Esaya 1:2 - BIBELE Mahungu Lamanene

² N'wina matilo, yingisani, na wena misava, rhiya ndleve! HOSI Xikwembu xa vulavula, xi ri: “Ndzi wundlile vana ndzi va kurisa, kambe va ndzi hundzukerile.

Xitsonga (Bibele)

² Matilo, yingisani, na wena misava, rhiya ndleve! Hikuva Yehovha wa vulavula: Ndzi wundlile vana, ndzi va kurisile, kambe va tiarisile eka mina.

Esaya 1:2 Referans Kwoze

Duteronoma 32:1

“Rhiyani tindleve, n'wina matilo, hikuva ndzi lava ku vulavula; wena misava, yingisa marito ya mina.

Duteronoma 30:19

“Namuntlha ndzi kombela matilo ni misava ku va timbhoni ta mina leswaku ndzi mi nyikile nkarhi wo hlawula vutomi kumbe rifu, minkateko kumbe makhombo. Hlawulani vutomi, leswaku mi ta hanya, n'wina ni vana va n'wina!

Mikiya 1:2

N'wina hinkwenu vanhu va matiko, yingisani, we misava ni hinkwaswo leswi nga ka wena, rhiya ndleve. HOSI N'wini wa hinkwaswo ú ta ta a huma eTempeleni ya yena leyo hlawuleka, a tela ku ta avanyisa vanhu exikarhi ka n'wina.

Duteronoma 4:26

Tilo ni misava i timbhoni ta mina namuntlha leswaku loko mi gandzela xifaniso xo tano, mi ta hatla mi susiwa etikweni leri mi yaka mi ya ri teka entsungeni wa Yordani. A mi nga tshami malembe layo tala eka rona, hikuva mi ta heriseriwa makumu;

Pisalema 50:4

Xi vitana matilo ni misava leswaku swi ta va timbhoni ta xona, loko xi avanyisa vanhu va xona;

Malakiya 1:6

HOSI ya matimba hinkwawo yi ri: “N'wana wa xinuna ú xixima tata wa yena, ni nandza ú komba xichavo eka n'wini wa yena. Kambe n'wina a mi ndzi xiximi, ni xichavo a mi ndzi kombi, hambileswi ndzi nga tata wa n'wina ni n'wini wa n'wina; ndzi vula n'wina vaprista lava solaka vito ra mina, kutani mi ri: ‘Hi sorile vito ra wena hi ndlela yihi ke?’

Mikiya 3:8

Loko ndzi ri mina, ndzi tiyile swinene, hikuva HOSI Xikwembu xi ndzi nyika Moya wa xona, ndzi vula leswi lulameke ndzi nga chavi nchumu, ndzi komba Vaisraele, va nga va ka Yakobo, leswaku va dyohile hi ku tiarisa ka vona.

Amosi 3:1

Rhiyani ndleve n'wina vanhu va Israele, n'wina rixaka hinkwaro leri HOSI Xikwembu xi ri humeseke etikweni ra Egipta, mi twa leswi HOSI yi mi tshinyaka ha swona. Yi ri:

Ezekiele 36:4

Leswi ndzi swi byelaka tintshava ta Israele, mina HOSI N'wini wa hinkwaswo ndzi swi kongomisa ni le ka switsunga swa tiko rero, ni le ka minkova ya rona, ni le ka timbala ta rona, hikuva hinkwaswo swi hundzukile mananga layo chavisa ni miti ya kona i marhumbi ntsena. Tiko ra Israele ri hlaseriwile hi vanhu va matiko hinkwawo lama vandzakaneke na rona, kutani sweswi va ri hlekula.

Yeremiya 22:29

Yo vanhu va ka hina, ndzi ri n'wina va ka hinoo! Yingisani leswi HOSI Xikwembu xi swi vulaka;

Yeremiya 6:19

Wena misava yingisa: Vanhu lava ndzi ta va vangela makhombo. Va ta tshovela leswo biha leswi va swi byaleke, hikuva a va yingisanga marito ya mina, ni nawu wa mina va arile ku wu landza.

Esaya 65:2

Masiku hinkwawo, ndzi tshambulutile mavoko ndzi vitana vanhu va mina lava tiarisaka, lava fambaka etindleleni to homboloka, lava tiendlelaka hi ku rhandza.

Esaya 30:9

Vanhu lava, a va twi loko va tshinyiwa, naswona va ni mavunwa ngopfu, a va lavi ku yingisa leswi ndzi va dyondzisaka swona, mina HOSI.

Esaya 30:1

HOSI Xikwembu xi vurisa sweswo, xi ri: “Va ni khombo, vana lava va mina vo ka la va nga yingisi, va endla makungu va nga ndzi byelanga, va boha mintwanano na van'wana, moya wa mina wu nga swi tsakeli, va tlhandleka xidyoho ehenhla ka xidyoho.

Yeremiya 31:9

Va ta vuya va ri eku rileni, ndzi ta va rhangela va khavaxele mihloti. Ndzi ta va fambisa kusuhi ni mati layo tenga, endleleni leyi khuleriweke, va nga khuguriwi hi nchumu. Hi mina tata wa Vaisraele, Efrayimi hi yena mativula ya mina.”

Yeremiya 13:15

Rhiyani ndleve mi yingisa, mi nga tikurisi, hikuva la vulavulaka i HOSI Xikwembu.

Duteronoma 1:31

Hambi ku ri le mananga, mi swi vonile hilaha HOSI Xikwembu xa n'wina xi mi hlayiseke hakona, ku fana ni tatana la hlayisaka n'wana wa yena; xi vile na n'wina eriendzweni ra n'wina hinkwaro, mi kondza mi fika kwala.’

Timhaka 4:20

Loko hi ri hina, hi nga ka hi nga koti ku tshika ku vula leswi hi swi voneke ni leswi hi swi tweke.”

Pisalema 49:1

N'wina hinkwenu vamatiko, twanani mhaka leyi, rhiyani ndleve, n'wina hinkwenu mi akeke emisaveni,

Esaya 31:6

Vuyelani eka loyi mi n'wi fularheleke nkarhi wo leha, n'wina vanhu va Israele.

Esaya 34:1

N'wina vanhu va matiko hinkwawo, tshinelani kusuhi, rhiyani ndleve, mi yingisa! We misava yingisa, ni hinkwaswo leswi nga ka wena, rhiya ndleve we ntumbuluko, ni hinkwaswo leswi hanyaka eka wena.

Esaya 63:16

Tata wa hina, hi wena HOSI, hikuva Abrahama a nga ha hi tivi, hambi a ri Yakobo, ú hi rivarile. Hi wena tata wa hina, ku sukela khale, hi ku thyile vito ra ‘Mukutsuri’!

Yeremiya 3:22

Xona xa va khongotela, xi ri: “Ndzi vulavula na n'wina vanhu vo ka va nga tshembeki, ndzi ri, vuyelani eka mina, ndzi ta mi horisa evuvabyini bya n'wina bya ku tiarisa.” Vanhu va hlamula va ku: “Hi hina lava, hi ta ka wena, we HOSI, hikuva hi wena ntsena u nga Xikwembu xa hina.

Ezekiele 24:3

Vanhu lava vo sihalala, va byele xifaniso, u va tivisa leswaku mina HOSI N'wini wa hinkwaswo ndzi ku lerisile hi marito lawa ya nge: “ ‘Teka mbita u yi tseleka exitikweni, u yi tata hi mati.

2 TIHOSI 21:22

A fularhela HOSI Xikwembu xa vatata wa yena, a nga hanyi hi tindlela ta xona.

Mikiya 1:1

Lawa i marito lama khumbaka muti wa Samariya ni wa Yerusalema. HOSI Xikwembu xi ma tivisile Mikiya wa le Morexeta hi xivono, eminkarhini ya Yotamu, na Akazi, na Hezekiya, tihosi ta tiko ra Yuda.