Esaya 1:25 - BIBELE Mahungu Lamanene

²⁵ Ndzi ta mi hundzukela, ndzi mi ba, ndzi mi basisa ku fana ni loko va basisa silivhere hi ndzilo, thyaka leri mi nga na rona, ndzi ta ri susa hinkwaro.

Xitsonga (Bibele)

²⁵ Ndzi ta veka voko ra mina ehenhla ka wena, ndzi nyukisa mavivi ya wena tanihi leswi endliwaka hi munyu wa potaxi; ndzi susa swipimbi hinkwaswo swa ntsopfu.

Esaya 1:25 Referans Kwoze

Malakiya 3:3

Ú ta tshama hansi, kukota munhu loyi a n'okisaka ni ku basisa nsuku ni silivhere: Ú ta basisa va ka Levhi, a va endla lava tengeke, leswaku va humesela HOSI Xikwembu magandzelo lama amukelekaka.

Yeremiya 9:7

Hikokwalaho HOSI ya matimba hinkwawo yi vurisa sweswo yi ri: “Ndzi ta kambela vanhu va mina ndzi va basisa hi ndzilo, hikuva ku hava swin'wana leswi ndzi nga va endlaka swona.

Esaya 4:4

N'wini wa hinkwaswo ú ta avanyisa muti hi moya wa yena lowu hisaka, a susa vubihi bya vaaki va Siyoni, a hlantswa ni ngati leyi a yi halatiwile eYerusalema.

Esaya 1:22

We Yerusalema, khale a wu fana ni silivhere, kambe sweswi a wa ha ri nchumu; a wu nandziha kukota vhinyo, kambe sweswi wa phyama.

Sofoniya 3:11

“Esikwini rero, ndzi ta susa tingana ta mintirho hinkwayo leyi mi yi endleke, loko mi ndzi hundzukela; hinkwavo lava tikurisaka ni lava titshembaka, ndzi ta va susa exikarhi ka n'wina; mi ta tshika ku tikukumuxa entshaveni ya mina leyo hlawuleka.

Ezekiele 22:22

Leswi silivhere yi n'okaka endzilweni, na n'wina mi ta n'okisiwa emutini lowu, kutani mi ta tiva leswaku loyi a chululelaka vukari bya yena ehenhla ka n'wina, hi mina HOSI.”

Ezekiele 20:38

Ndzi ta hlawula lava tiarisaka ni lava va ndzi dyoheleke, ndzi va humesa etikweni leri va luveleke eka rona, kambe etikweni ra Israele va nga ka va nga ngheni, kutani mi ta tiva leswaku HOSI Xikwembu, hi mina!

Yeremiya 6:29

Ndzilo wu pfurhetiwa swinene, kambe ku n'oka ntsopfu ntsena; a swi pfuni nchumu ku ringeta ku basisa silivhere ya kona, hikuva thyaka a ri suki eka yona.

Nhlavutelo 3:19

Ndzi tshinya ni ku laya lava ndzi va rhandzaka; hikokwalaho, tikarhate u hundzuka!

Matewu 3:12

Rihlelo ri le vokweni ra yena; ú ta peperha hinkwaswo leswi nge xivuyeni xa yena, a heta; kutani mavele, ú ta ma chela enguleni ya yena; kambe mungu wona, ú ta wu hisa endzilweni lowu nga timekiki.”

Ezekiele 22:20

Loko munhu a lava ku basisa silivhere ni koporo ni nsimbhi ni ntsopfu ni thini, ú swi hoxa endzilweni a pfurhetela ndzilo wa kona leswaku wu swi n'okisa; hi ndlela leyi, n'wina Vaisraele ndzi ta mi hlengeleta ndzi hlundzukile ngopfu, ndzi mi hoxa endzilweni ndzi mi n'okisa.

Duteronoma 32:43

“Dzunisani vanhu va Xikwembu, n'wina vamatiko, hikuva xi rihisela ngati ya malandza ya xona, xi rihisela eka valala va xona, kambe xi rivalela vanhu va tiko ra xona swidyoho swa vona.”

Pisalema 119:119

Lavo homboloka, eka wena i mavivi ntsena etikweni, hikokwalaho ndzi rhandza switsundzuxo swa wena.

Esaya 27:9

Ku hela ka nandzu wa va ka Yakobo ni ku susiwa ka vudyoho bya vona, swi ta tikomba hi loko va mbundzumuxa tialitari hinkwato, va fayetela maribye ya tona ma va mapa, va wisetela timhandze ta Axera xikwembukazi, ni tialitari ta mirhi ya risuna.

Ezekiele 22:19

Mina HOSI N'wini wa hinkwaswo ndzi ri, ndzi ta mi hlengeleta hinkwenu emutini wa Yerusalema, hikuva mi hundzukile thyaka.

Yeremiya 9:6

Va tlhandleka tihanyi ehenhla ka tihanyi, kutani va ala ku ndzi tiva; ndzi vula sweswo mina HOSI.”