Eksoda 9:28 - BIBELE Mahungu Lamanene

²⁸ Hi khongeleleni eka HOSI Xikwembu, hikuva tilo leri ni xihangu lexi swi hi karhatile ku ringana; ndzi ta mi tshika mi famba, a mi nga ha kali mi tshama.”

Xitsonga (Bibele)

²⁸ Khongelani Yehovha leswaku ku nga tshuki ku va ni ku pfuma ni xihangu, kutani ndzi ta mi tshunxa mi famba, mi nga ha siveriwi.”

Eksoda 9:28 Referans Kwoze

Eksoda 8:8

Kutani Faro a vitana Muxe na Aroni, a ku ka vona: “Khongelani mi kombela HOSI Xikwembu leswaku xi susa mintlambya laha ka mina, ni le ka vanhu va mina; hi kona ndzi nga ta tshika vanhu, va famba va ya humesela HOSI Xikwembu emagandzelo.”

Eksoda 10:17

Hikokwalaho, ndzi kombela leswaku mi ndzi rivalela swidyoho swa mina, kan'we ntsena; naswona ndzi khongeleleni eka HOSI Xikwembu xa n'wina, leswaku xi bakanyela kule na mina khombo leri ra tinjiya.”

Eksoda 8:28

Kutani Faro a hlamula a ku: “Ndzi ta mi tshika mi famba mi ya humesela HOSI Xikwembu xa n'wina emagandzelo emananga, ntsena mi nga yi kule ngopfu. Ndzi khongeleleni!”

Timhaka 8:24

Simoni a hlamula, a ku: “Ndzi khongeleleni mi ri n'wina eka Hosi, leswaku ndzi nga tshuki ndzi humeleriwa hi xilo ni xin'we xa leswi mi swi vuleke.”

Eksoda 11:1

Kutani HOSI Xikwembu xi ku ka Muxe: “Ndza ha ta vangela Faro ni Vaegipta khombo rin'we ro hetelela; endzhaku ka swona, ú ta mi tshika mi famba; ku mi tshika ka swona, ú to mi hlongola kunene.

Eksoda 8:25

Kutani Faro a vitana Muxe na Aroni, a ku ka vona: “Fambani mi ya humesela Xikwembu xa n'wina emagandzelo, kambe mi ri kwala tikweni leri.”

Eksoda 10:8

Kavaloko Muxe na Aroni va tlhela va vitaniwa eka Faro, kutani a ku ka vona: “Mi nga ya mi ya humesela HOSI Xikwembu emagandzelo; kambe i vamani lava faneleke ku famba xana?”

Eksoda 10:24

Kutani Faro a vitana Muxe na Aroni, a ku ka vona: “Yanani mi ya humesela HOSI Xikwembu emagandzelo; mindyangu ya n'wina yi nga famba na n'wina, kambe timbuti ni tinyimpfu ni tihomu ta n'wina, tona ta sala!”

1 SAMIELE 12:19

Kutani Vaisraele hinkwavo va ku ka Samiele: “Hi khongelele hina malandza ya wena eka HOSI Xikwembu xa wena, leswaku hi nga tshuki hi lova, hikuva eka swidyoho hinkwaswo swa hina, hi engeterile xidyoho lexi xa ku tikombelela hosi.”

1 TIHOSI 13:6

Kutani hosi Yerobuwamu a ku eka munhu wa Xikwembu: “Kombela leswaku HOSI Xikwembu xa wena xi ndzi twela vusiwana, u ndzi khongelela leswaku voko ra mina ri vuyela etshamelweni ra rona.” Hiloko munhu wa Xikwembu a xi kombela ku twela Yerobuwamu evusiwana, kutani voko ra yena ri vuyela etshamelweni ra rona, ri va leswi a ri ri swona eku sunguleni.

Yeremiya 21:2

“Hi kombela leswaku u hi vutisela timhaka eka HOSI Xikwembu, hikuva Nebukadnetsara hosi ya Babilona ú lwa na hina. Kumbexana HOSI Xikwembu xi nga hi lamulela hi tindlela ta xona leto hlamarisa, xi hlongola Vababilona.”

Eksoda 8:4

Mintlambya yi ta tlula yi tshama ehenhla ka wena, ni le henhla ka vanhu va wena, ni le henhla ka malandza ya wena hinkwawo.’ ”

Tinhlayo 21:7

Hiloko Vaisraele va tsutsumela eka Muxe, va fika va ku ka yena: “Hi dyohile, hikuva hi sandzile HOSI Xikwembu, hi tlhela hi sandza na wena; sweswi hi kombela leswaku u hi khongelela eka HOSI Xikwembu leswaku xi hi susela tinyoka leti.” Kutani Muxe a va khongelela.