Esaya 1:16 - BIBELE Mahungu Lamanene

¹⁶ Hlambani, mi basa; mintirho ya n'wina leyo biha, yi suseni emahlweni ka mina; mi nga ha tlheli mi dyoha,

Xitsonga (Bibele)

¹⁶ Hlambani, mi tibasisa; susani emahlweni ka mina mitirho leyo biha ya n'wina; tshikani ku endla swo biha.

Esaya 1:16 Referans Kwoze

1 Petro 3:11

a a tshike leswo homboloka a endla swo lulama; a a lave ku rhula a tiyisela endleleni ya kona.

1 Petro 2:1

Hikokwalaho, tshikani lunya hinkwaro, ni vuxisi hinkwabyo, ni vukanganyisi, ni mavondzo, ni ku lumbeta hinkwako.

2 Vakorinto 7:1

Vanakulorhi, switshembiso leswi swi nyikiwile hina. Hikokwalaho, hi fanele ku tibasisa, hi susa thyaka hinkwaro ra miri ni ra moya, hi ringeta ku hanya vutomi lebyo hlawuleka swinene, hi ri karhi hi chava Xikwembu.

Yakobo 4:8

Tshinelani kusuhi ni Xikwembu kutani xi ta tshinela kusuhi na n'wina. Hlambani mandla ya n'wina, n'wina vadyohi, mi basisa timbilu ta n'wina, n'wina vanhu va miehleketo mimbirhi.

Nhlavutelo 7:14

Ndzi ku ka yena: “Swo tiva hi wena, Hosi yanga.” Hiloko a ku ka mina: “Lava, hi lava humaka eku xanisekeni lokukulu; va hlantswile tinguvu ta vona, va ti basisile hi ngati ya Xinyimpfana.

Yeremiya 4:14

HOSI Xikwembu xi ri: “We Yerusalema, hlantswa mbilu ya wena u tshika leswo homboloka, leswaku u ta pona. Xana u ta namarhela miehleketo ya wena leyo biha ku ya fika rini xana?

Matewu 3:8

Vekani mihandzu leyi fambelanaka ni ku hundzuka ka n'wina.

Esaya 52:11

Sukani! Sukani! Humani eBabilona mi famba, mi nga tshuki mi khumba swilo leswi nga tengangiki. Humani etikweni rero! N'wina mi rhwalaka swibya swa HOSI Xikwembu, mi fanele ku tibasisa.

Pisalema 26:6

We HOSI, ku komba leswaku a ndzi na nandzu, ndzi hlamba mavoko ya mina, kutani ndzi ya rhendzeleka alitari ya wena,

Varhoma 12:9

Rirhandzu ri nga tshuki ri va ni ku kanganyisa. Vengani leswo biha, mi namarhela leswinene.

Timhaka 22:16

Sweswi ke, u hlwelela yini? Suka u yima, u khuvuriwa leswaku u basisiwa eswidyohweni swa wena, hi ku khongela vito ra Hosi.’

Amosi 5:15

Vengani leswo biha, mi rhandza leswinene, mi avanyisa hi ku lulama etihubyeni ta n'wina, kutani kumbexana HOSI, Xikwembu xa matimba hinkwawo, xi ta mi tsetselela n'wina masalela ya Yosefa.

Yeremiya 25:5

va mi tisela marito ya xona lama nge: ‘Hinkwenu hundzukani sweswi mi tshika mikhuva ya n'wina leyo homboloka, ni swiendlo swa n'wina leswo biha; kutani mi ta tshama hilaha ku nga heriki etikweni leri mina HOSI ndzi mi nyikeke rona, n'wina ni vatata wa n'wina ku sukela khale.

Pisalema 37:27

Loko mi endla leswinene mi fularhela leswo biha, mi ta tshamiseka minkarhi hinkwayo,

Pisalema 34:14

tshikani leswo biha mi endla leswinene, lavani ku rhula, mi tiyisela endleleni ya kona,

Pisalema 51:2

Ndzi hlantswe swinene u ndzi basisa, u susa ku homboloka ka mina ni ku dyoha ka mina.

Swivuriso 4:27

u nga tshuki u hambukela exineneni kumbe eximatsini, leswo biha, u nga ngheni eka swona!

Swivuriso 21:3

HOSI Xikwembu xi tsakela ku lulama ni maavanyisele lamanene, ku tlula ku humeseriwa magandzelo.

Yeremiya 18:11

Hikokwalaho we Yeremiya, byela vanhu va ka Yuda ni vaaki va Yerusalema marito ya mina lama nge: ‘Yingisani, ndzi le ku vumbeni ka makhombo lawa ndzi nga ta mi ba ha wona; ndzi le ku boheni ka makungu ya kona. Hundzukani hinkwenu mi tshika mahanyelo ya n'wina layo biha, mi lulamisa tindlela leti mi hanyaka ha tona!’

Yeremiya 26:3

Kumbexana va ta yingisa va hundzuka, hinkwavo va tshika mintirho ya vona leyo homboloka, kutani na mina ndzi ta tshika makungu ya mina ya ku va herisa, lama vangiweke hi mintirho ya vona leyo biha.

Yeremiya 35:15

Ndzi mi rhumerile vaprofeta malandza ya mina; minkarhi hinkwayo a ndzi va rhwexa mahungu lama nge: ‘Hinkwenu hundzukani mi tshika tindlela ta n'wina leto homboloka, mi lulamisa mahanyelo ya n'wina, mi nga ha landzeleli swikwembu swa hava, mi nga swi nkhinsameli. Loko mo endla tano, mi ta tshamiseka etikweni leri ndzi ri nyikeke n'wina ni vatata wa n'wina.’ Kambe mi arile ku ndzi yingisa.

Yonasi 3:8

Vanhu a va ambale leswo khwaxa kun'we ni swifuwo swa vona, kutani va khongela Xikwembu hi matimba. Un'wana ni un'wana a a hundzuke emikhuveni ya yena leyo biha, a tshika vugevenga lebyi a nga na byona embilwini.

Zakariya 7:7

Marito lawa ma ha fana ni lawa HOSI Xikwembu xi ma twariseke hi milomo ya vaprofeta lavo rhanga; eminkarhini ya kona, vaaki va muti wa Yerusalema ni va swimitana leswi nga kusuhi, a va ha tele va tshamisekile; hambi va ri vanhu va le magangeni ni va le dzongeni a va ha tele.

Zakariya 13:1

“Hi siku rero ku ta baleka xihlovo lexi xi nga ta basisa vatukulu va Davhida ni vaaki va Yerusalema, xi susa swidyoho swa vona ni swilo swa vona swa manyala.”

2 TIHOSI 17:13

Kasi HOSI Xikwembu a xi tsundzuxile vanhu va Israele ni va Yuda, hi nomo wa vaprofeta ni wa varhumiwa va xona hinkwavo, xi ku: “Fularhelani mahanyelo ya n'wina layo biha, mi hlayisa swileriso swa mina ni milawu ya mina, hi ku landza Nawu lowu ndzi wu leriseke vakokwa wa n'wina, lowu ndzi mi rhumeleke wona hi nomo wa vaprofeta malandza ya mina.”