Esaya 10:3 - BIBELE Mahungu Lamanene

³ Xana mi ta endla yini siku mi nga ta biwa, loko xihuhuri xo huma kule xi mi tela xana? Xana mi ta tsutsumela kwihi, rifuwo ra n'wina mi ta ri siya na mani ke?

Xitsonga (Bibele)

³ Mi ta endla yini hi siku ra ku kambiwa ni loko ku lova loku humaka ekule ku ta mi wela ehenhla? Mi ta tsutsumela eka mani ku pfuniwa? Mi ta veka kwihi xuma xa n'wina xana?

Esaya 10:3 Referans Kwoze

Luka 19:44

va ta ku hirimuxela hansi, va herisa ni lava akeke ka wena; kutani valala va nga ka va nga tshiki ribye ehenhla ka ribye laha ka wena, hikuva a wu tivanga nkarhi lowu u endzeriweke ha wona.”

Hosiya 9:7

Nkarhi wa ku biwa wu fikile, un'wana ni un'wana ú ta kuma hakelo ya yena. N'wina va tiko ra Israele mi ta swi tiva. Eka n'wina, muprofeta wa hlanya, wanuna loyi a nga ni Moya wa Xikwembu, eka n'wina ú ni rihuhe! Swi tano hi mhaka ya swidyoho swa n'wina leswo tala, ni rivengo ra n'wina lerikulu.

Ntirho 31:14

xana ndzi ta endla yini loko Xikwembu xi nghena emhakeni ke? Loko xi kambisisa mhaka ya kona, ndzi ta xi hlamula yini ke?

1 Petro 2:12

Hanyani hi mukhuva lowo saseka exikarhi ka vamatiko, leswaku loko va tshuka va mi lumbeta, va ku, mi vadyohi, va ta vona mintirho ya n'wina leyo saseka, va dzunisa Xikwembu, hi siku leri xi nga ta ta ha rona.

Sofoniya 1:18

Esikwini leri HOSI Xikwembu xi nga ta karihela vanhu, silivhere ya vona ni nsuku wa vona swi nge va ponisi; ndzilo wa rilondzo ra xona wu ta herisa misava hinkwayo; vaaki va yona hinkwavo va ta lovisiwa hi ku copeta ka tihlo.

Esaya 26:21

Vonani, HOSI Xikwembu xa ta, xi suka lomu xi tshamaka kona; xi tela ku ta ba vanhu va matiko hinkwawo hikwalaho ka swidyoho swa vona. Misava yi ta paluxa ngati leyi halateriweke eka yona, vanhu hinkwavo lava dlayiweke, yi ta va humesela erivaleni.

Esaya 20:6

Kutani esikwini rero, vanhu lava vo tshama eribuweni ra lwandle, va ta ku: ‘Langutani leswi swi humeleleke vanhu lava a hi tshemba vona, lava a hi tsutsumela eka vona leswaku va hi ponisa eka hosi ya Asiriya! Xana hi ta ya kwihi sweswi ke?’ ”

Esaya 5:26

HOSI Xikwembu xi ta tlakusa mujeko xi vitana vanhu va le kule, xi ta va bela khwela, va ta va huma ematlhelweni hinkwawo ya misava; vonani, hi lava va taka hi ku hatlisa, va ta hi ku tsutsuma.

Swivuriso 11:4

Esikwini ra ku hlundzuka ka HOSI Xikwembu, rifuwo a ri pfuni nchumu, kambe ku lulama ku ponisa vutomi bya munhu.

Duteronoma 28:49

HOSI Xikwembu xi ta mi vitanela vanhu va le kule lava vulavulaka ririmi leri mi nga ri twisisiki; va ta ta va huma emakun'wini ya misava, va mi vutla kukota gama.

Yeremiya 5:31

Vaprofeta va vulavula mavunwa, vaprista va fuma vanhu hi ku rhandza; kutani vanhu va ka hina va tsakela sweswo, kambe loko siku ra makumu ri ta fika, mi ta endla yini xana?

Esaya 39:3

Kutani muprofeta Esaya a ya eka hosi Hezekiya, a ya n'wi vutisa a ku: “Xana vavanuna lava va te yini xana? Xana a va huma kwihi, loko va ta eka wena xana?” Hezekiya a hlamula a ku: “A va huma etikweni ra le kule, emutini wa Babilona.”

Esaya 33:14

Vadyohi lava nga kona emutini wa Siyoni va tela hi rhumbu, lava nga vuliki nchumu hi Xikwembu va rhurhumela hi ku chava, va vutisana va ku: “Exikarhi ka hina, xana ú kona loyi a nga tshamaka ni ndzilo lowu hisisaka leswi, xana? Xana ú kona loyi a nga tiyiselaka malangavi yo ka ya nga timeki, xana?”

Esaya 30:16

mi hlamurile mi ku: “E-e! Hina a hi lavi swona sweswo; hi ta gada tihanci ta hina, hi tsutsuma hi rivilo lerikulu.” Kunene, ku tsutsuma mi ta tsutsuma! Mi engete mi ku: “Hi ta gada tihanci ta nyimpi leta rivilo swinene.” Kambe lava nga ta mi hlongorisa, va ta va ni rivilo ro tlula ra n'wina!

Esaya 5:14

Xivandla xa vafi xi lote meno, xi ahlamisa swinene nomo wa xona leswaku xi ta mita varhangeri va Yerusalema ni ntshungu hinkwawo, va nghena hinkwavo va ri karhi va ba huwa va tsakile.

2 TIHOSI 7:15

Va landza mintila ya Vasiriya va ya fika enambyeni wa Yordani, kutani va hlamala ku vona ndlela hinkwayo yi lo n'wálálálá, hi swiambalo ni swigotso leswi Vasiriya va swi cukumeteke loko va tsutsuma. Kutani varhumiwa va tlhela va ya vikela hosi.

Genesa 31:1

Kutani Yakobo a twa leswaku vana va Labani va xinuna va ri: “Yakobo ú tekile swilo hinkwaswo leswi a swi ri swa tatana; rifumo hinkwaro leri a nga na rona ú ri kuma eka tatana.”

Hosiya 5:13

Va ka Efrayimi va vonile vuvabyi bya vona, na vona va ka Yuda va vona timbanga ta vona, kutani va ka Efrayimi va rhuma vanhu va ya eAsiriya, va ya kombela ku pfuniwa eka hosi leyikulu. Kambe hosi leyi a yi swi koti ku mi horisa, ni timbanga ta n'wina, a yi ti koti,

Esaya 13:6

Banani nkalanga, hikuva siku ra HOSI ri le kusuhi, ra ta siku leri HOSI, Xikwembu xa matimba hinkwawo, xi nga ta herisa swilo ha rona.

Esaya 17:4

“Eminkarhini yoleyo, va ka Yakobo va ta ondza, va ta sala marhambu ntsena.

Esaya 26:14

Vanhu volavo sweswi va file, va nga ka va nga ha pfuki; va celeriwile emasirheni, va nga ka va nga ha humi; hi wena HOSI u va yeleke, u va ba u va herisa, ku nga sali na un'we loyi vanhu va nga ta va tsundzuka ha yena.

Esaya 29:6

HOSI ya matimba hinkwawo yi ta ta yi ta mi lwela; tilo ri ta baleka, misava yi ninginika, ku va ni huwa leyikulu, ni xidzedze, ni xihuhuri, ni ndzilo lowu pfurhaka.

Esaya 30:5

Kambe hinkwavo va ta khomiwa hi tingana, hikuva Vaegipta i vanhu lava nga tshembekiki, va ta va tshika empfhukeni, va nga va pfuni, va ta va vangela tingana ni ku hlekuriwa ntsena.”

Esaya 30:7

Xana Vaegipta va nga va pfuna ha yini? A va koti nchumu! Hikokwalaho, ndzi va thyile vito ra ‘Xinghunghumana lexi nga ha kotiki ku pfuka.’ ”

Yeremiya 4:30

We “Ntshikiwani”, u tikarhatela yini hi ku ambala xivunguvungu, u tibombisa hi swingwavila swa nsuku, u tipenda ni mahlo xana? U tisasekisela mahala! Swigangu swa wena swa ku nyenya, swi lava ntsena ku ku dlaya.

Yeremiya 9:9

Mina HOSI ndzi ri, vanhu lava ndzi ta va ba, ndzi ta tirihisela ehenhla ka rixaka leri.”

Yeremiya 22:7

Ndzi ta ku rhambela vahlaseri, un'wana ni un'wana ú ta ta ni xihloka xa yena; va ta tsema timhandze ta wena leto saseka ta murhi wa kedari, va ti hoxa endzilweni.

Hosiya 9:5

Kutani ke, xana mi ta endla yini esikwini leri vekiweke ra nkhuvo wo tlangela HOSI Xikwembu, xana?

Mikiya 7:4

Lava tlulaka van'wana hi vunene, va kota xigatlu, lavo lulama ngopfu va fana ni rihlampfu ra mitwa. Nkarhi wa vona wa ku biwa, lowu vaprofeta va va byeleke wona, wu fikile, kutani sweswi va hlangane tinhloko.

Esaya 28:20

Mi ta fana ni munhu wo leha la etlelaka emubedweni wo koma, a nga koti ku nava milenge, loyi a tifunengetaka hi xinkumbana lexi nga n'wi ringaniki.

Amosi 5:19

Swi ta fana ni loko munhu a tsutsuma nghala, a ya hlangana ni xinkankanka, kutani loko a tsutsumela endlwini, a khegela khumbi hi voko, nyoka yi n'wi luma.