Esaya 1:9 - BIBELE Mahungu Lamanene

⁹ Loko HOSI ya matimba hinkwawo a yi nga siyanga van'wana va hina va hanya, tiko ra hina a ri ta sala ri fana na Sodoma, a ri ta va ri hundzuke Gomora.

Xitsonga (Bibele)

⁹ Loko ngi Yehovha a nga hi hlayiselanga masalela, ingi hi endliwile tanihi Sodoma, hi fana na Gomora!

Esaya 1:9 Referans Kwoze

Varhoma 9:29

Swi fana ni leswi Esaya a nga rhanga a swi vula, loko a te: “Loko Hosi ya matimba hinkwawo a yi nga hi siyelanga vatukulu, a hi ta va hi hundzukile hi fana na Sodoma, a hi ta va hi ringanisiwile na Gomora.”

Genesa 19:24

Hiloko HOSI Xikwembu xi nisa ndzilo ni xivavula, swi huma eka xona etilweni, swi wela ehenhla ka miti ya Sodoma na Gomora.

Swirilo 3:22

Rirhandzu ra HOSI Xikwembu a ri heli, tintswalo ta xona a ti na makumu;

Amosi 4:11

“Mina Xikwembu ndzi herisile van'wana va n'wina, ku fana ni loko ndzi herisile Sodoma na Gomora, kutani mi ponile tanihi rihunyi leri susiweke endzilweni; kambe hambiswiritano, a mi tlhelelanga eka mina.” HOSI yi vula sweswo.

Esaya 37:4

Kumbexana HOSI Xikwembu xa wena xi ma twile marito hinkwawo ya Rhabi-Xake, loyi n'wini wa yena hosi ya le Asiriya yi n'wi rhumeke ku ta sandza Xikwembu lexi hanyaka. Kumbexana HOSI Xikwembu xa wena xi ta rihiseta marito lawa xi ma tweke. Hikokwalaho, khongelela vanhu va nga ri vangani lava saleke kwala.”

Esaya 24:13

Matiko hinkwawo lama nga kona emisaveni ma ta sarisa sweswo, swi fana ni loko va hetile ku kha mihandzu hinkwayo ya mitlhwari, kumbe enkarhini wo khwaja mihandzu ya vhinya.

Esaya 17:6

Ku ta sala Vaisraele va nga ri vangani; swi ta fana ni loko va hetile ku tshovela mihandzu hinkwayo ya mitlhwari; ku sala mihandzunyana yi nga ri yingani emarhavini ya le henhla, ni marhavini lawa a ma tswale ngopfu. Mina HOSI, Xikwembu xa Israele, ndzi vurisa sweswo.”

Esaya 6:13

Hambiloko eka ntlawa wun'wana ni wun'wana wa vanhu va khume ku nga sala munhu un'we, vanhu lava ndzi ta va herisa; va ta fana ni murhi lowukulu wa nkuhlu lowu weke, ku sala xikundzu ntsena.” Xikundzu lexi i mbewu leyo hlawuleka.

Genesa 18:32

Kutani Abrahama a ku: “Ndzi kombela leswaku u nga hlundzuki we HOSI, hikuva ndza ha lava ku vulavula kan'we ntsena. A hi nge emutini ku kumeka vanhu vo lulama va khume ntsena.” HOSI Xikwembu xi hlamula yi ku: “Hikwalaho ka vanhu lava vo lulama va khume, ndzi nge wu herisi.”

Varhoma 9:27

Na yena Esaya wa huwelela hi ta Israele, a ku: “Hambiloko ntsengo wa Vaisraele wu kotisa sava ra lwandle, ku ta ponisiwa masalela ntsena;

Matewu 7:14

Kasi nyangwa leyi yisaka evutomini yi khumile swinene, ni ndlela leyi yaka kona yi larile, kutani lava va yi kumaka a va talanga.

Sofoniya 2:9

Kambe mina HOSI ya matimba hinkwawo, Xikwembu xa Israele, ndza hanya: Va le Mowabu ni va le Amoni va ta endliwa leswi endliweke va le Sodoma na Gomora; tiko ra vona ri ta tala mahlwehlwe, ni makhele ya munyu; ri ta onhakela makumu. Masalela ya Vaisraele, vona lava poneke, hi vona lava nga ta hlasela Vamowabu na Vaamoni, va va tekela tiko.”

Habakuku 3:2

HOSI, mahungu ya ntirho wa wena ndzi ma twile, kutani wa ndzi chavisa, we HOSI. Pfuxa mintirho ya wena eminkarhini ya sweswi! Tikombe ni manguva lawa! Kambe, eku kariheni ka wena, u nga rivali ku tsetselela.

Yuwele 2:32

Enkarhini wolowo, un'wana ni un'wana la nga ta huwelela eka mina, ú ta ponisiwa. Entshaveni ya Siyoni ni le mutini wa Yerusalema, va kona lava nga ta pona, hilaha ndzi vuleke hakona mina HOSI. Kutani eka lava nga ta sala, ndzi ta hlawula van'wana.”

Ezekiele 6:8

“Hambiswiritano, ndzi ta tshika van'wana va n'wina va hanya; va ta pona ku dlawa, va hangalasiwa va ya ematikweni mambe,

Swirilo 4:6

Ku biwa ka vanhu va ka hina ku kurile ku tlula ku biwa ka Sodoma, wu nga muti lowu herisiweke hi ku hatlisa, ku nga ri hi voko ra munhu, kambe hi Xikwembu.

1 TIHOSI 19:18

Hambiswiritano ndzi ta siya vanhu va 7 000 etikweni ra Israele, va nga hinkwavo lava nga nkhinsamelangiki Baali, hinkwavo lava nga ntswontswangiki xifaniso xa yena.”

Duteronoma 29:23

Tiko hinkwaro ri ta va ritshwa ntsena, ri tele xivavula ni munyu; ku ta va ku nga byariwanga nchumu, naswona a ku nga mili nchumu, hambi byi ri byanyi byinene. Tiko ri ta va ri herisiwile ku fana ni miti ya Sodoma na Gomora na Adima na Seboyimi, leyi HOSI Xikwembu xi yi hlundzukeleke, xi yi herisa hi vukari bya xona.

2 Petro 2:6

xi endlile leswaku miti ya va Sodoma na Gomora, yi hundzuka nkuma yi avanyiseriwa ku lova, xi yi endla xitsundzuxo eka lava va nga ta ka va nga ri na mhaka na xona.

Ezekiele 14:22

Exikarhi ka vanhu lava, ku nga tshuka ku pona va nga ri vangani va huma ni vana va vona va ta eka n'wina, kutani mi vona mikhuva ya vona ni mintirho ya vona; hi kona mi nga ta twisisa xivangelo xa makhombo lawa ndzi beke muti wa Yerusalema ha wona.

Genesa 18:26

Kutani HOSI Xikwembu xi ku: “Loko ndzo kuma vanhu vo lulama va 50 emutini wa Sodoma, ndzi ta tsetselela muti lowu hinkwawo hikwalaho ka vona.”

Nhlavutelo 11:8

Kutani mintsumbu ya vona yi etlela entsendzeleni wa muti lowukulu, lowu Hosi ya vona yi tshamaka yi vambiwa exihambanweni eka wona, lowu va nge hi le Sodoma na Egipta loko va fanisa.

2 TIHOSI 19:4

Kumbexana HOSI Xikwembu xa wena xi twile marito hinkwawo ya Rhabi-Xake, loyi n'wini wa yena hosi ya le Asiriya yi n'wi rhumeke ku ta sandza Xikwembu lexi hanyaka. Kumbexana HOSI Xikwembu xa wena xi ta rihiseta marito lawa xi ma tweke. Hikokwalaho, khongelela vanhu va nga ri vangani lava saleke kwala.”

Esaya 1:8

Muti wa Siyoni wu sale erivaleni, wu fana ni ntsonga wa murindzi ensin'wini ya vhinya, wu fana ni dladla ensin'wini ya marhakarhaka, wonge wo va muti lowu rhendzeriweke hi valala.

Esaya 11:11

Eminkarhini yoleyo, N'wini wa hinkwaswo ú ta tlhela a tlakusa voko ra yena, a vuyisa masalela ya vanhu va yena lava nga ta va va ha ri le Asiriya, ni le Egipta, ni le Patroso, ni le Etiyopiya, ni le Elamu, ni le Xinara, ni le Hamata, ni le swihlaleni.

Esaya 11:16

Ku sukela le Asiriya, ku ta va ni gondzo lerikulu, leri masalela ya vanhu va HOSI Xikwembu ma nga ta famba ha rona; ri ta fana ni leri Vaisraele va fambeke ha rona, loko va huma etikweni ra Egipta.

Esaya 46:3

HOSI Xikwembu xi ri: “N'wina va ka Yakobo, ndzi lombeni tindleve, ndzi vula n'wina hinkwenu masalela ya Vaisraele: Hi mina ndzi mi rhwaleke ku sukela loko mi velekiwile, ku sukela loko mi vile kona, hi mina ndzi mi tlakuleke.

Esaya 65:8

HOSI Xikwembu xi ri: “Loko xichocho xa mihandzu ya vhinya xa ha tsakama, vanhu va ri: ‘Mi nga xi cukumeti, hikuva xi nga ha humesa swo tsakisa.’ Na mina ndzi ta endlisa sweswo: Vanhu va mina, ndzi nga ka ndzi nga va cukumeti hinkwavo, hikuva exikarhi ka vona, ku ni malandza ya mina.

Yeremiya 23:14

Kasi na le xikarhi ka vaprofeta va le Yerusalema, ndzi vona manyala lama chavisaka ku tlula mpimo: Va endla vuoswi, va tsakela mavunwa, va seketela vadyohi emintirhweni ya vona leyo biha, kutani a ka ha ri na un'we la chavaka ku endla leswo homboloka. Vanhu lava eka mina va onhakile hinkwavo kukota va le Sodoma, vaaki va Yerusalema a va hambananga ni va le Gomora.

Yeremiya 42:2

va fika va ku ka yena: “Hina masalela ya Israele, hi kombela leswaku u amukela xirilo xa hina, u hi khongelela eka HOSI, Xikwembu xa wena; wa swi vona hi wexe, khale a hi tele, kambe sweswi hi lo sala hi ri vanhu va nga ri vangani ntsena.

Yeremiya 50:20

Loko minkarhi leyi yi ta va yi fikile, vanhu va nge koti ku kuma nandzu kumbe xihoxo exikarhi ka Vaisraele ni va ka Yuda, hambiloko va ringeta swinene; ku ta va ku ri hava, hikuva ndzi ta va ndzi tsetselerile masalela ya vona, ndzi va rivalela swidyoho swa vona.”

Esaya 24:6

Hikokwalaho, misava yi wele hi ndzhukano, lava akeke ka yona va beriwa milandzu ya vona, va fa va hela, ku to sala va nga ri vangani ntsena.