Esaya 1:3 - BIBELE Mahungu Lamanene

³ Homu yi tiva n'wini wa yona, ni mbhongolo yi tiva lomu mufuwi wa yona a yi phamelaka kona; kasi Vaisraele, vona vanhu va mina, a va ndzi tivi, no twisisa a va twisisi.”

Xitsonga (Bibele)

³ Homu yi tiva mufuwi wa yona, ni mbhongolo yi tiva xidyelo xa n'wini wa yona; Israele a nga tivi nchumu, tiko ra mina a ri twisisi nchumu.

Esaya 1:3 Referans Kwoze

Yeremiya 8:7

Magumba ma tiva tinguva ta lembe, ni tinyanyana to fana ni matuva ni timbewulani ni minchukwana swi tiva minkarhi ya swona ya ku rhurha. Kambe vanhu va mina vona a va na mhaka ni leswi ndzi nga va lerisa swona mina HOSI.

Yeremiya 4:22

HOSI Xikwembu xi ri: “Vanhu va mina i swiphukuphuku, ni ku ndzi tiva a va ndzi tivi. I maphuphula kunene, a va twisisi nchumu. Ku endla leswinene, a va swi lavi, kambe emintirhweni leyo biha, va thwasile!”

Esaya 44:18

Vanhu vo tano a va tivi nchumu, hambi ku twisisa a va twisisi, hikuva va pfalekile mahlo ni miehleketo, kutani a va ha voni kumbe ku twisisa nchumu.

Esaya 5:12

Eminkhubyeni ya vona va nwa vhinyo va ri karhi va chaya switende hi tiharipa ni swingomana ni tinanga; kambe mintirho ya HOSI Xikwembu a va na mhaka na yona, ni leswi xi swi endleke, a va swi voni.

Varhoma 1:28

Kutani leswi vanhu lava va nga lavangiki ku tiva nchumu hi tlhelo ra Xikwembu, Xikwembu xi va nyiketile emiehleketweni leyi nga lavekiki, va ko va endla ni leswi nga fanelangiki.

Pisalema 94:8

N'wina vanhu vo pfumala tindleve, yingisani; mintlunya ndzin'wina, xana mi ta tlhariha rini xana?

Esaya 27:11

Loko marhavi ya kona ma ta va ma omile, ma ta tshoveka ma wa, kutani vavasati va ta tshivela ndzilo ha wona. Vanhu lava a va twisisi, hikokwalaho muendli wa vona a nge va tweli vusiwana, a nga ka a nga va tsetseleli, muvumbi wa vona.

2 Petro 3:5

Vanhu lava va vula ha vomu, hi ku rivala mhaka leyi: Hileswaku matilo a ma ri kona khale ni khale, ni leswaku misava yi vumbiwile hi rito ra Xikwembu yi huma ematini, yi ri xikarhi ka mati.

Swivuriso 6:6

Wena lolo, yana eka vusokoti, u xiyaxiya mahanyelo ya byona, u ta tlhariha.

Yeremiya 10:14

Hinkwavo lava va swi vonaka, va hlamala, va nga swi twisisi; lava tivaka ku n'okisa nsuku va vumba swikwembu, va ta khomisiwa tingana ha swona, hikuva swifaniso leswi a hi swa ntiyiso, ni ku hefemula a swi hefemuli.

Yeremiya 10:8

Vanhu lava hinkwavo va pfumala mano ni ku twisisa: Xana swikwembu leswi swi ta va letela yini? I timhandze ntsena!

Matewu 13:19

Un'wana ni un'wana la twaka Rito ra Mfumo wa Xikwembu, kambe a nga ri twisisi, swi fana ni loko mbewu yi haxiwile endleleni. Lowo biha a ta, a n'wi tekela leswi haxiweke embilwini ya yena.

Esaya 5:13

Hikwalaho, n'wina vanhu va ka hina, mi ta yisiwa evuhlongeni hi mhaka yo pfumala vutivi, vachaviseki va n'wina va ta fa hi ndlala, ni ntshungu hinkwawo wu ta hela hi torha.

Esaya 56:11

Varhangeri lava va fana ni timbyana to rhandza ngopfu swakudya, a va xurhi! I varisi lava nga ehleketiki, hinkwavo va endla leswi va tsakelaka swona, un'wana ni un'wana ú tirha leswi swi nga ta vuyerisa yena ntsena.

Ezekiele 16:30

“Mina HOSI N'wini wa hinkwaswo ndzi ri, a wu tshwa hi ku navela loko u ri karhi u endla swilo leswi hinkwaswo, u hanya kukota nghwavava yo kala ripfalo.

Daniele 9:11

Hina hinkwerhu Vaisraele, hi tlurile nawu wa wena hi wu tshika, hi ala ku yingisa rito ra wena. Hikokwalaho leswi hi ku dyoheleke we Xikwembu, hi weriwile hi ndzhukano lowu Muxe nandza wa wena a wu tsaleke eNawini, lowu a wu tiyiseke hi ku hlambanya.

Hosiya 2:8

“A a nga swi tivi leswaku hi mina ndzi nyikaka mavele, ni vhinyo ni mafurha; ndzi n'wi nyikile ni silivhere leyo tala ni nsuku, swi nga leswi va gandzelaka Baali ha swona.

Swivuriso 28:5

Vanhu vo biha timbilu, a va tivi leswi lulameke, kambe lava gandzelaka HOSI Xikwembu, va swi tiva swinene.

Esaya 42:20

N'wina Vaisraele, mi vona swilo swo tala, kambe a swi vuli nchumu eka n'wina; tindleve ta n'wina a ti pfalekanga, kambe a mi twi nchumu.”

Yeremiya 35:16

Vana va Yonadabu wa Rekabi va hlayisile swileriso swa tata wa vona, kasi vanhu va mina lava, vona a va yingisi.

Yeremiya 50:6

Vanhu va mina i tinyimpfu leti lahlekeke, varisi va tona va ti lahlile etintshaveni; ti le ku pepetsekeni emagangeni, tshanga ra tona a ta ha ri tivi.