Esaya 1:10 - BIBELE Mahungu Lamanene

¹⁰ N'wina tihosi leti fanaka ni ta le Sodoma, yingisani rito ra HOSI Xikwembu! Na n'wina vanhu lava fanaka ni va le Gomora, rhiyani ndleve mi yingisa swiletelo swa Xikwembu xa hina!

Xitsonga (Bibele)

¹⁰ Yingisani rito ra Yehovha, tihosi ta Sodoma; rhiyani tindleve, mi twa nawu wa Xikwembu xa hina, tiko ra Gomora!

Esaya 1:10 Referans Kwoze

Nhlavutelo 11:8

Kutani mintsumbu ya vona yi etlela entsendzeleni wa muti lowukulu, lowu Hosi ya vona yi tshamaka yi vambiwa exihambanweni eka wona, lowu va nge hi le Sodoma na Egipta loko va fanisa.

Ezekiele 16:49

Nandzu wa Sodoma ni swimitana swa yena hi lowu: Vanhu va kona va tikurisa ngopfu, hikuva va ni swakudya leswo tala ni rifuwo lero tala, kambe va tsandzeka ku pfuna swisiwana ni lava pfumalaka.

Amosi 9:7

Hosi yi vula sweswo yi ri: “N'wina Vaisraele, xana a ndzi mi teki mi fana ni vanhu va le Etiyopiya xana? Hambileswi ndzi mi humeseke etikweni ra Egipta, ndzi mi ringanisa ni Vafilista lava ndzi va humeseke eKafitoro, ni Vasiriya lava ndzi va humeseke eKiri.

Ezekiele 16:46

Muti wa Samariya ni swimitana swa wona en'walungwini i hosi ya wena ya xisati; kasi muti wa Sodoma ni swimitana swa wona i ntsongwana ya wena ya xisati edzongeni.

Yeremiya 23:14

Kasi na le xikarhi ka vaprofeta va le Yerusalema, ndzi vona manyala lama chavisaka ku tlula mpimo: Va endla vuoswi, va tsakela mavunwa, va seketela vadyohi emintirhweni ya vona leyo biha, kutani a ka ha ri na un'we la chavaka ku endla leswo homboloka. Vanhu lava eka mina va onhakile hinkwavo kukota va le Sodoma, vaaki va Yerusalema a va hambananga ni va le Gomora.

Esaya 3:9

Tinghohe ta vona ta va mangalela, swidyoho swa vona va swi paluxa ku fana ni va le Sodoma, a va swi tumbeti. Va le khombyeni! va lo tivangela rona hi voxe.

Duteronoma 32:32

Vhinya ya vona yi huma eSodoma, ni le masin'wini ya le Gomora; mihandzu ya vona ya vhinya ya dlaya, swichocho swa kona hinkwaswo swa bava.

Varhoma 9:29

Swi fana ni leswi Esaya a nga rhanga a swi vula, loko a te: “Loko Hosi ya matimba hinkwawo a yi nga hi siyelanga vatukulu, a hi ta va hi hundzukile hi fana na Sodoma, a hi ta va hi ringanisiwile na Gomora.”

Amosi 3:8

I mani a nga rhurhumeliki, loko nghala yi bonga xana? Xana i mani la nga alaka ku va muprofeta, loko HOSI N'wini wa hinkwaswo a vulavurile, xana?

Amosi 3:1

Rhiyani ndleve n'wina vanhu va Israele, n'wina rixaka hinkwaro leri HOSI Xikwembu xi ri humeseke etikweni ra Egipta, mi twa leswi HOSI yi mi tshinyaka ha swona. Yi ri:

Yeremiya 9:26

Ndzi vula lava akeke etikweni ra Egipta, ni ra Yuda, ni ra Edomu, ni ra va ka Amoni, ni ra Mowabu, ndzi ba ni hinkwavo lava tshamaka emananga lava byewulaka malebvu lomu matlhelo. Vanhu lava hinkwavo, swin'we ni Vaisraele hinkwavo, va fana ni lava nga yimbangiki, hikuva etimbilwini ta vona a va na mhaka na mina.”

Esaya 28:14

N'wina mi fumaka vanhu emutini lowu wa Yerusalema, mi tolovele ngopfu ku sandza, hikokwalaho, yingisani rito ra HOSI Xikwembu.

Esaya 8:20

Leswi vanhu vo tano va swi vulavulaka, swi nge tlhaveli hi sana. N'wina tiyiselani eka leswi mi dyondzisiweke swona, leswi nga ni vumbhoni!

Genesa 13:13

wu nga muti wa vanhu vo homboloka, lava a va dyohela ngopfu HOSI Xikwembu.

Esaya 30:9

Vanhu lava, a va twi loko va tshinyiwa, naswona va ni mavunwa ngopfu, a va lavi ku yingisa leswi ndzi va dyondzisaka swona, mina HOSI.

Esaya 33:22

Tintambhu ta tingalava leti nga tshukaka ti hundza hi kona, ti ta debya, timhandze ta tona a ti nga tiyi, maseyila ma ta va ma nga vambekanga. Kutani hi ta phangha swilo swa vona hinkwaswo hi avelana swona, hambi swi ri swilema, swi ta ya eku phangheni. HOSI Xikwembu hi xona xi nga ta va mulweri ni mufumi wa hina, xi ta va hosi ya hina leyi nga ta hi ponisa.

Ezekiele 13:2

“Wena munhu, u fanele ku tshinya lava tivulaka vaprofeta va Israele, kasi va vhumbha ni ku vulavula leswi humaka etinhlokweni ta vona ntsena. Va byele ku yingisa leswi mina HOSI ndzi swi vulaka.

Mikiya 3:1

N'wina mi rhangelaka va ka Yakobo, yingisani, ndzi vula n'wina mi fumaka Vaisraele: Xana a hi n'wina mi fanelaka ku tiva leswo lulama xana?

Ezekiele 16:35

Xikwembu xi ri: “Wena Yerusalema nghwavava ndziwena, yingisa rito ra mina.