Esaya 1:23 - BIBELE Mahungu Lamanene

²³ Varhangeri va wena va tiarisa ngopfu, va twanana ni makhamba; hinkwavo va tsakela ku xaviwa, va rhandza ngopfu tinyiko; a va lweli lava pfumalaka vatswari, ni nkarhi wo sirhelela tinoni, a va na wona.

Xitsonga (Bibele)

²³ Tihosi ta wena ta tiarisa, ti kucetelana ni vayivi, hinkwato ti rhandza ngopfu ku nyikiwa, ti tsutsumela ku hakeriwa; a ti avanyiseli xisiwana, timhaka ta noni a ti fiki eka tona.

Esaya 1:23 Referans Kwoze

Mikiya 7:3

Loko va endla leswo biha, va tikarhata swinene, vafumi va lerisa, vaavanyisi va lava ku xaviwa, lavo chaviseka va vula leswi va tsakelaka swona, kutani hinkwavo va pfunana ku luka mano.

Zakariya 7:10

mi nga xanisi tinoni ni lava pfumalaka vatswari, tsetselelani valuveri kumbe vapfumari, mi nga tshuki mi boha makungu ya ku onhelana.”

Eksoda 23:8

Mi nga tshuki mi pfumela ku xaviwa, hikuva swi dlaya mahlo ya lava vekiweke ku avanyisa timhaka, kutani va gombonyokisa ta vanhu lava vulavulaka ntiyiso.

Luka 19:46

“Ku tsariwile va ku: ‘Yindlu ya mina yi ta va yindlu ya xikhongelo’, kasi n'wina mi yi endlile ‘bako ra makhamba’.”

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Esaya 3:14

HOSI Xikwembu xi boxa nandzu wa varhangeri ni vakulukumba va tiko ra xona, xi ri: “Hi n'wina mi onheke nsimu ya mina ya vhinya, mi tate tindlu ta n'wina hi leswi mi swi phangheke eka swisiwana.

Marka 11:17

Kutani a va dyondzisa, a ku: “Xana a ku tsariwanga leswaku: “ ‘Yindlu ya mina yi ta vuriwa yindlu ya xikhongelo eka matiko hinkwawo’ xana? Kasi n'wina mi yi endlile ‘bako ra makhamba’. ”

Matewu 21:13

a ku ka vona: “Ku tsariwile leswi: “ ‘Yindlu ya mina yi ta vuriwa yindlu ya xikhongelo’, kasi n'wina mi yi endlile ‘bako ra makhamba’.”

Mikiya 3:11

Varhangeri va muti va pfumela ku xaviwa ehubyeni, vaprista va dyondzisela muholo ntsena, na vona vaprofeta va vhumbhela ku hakeriwa; hinkwavo va tisirhelela hi ku vula leswaku va nge humeleriwi hi nchumu xo biha, hikuva Xikwembu xi na vona.

Hosiya 9:15

Mintirho ya vona hinkwayo leyo biha yi kumeka eGiligala; hi laha ndzi sunguleke kona ku va venga. Kutani leswi va endleke swo homboloka, ndzi ta va hlongola va suka laha tikweni ra mina. A ndzi nga ha tlheri ndzi va rhandza; varhangeri va vona hinkwavo va tinonon'hwisa ngopfu.

Hosiya 4:18

I ntlawa wa swidakwa leswi tinyiketeke ku endla vunghwavava, varhangeri va vona va tsakela ngopfu swa manyala.

Yeremiya 22:17

Kasi wena u langutela ni ku anakanya ntsena ku tikumela rifuwo; u fuma vanhu hi tihanyi, u va xanisa, u dlaya lava nga riki na nandzu.”

Yeremiya 5:5

Hikokwalaho ndzi te, ndzi ta ya eka varhangeri va tiko ndzi ya vulavula na vona; a ndzi ku, va ta tiva ku rhandza ka HOSI Xikwembu xa vona, va tiva ni leswi xi swi langutelaka eka vona. Kambe ndzi kumile leswaku va ala ku tiveka ehansi ka milawu ya HOSI, va ri, joko ra kona ra va tikela.

Esaya 33:15

Leswi swi kota hi lava hanyaka vutomi lebyinene, lava vulavulaka ntiyiso, lava nyenyaka ku kuma rifuwo hi ku xanisa van'wana, vanhu lava nga pfumeriki ku fumbarherisiwa swo va xava, lava nga laviki ku twa nchumu hi ku halata ngati, lava nga tihlanganisiki ni lava endlaka leswo homboloka.

Swivuriso 29:24

Munghana wa khamba, ú venga vutomi bya yena n'winyi: Ku rhuketeriwa, wa swi twa, kambe a nga ha swi koti ku vula ntiyiso.

Swivuriso 17:23

Munhu wo homboloka, ú pfumela ku xaviwa exihundleni, kutani a nga ha avanyisi hi ku lulama.

2 TIKRONIKA 36:14

Na vona varhangeri va vaprista ni vanhu hinkwavo va tiko va endla swilo swa manyala, va tlhelela eka mikhuva ya vamatiko, va nyamisa ha yona yindlu leyi HOSI Xikwembu a xi tihlawulerile yona eYerusalema.

Duteronoma 16:19

Mi nga tshuki mi avanyisa timhaka hi ndlela leyi nga riki yona, naswona mi nga tshuki mi ya hi nghohe kumbe mi pfumela ku xaviwa, hikuva sweswo swi dlaya mahlo ya lavo tlhariha, kutani va gombonyokisa timhaka ta lava lulameke.

Luka 24:27

Kutani a va hlamusela hilaha timhaka ta yena ti nga vuriwa eMatsalweni hinkwawo hakona, ku sungula hi Muxe ku yisa eka vaprofeta hinkwavo.

Yakobo 1:27

Vukhongeri lebyi tengeke, lebyi nga solekiki emahlweni ka Xikwembu Tatana, hi lebyi: Ku endzela lava feriweke hi vatswari, ni ku endzela tinoni emaxangwini ya tona, ni ku papalata swilo leswi nyameke swa misava leyi.

Esaya 1:22

We Yerusalema, khale a wu fana ni silivhere, kambe sweswi a wa ha ri nchumu; a wu nandziha kukota vhinyo, kambe sweswi wa phyama.

Esaya 5:23

Va ni khombo lava pfumelaka ku xaviwa, kutani va ntshunxa la nga ni nandzu, kambe loyi a lulameke, va ala ku n'wi pfuna ehubyeni.

Esaya 30:1

HOSI Xikwembu xi vurisa sweswo, xi ri: “Va ni khombo, vana lava va mina vo ka la va nga yingisi, va endla makungu va nga ndzi byelanga, va boha mintwanano na van'wana, moya wa mina wu nga swi tsakeli, va tlhandleka xidyoho ehenhla ka xidyoho.

Esaya 65:2

Masiku hinkwawo, ndzi tshambulutile mavoko ndzi vitana vanhu va mina lava tiarisaka, lava fambaka etindleleni to homboloka, lava tiendlelaka hi ku rhandza.

Yeremiya 4:17

Va ta rhendzela muti wa Yerusalema tanihi varindzi emasin'wini, hikuva vanhu va muti lowu va tiarisile va lwa na mina. Ndzi vula sweswo mina HOSI.

Yeremiya 32:32

hi mhaka ya leswo biha leswi Vaisraele ni va ka Yuda va ndzi hlundzukiseke ha swona, vona ni tihosi ta vona ni tindhuna ta vona ni vaprista va vona ni vaprofeta va vona, ku katsa ni vavanuna va Yuda ni vaaki va Yerusalema.

Ezekiele 12:2

“Wena munhu, u tshama exikarhi ka vanhu lava tiarisaka; va ni mahlo ni tindleve, kambe a va voni nchumu, ni ku twa a va twi!

Hosiya 5:10

Varhangeri va Yuda va tiendlile vahundzuluxi va mindzilekana; ndzi ta chululela vukari bya mina ehenhla ka vona ku fana ni mati.

Amosi 5:12

Mintirho ya n'wina leyo biha, ndza yi tiva hinkwayo, ndzi tiva ni ku tala ka swidyoho swa n'wina: Mi xanisa vanhu lava nga riki na nandzu, mi pfumela ku xaviwa ehubyeni, mi tlherisa vapfumari loko va ta eku mangaleni.

Mikiya 3:9

N'wina mi rhangelaka va ka Yakobo, yingisani, ndzi vula n'wina mi fumaka Vaisraele: Mi venga leswi lulameke, mi gombonyokisa hinkwaswo leswi swi nga swona,

Mikiya 6:12

Van'wankumi va muti lowu va tele tihanyi, vaaki va wona vo dzumbela ku hembelana ni ku kanganyisana.

Tinhlayo 22:7

Kutani vakulukumba va le Mowabu ni va le Midiyani va suka va ya eka Balaama va ri ni mali yo hakela vungoma bya yena, va fika va n'wi byela marito ya Balaka.

1 SAMIELE 8:3

Vana lava a va landzanga mintila ya Samiele tata wa vona, kambe va hambukile hi ku navela ngopfu mali, va pfumela ku xaviwa, va nga ha avanyisi timhaka hi ku lulama.

Esaya 1:17

dyondzani ku endla leswinene, mi tikarhatela leswo lulama; tshinyani lava tshikelelaka van'wana, mi sirhelela lava pfumalaka vatswari mi lwela ni tinoni.”

Esaya 1:18

HOSI Xikwembu xi ri: “Tanani hi kanela mhaka swin'we: Hambiloko swidyoho swa n'wina swi mi tshwukisile mi fana ni xivunguvungu, ndzi ta mi basisa, mi fana ni gamboko; ni loko swi mi tshwukisile mi fana ni ngati, ndzi ta mi basisa mi fana ni voya lebyi basisiweke bya tinyimpfu.

Esaya 28:14

N'wina mi fumaka vanhu emutini lowu wa Yerusalema, mi tolovele ngopfu ku sandza, hikokwalaho, yingisani rito ra HOSI Xikwembu.

Yeremiya 5:6

Hikokwalaho ku ta huma nghala exihlahleni yi va dlaya, hlolwa ro ta hi le mananga ri ta va herisa; yingwe leyi tumbeleke kusuhi ni miti ya vona yi ta khoma hinkwavo lava humaka kona, yi va handzulela. Va tivangele sweswo hi ku dyohela HOSI Xikwembu, va xi fularhela minkarhi leyo tala.

Ezekiele 22:27

Lava nga varhangeri etikweni va fana ni mahlolwa lama phatlulelaka xiharhi lexi ma xi dlayeke: Va herisa vanhu leswaku va ta kuma rifuwo.