Eksoda 9:32 - BIBELE Mahungu Lamanene

³² Kambe swimilana swa tikoroni a swi herisiwanga, hikuva swona swa hlwela ku rhumbuka.)

Xitsonga (Bibele)

³² Koro ni swifake a swi biwanga, hikuva swi hlwele ku mila.

Eksoda 9:32 Referans Kwoze

Eksoda 10:22

Hiloko Muxe a tlakusela voko ra yena ehenhla, kutani ku va ni xinyami lexo chavisa masiku manharhu, etikweni hinkwaro ra Egipta.

Eksoda 9:31

(Swimila swa ntsembyani ni swa maxalana swi herisiwile hi xihangu, hikuva maxalana a ma ri karhi ma vupfa, ntsembyani wona a wa ha ku baleka swiluva.

Eksoda 9:33

Kutani Muxe a suka eka Faro, a huma emutini, a tlakusa mavoko ya yena a khongela HOSI Xikwembu; kutani tilo ni xihangu swi yima, na yona mpfula yi hangalaka.

2 SAMIELE 21:9

Davhida a nyiketa vanhu lava emavokweni ya vaaki va Gibiyoni; vona va va hayeka entshaveni emahlweni ka HOSI Xikwembu, kutani va lova swin'we va ri 7. Vanhu lava va dlayiwile hi nkarhi wa ntshovelo, loko ku tshoveriwa maxalana layo sungula.

Esaya 28:25

E-e! Loko a fayeterile mabuwu, ú haxa mbewu ya aneta ni ya kumini, kasi mbewu ya koroni yona u yi byala hi tinxaxa, a byala ni maxalana endhawini ya wona, a teka yin'wana mbewu, a yi byala lomu makumu ka nsimu.

Ezekiele 4:9

“Kutani u ta nusa koroni ni maxalana ni tindluwa ni timbaweni ni mphoho ni n'wahuva, u swi chela exibyeni xin'we u endla swakudya ha swona. Emasikwini ya 390 lawa u nga ta va u etlele hi rivambu, u ta hamba u dya swona.

Eksoda 10:5

Tinjiya leti ti ta funengeta hinkwako laha hansi, ku sala ku nga ha vonaki; ti ta dya swilo swa n'wina leswi poneke xihangu, ti dya ni mirhi ya n'wina hinkwayo leyi hlukeke enhoveni.

Eksoda 10:12

Kutani HOSI Xikwembu xi ku ka Muxe: “Tlakusela voko ra wena ehenhla ka tiko ra Egipta, leswaku tinjiya ti ta haha ti nghena etikweni, ti herisa swimilana hinkwaswo leswi poneke xihangu, ematlhelweni hinkwawo ya tiko.”