Esaya 1:21 - BIBELE Mahungu Lamanene

²¹ Muti wo tshembeka, wo lulama ngopfu, sweswi wu hundzuke nghwavava! Muti lowu a wu tshama lavo lulama sweswi i kaya ra vadlayi!

Xitsonga (Bibele)

²¹ Yo! Muti lowu tshembekeke, wu hundzukile wa mbiri A wu tele swo lulama, ku lulama a ku akile kona, kasi sweswi, i vadlayi.

Esaya 1:21 Referans Kwoze

Nhlavutelo 11:8

Kutani mintsumbu ya vona yi etlela entsendzeleni wa muti lowukulu, lowu Hosi ya vona yi tshamaka yi vambiwa exihambanweni eka wona, lowu va nge hi le Sodoma na Egipta loko va fanisa.

Nhlavutelo 11:2

Kambe u nga pimi xivava xa Tempele xa le handle, xi tshike, hikuva xi nyiketiwile eka vamatiko, kutani va ta kandziyela muti lowo hlawuleka ku ringana tin'hweti ta 42.

Vaheveru 12:22

Kambe n'wina, mi tshinelele ntshava ya Siyoni ni muti wa Xikwembu lexi hanyaka, Yerusalema wa le tilweni, ni le ka tintsumi leti nga hlayekiki hi ku tala. Mi tile enkhubyeni wa ku tsaka,

Timhaka 7:52

Hi wihi muprofeta loyi vatata wa n'wina va nga n'wi xanisangiki xana? Va dlele na vona lava nga tivisa khale timhaka ta ku ta ka La Lulameke, loyi sweswi mi n'wi xengeke, mi tlhela mi n'wi dlaya;

Luka 13:34

“Yerusalema, Yerusalema, wena la dlayaka vaprofeta, la khandlaka hi maribye lava rhumiweke eka wena; kangani ndzi naverile ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona, kambe a wu swi lavanga.

Zakariya 8:3

HOSI Xikwembu xi ri: “Ndzi ta vuyela eSiyoni, ndzi ta tlhela ndzi tshama emutini wa Yerusalema. Muti wa Yerusalema wu ta thyiwa vito ra ‘Mutshembeki’; ntshava ya HOSI ya matimba hinkwawo yi ta vuriwa ‘Muhlawuleki’.”

Hosiya 11:12

Va ka Efrayimi va ndzi rhendzerile hi mavunwa, vanhu va tiko ra Israele va ndzi rhendzerile hi vumbabva; kambe vanhu va Yuda vona va ha famba etindleleni ta Xikwembu, va ha tshembekile eka Lowo kwetsima.

Yeremiya 3:1

HOSI Xikwembu xi ri: “Loko wansati a hambana ni nuna wa yena, kutani a ya tekiwa hi wanuna un'wana, xana nuna wa yena lowo rhanga a nga tlhela a n'wi amukela xana? E-e! Sweswo swi nga nyamisa tiko ku tlula mpimo. Wena Israele, u ni swigangu leswo tala ngopfu; xana u vona leswaku u nga tlhelela eka mina xana?

Esaya 48:2

Mi tidzunisa, mi ku mi vaaki va muti lowo hlawuleka, mi vula leswaku mi tiseketela hi Xikwembu xa Israele, lexi vito ra xona ri nga HOSI ya matimba hinkwawo.

Esaya 5:7

Vaisraele hi vona nsimu ya vhinya ya HOSI ya matimba hinkwawo; swimila swa yona leswi tsakisaka i vanhu va Yuda; HOSI Xikwembu a xi langutele ku lulama, kambe ku vonaka ku dlayana ntsena, a xi langutele leswinene, kambe ko twala swirilo ntsena!

Pisalema 48:8

Leswi hi tshamaka hi byeriwa swona, sweswi hi swi vona hi mahlo swi humelela emutini wa HOSI ya matimba hinkwawo, wu nga muti wa Xikwembu xa hina lowu xi wu tiyiseke, wu va kona hilaha ku nga heriki.

Pisalema 48:1

HOSI Xikwembu xa hina i Xikwembu lexikulukumba, xi dzuneka ngopfu emutini lowu wu nga wa xona, entshaveni ya xona leyo hlawuleka;

Pisalema 46:4

Ku ni nambu lowu khulukaka wu tisaka ntsako emutini wa Xikwembu; muti lowu i ndhawu ya Loyi a nge henhla-henhla, wu hlawulekile ku tlula tindhawu hinkwato.

Nehemiya 11:1

Emutini wa Yerusalema a ku tshama varhangeri; kutani ntshungu wu hoxa vuhlolotwana leswaku exikarhi ka mindyangu yin'wana na yin'wana ya khume, ku hlawuriwa ndyangu wun'we wu ya tshama emutini lowo hlawuleka wa Yerusalema, kasi mindyangu leyi salaka ya 9 yona yi tshama emitini yin'wana.

2 TIKRONIKA 19:9

Kutani a va tsundzuxa a ku: “Loko mi chava HOSI Xikwembu, ni loko mi tshembeka, mi tinyiketa hi mbilu hinkwayo, mi ta fanela ku endlisa leswi:

2 SAMIELE 8:15

Davhida a fuma tiko hinkwaro ra Israele. A a fambisa vanhu va yena hinkwavo hi moya wo lulama, a nga yi hi nghohe.

Nhlavutelo 17:1

Kutani yin'wana ya tintsumi ta 7 leti a ti ri ni minkambana ya 7, yi ta yi ta ku ka mina: “Tana, ndzi ta ku komba hilaha muoswi lonkulu, la tshameke ehenhla ka mati layo tala, a nga ta avanyisiwa hakona,

Esaya 1:22

We Yerusalema, khale a wu fana ni silivhere, kambe sweswi a wa ha ri nchumu; a wu nandziha kukota vhinyo, kambe sweswi wa phyama.

Esaya 59:3

Mavoko ya n'wina ni tintiho ta n'wina swi lo pyì, hi ngati ni leswo homboloka; loko mi pfula nomo mi vulavula, ku huma vuxisi ni ku kanganyisa ntsena.

Esaya 59:14

Mintirho leyo lulama yi hlongoriwile, leswinene swi nge tshineli kusuhi, hikuva ntiyiso wu khugukile wu wa erivaleni ra muti, kutani leswo lulama swi nga ka swi nga ngheni emutini.

Esaya 59:15

Ntiyiso wa kala swinene, munhu loyi a tshikaka ku endla leswo biha ú wela emavokweni ya vaxanisi.” Swilo leswi, HOSI Xikwembu xi swi vonile, a xi tsakanga nikutsongo loko xi vona leswaku ku lulama a ku kona.

Hosiya 2:5

Mana wa vona ú endlile vunghwavava, yena loyi a va velekeke, ú hanyile hi ndlela yo khomisa tingana. Ú vurile a ku: ‘Ndzi ta famba ni swigangu swa mina, leswi swi ndzi nyikaka vuswa ni mati, swi ndzi nyika ni swiambalo swa xixika ni swa ximumu, ni mafurha yo tola, ni byalwa.’

Habakuku 1:4

Kutani nawu a wa ha tirhi, timhaka a ta ha avanyisiwi hi ku lulama, ni siku ni rin'we. Lavo biha va tlharihela lavo lulama, kutani timhaka ti avanyisiwa hi ndlela yo homboloka.

Esaya 26:10

Loko lowo homboloka a tweriwa vusiwana, a nga dyondzi leswi lulameke; hambi a tshama tikweni ra lavo lulama, yena ú endla leswo homboloka, a nga voni ku dzuneka ka wena, we HOSI.