swi endla eka vanhu va ka n'wina, eminkarhini leyi taka.”

Ezekiele 38:16

kutani mi ta fika mi hlasela Vaisraele vanhu va mina, mi khubumeta tiko ra vona hi xinyami. Xikongomelo xa mina loko ndzi ku vitana ku ta lwa ni Vaisraele i ku tivisa vamatiko leswaku hi mina mani! Eminkarhini yoleyo ndzi ta ku tirhisa ku komba vamatiko lava hinkwavo leswaku ndzi Xikwembu xo hlawuleka.

Yeremiya 49:39

“Kambe eku heteleleni, ndzi ta tlhela ndzi katekisa va le Elamu. Ndzi vula sweswo mina HOSI.”

Yeremiya 48:47

Kambe eku heteleleni, ndzi ta tlhela ndzi mi katekisa, n'wina Vamowabu. Ndzi vula sweswo mina HOSI!” Hi tona ta ku avanyisiwa ka tiko ra Mowabu.

Yeremiya 30:24

Ku hlundzuka ka HOSI Xikwembu ku ta pfurha ku nga heli, xi ko xi hetisa leswi xi swi boheke emakungwini ya xona. Eminkarhini leyi taka, hi kona mi nga ta swi twisisa.

Yeremiya 23:20

Vukari bya HOSI Xikwembu a byi nga rheleli, xi ko xi hetisa leswi xi swi boheke emakungwini ya xona. Eminkarhini leyi taka, hi kona mi nga ta swi vona, mi swi twisisa swinene.

Esaya 49:6

Kutani Xikwembu xi ri: “Wena nandza wa mina, ndzi ku vekile leswaku u pfuxa rixaka ra ka Yakobo, ni ku hlayisa Vaisraele lava va ha saleke. Tlhandlakambirhi, ndzi ta ku endla rivoni ro voningela matiko, leswaku ntirho wa mina wo ponisa vanhu wu ya fika ni le makumu ka misava.”

Pisalema 72:8

Mfumo wa yena a wu nave ku sukela eka lwandle rin'wana, wu ya fika eka lerin'wana; a wu sukele enambyeni wa Yufrata, wu ya fika evugimamusi.

Pisalema 22:27

Vanhu vo huma ematikweni hinkwawo va ta tsundzuka HOSI Xikwembu, va ta eka xona, vanhu va tinxaka hinkwato va ta xi nkhinsamela.

Ntirho 19:25

“Kambe ndza swi tiva leswaku Mulweri wa mina wa hanya, eku heteleleni, hi yena la nga ta sala a yimile laha misaveni.

Genesa 49:1

Kutani Yakobo a byela vana va yena, a ku: “Hlengeletanani, ndzi ta mi tivisa leswi swi nga ta mi humelela eminkarhini leyi taka:

Esaya 25:6

Entshaveni ya Siyoni, HOSI ya matimba hinkwawo yi ta endla nkhuvo lowu nga ta dyiwa hi vanhu hinkwavo. Ku ta dyiwa nyama leyo nona leyi nga ni mongo, ku nwiwa ni vhinyo yo saseka leyi hlayisiweke swinene.

Esaya 56:5

ndzi ta va nyika leswo saseka ku tlula ku va ni vana va xinuna ni va xisati, ri nga ribye ra xitsundzuxo leri tsariweke mavito ya vona, ri vekiwa endzeni ka Tempele ya mina, kutani va nga ka va nga rivariwi ni siku ni rin'we.

Esaya 65:11

Loko mi ri n'wina mi ndzi fularhelaka mina HOSI, n'wina mi rivalaka ntshava ya mina leyo hlawuleka, n'wina mi tilavelaka minkateko eka swikwembu swa hava leswi va nge i Gadi na Meni, mi swi humesela swakudya ni swakunwa swa magandzelo,

Yeremiya 16:19

We HOSI, u ntamu wa mina ni khokholo ranga, enkarhini wa maxangu ndzi tumbela eka wena. Vanhu va tinxaka hinkwato va ta ta eka wena, va huma ematlhelo hinkwawo ya misava, va ta fika va ku: “Ndzhaka ya vatata wa hina i mavunwa ntsena, swikwembu swa vona a swi pfuni nchumu.

Yeremiya 26:18

“Loko hosi Hezekiya a ha fuma etikweni leri ra Yuda, a ku ri ni muprofeta Mikiya wa le Morexeta; hina hinkwerhu va ka Yuda hi n'wi twile loko a hi tivisa marito ya HOSI ya matimba hinkwawo, lawa ya nge: “ ‘Muti wa Siyoni wu ta rimiwa kukota nsimu, Yerusalema ú ta hundzuka rhumbi; exintshabyanini xa Tempele, ku ta va swihlahla ntsena.’

Yeremiya 31:12

Va ka Yakobo va ta ta entshaveni ya Siyoni va ri karhi va yimbelela, va ta ba huwa ya ntsako; va ta tlangela vunene bya mina HOSI, hikuva ndzi ta va nyika mavele ni vhinyo ni mafurha, ndzi andzisa swifuwo swa vona leswikulu ni leswitsongo. Va ta hanya va tsakile, va nga ha twi torha, va fana ni ntanga lowu cheletiwaka.

Yeremiya 51:44

HOSI Xikwembu xi ri: “Ndzi ta avanyisa Bele, xikwembu xa va le Babilona, ndzi xi sindzisa ku hlanta leswi xi swi miteke, kutani vamatiko va ta tshika ku tshirimukela eka xona! Hambi ri ri rirhangu ra Babilona ri ta wa!

Ezekiele 40:2

xi ndzi fikisa etikweni ra Israele hi xivono, xi ndzi yimisa entshaveni leyo leha ngopfu. Hi tlhelo ra le dzongeni ra ntshava leyi, a ku vonaka leswi fanaka ni tindlu ta muti.

Hosiya 3:5

Kambe nkarhi wu ta fika, lowu vanhu va tiko ra Israele va nga ta hundzuka va lava HOSI Xikwembu xa vona, na Davhida hosi ya vona. Kutani va ta ta eka HOSI Xikwembu hi ku rhurhumela, va amukela tinyiko ta xona letinene.

Zakariya 8:22

Hikokwalaho, vanhu lavo tala va tinxaka ta matimba, va ta ta eYerusalema va ta gandzela HOSI ya matimba hinkwawo, va kombela ku katekisiwa hi yona.”

Zakariya 14:9

HOSI Xikwembu xi ta fuma misava hinkwayo, xi ta va Xikwembu xi ri xoxe; hi siku rero, ku ta gandzeriwa xona ntsena.

Zakariya 14:10

Tiko hinkwaro ri ta hundzuka rivala, ku sukela eGeba ku ya fika eRimoni, hi tlhelo ra dzonga ku langutana na Yerusalema. Kambe muti wa Yerusalema wona wu ta sala endhawini ya wona leyi tlakukeke, ku sukela eka Nyangwa ya Benjamini ku ya fika eka Nyangwa ya Khale, ni ka Nyangwa ya Yinhla; muti wu ta tlhela wu sukela eka Xihondzo xa Hananiele, wu ya fika laha ku pyanyeriwaka kona mihandzu ya vhinya ya tihosi.

Pisalema 22:28

Vuhosi hinkwabyo i bya xona, hi xona xi fumaka vanhu hinkwavo.

Pisalema 48:2

xiyimo xa ntshava ya Siyoni a hi ku saseka ka xona, vanhu va misava hinkwayo va tsakela yona, hikuva muti wa Mufumi wa hinkwaswo wu le ka yona, hi yona “Ntshava-ya-le-N'walungwini”.

Pisalema 68:17

Xikwembu xi sukile entshaveni ya Sinayi, xi ri ni magidi-gidi ya makalichi ya nyimpi, kutani xi ya nghena exivandleni lexo hlawuleka.

Pisalema 87:1

HOSI Xikwembu xi simekile muti wa Siyoni entshaveni leyo hlawuleka,

Pisalema 87:2

xi rhandza muti lowu ni tinyangwa ta wona ku tlula miti leyin'wana ya va ka Yakobo.

Pisalema 102:23

Xikwembu xi ndzi tshovile matimba ndzi nga si dyuhala, xi hungutile masiku ya mina ya ku hanya.

Esaya 60:3

Kutani vanhu va matiko man'wana va ta ta eku vonakaleni ka wena, tihosi ta vona ti ta ta loko ti ku vona u lo nghéé, kukotisa dyambu.

Esaya 66:23

N'hweti yin'wana ni yin'wana, vanhu hinkwavo va ta ndzi khongela loko n'weti wu tshama, naswona va ta ndzi khongela siku rin'wana ni rin'wana ra Savata. Ndzi vula sweswo mina HOSI.