Eksoda 9:23 - BIBELE Mahungu Lamanene

²³ Kutani Muxe a tlakusa nhonga ya yena a komba ehenhla, kutani HOSI Xikwembu xi pfumisa tilo, xi rhumela ni xihangu, rihati ri ba ri nghena ehansi. HOSI Xikwembu xi wisa xihangu etikweni ra Egipta,

Xitsonga (Bibele)

²³ Kavaloko Muxe a yimisa nhonga ya yena ehenhla, kutani Yehovha a pfumisa tilo a nisa ni xihangu, ni ndzilo a wu pfurha emisaveni; Yehovha a nisa xihangu etikweni ra Egipta.

Eksoda 9:23 Referans Kwoze

Pisalema 18:13

kutani HOSI yi bonga yi ri etilweni, Xikwembu xa le henhla-henhla xi huwelela hi rito lerikulu, xi humesa xihangu ni makala lama vuvumelaka.

Yoxuwa 10:11

Loko va rhelela exiphandzeni xa Beta-Horoni va ri karhi va tsutsuma va chava Vaisraele, HOSI Xikwembu xi va wisela xihangu lexikulu ku kondza va ya fika le Azeke, xi ri karhi xi va dlaya. Lava va nga fa hi xihangu a va tele ku tlula lava vavanuna va Israele va va dlayeke hi fumu.

Ezekiele 38:22

Siku ndzi va avanyisaka, va ta dlawa hi mintungu ni tinyimpi. Ndzi ta nisa mpfula leyikulu, ni xihangu xo chavisa, ni ndzilo wa xivavula, swi wela Gogo ni mavuthu ya yena ni masocha ya yena layo tala lama humaka ematikweni man'wana.

Esaya 30:30

HOSI Xikwembu xi ta twarisa mpfumawulo wa rito leri kombaka vukulu bya xona; matimba ya voko ra xona ma ta vonaka, loko xi rhelela xi hlundzukile swinene; ku ta va ni ndzilo lowu pfurhaka wu herisa swilo, ni tilo ri ta baleka, ku va ni bubutsa ni xihangu.

Nhlavutelo 8:7

Ntsumi yo sungula yi chaya nanga ya yona, kutani ku va ni xihangu ni ndzilo, swi pfangene ni ngati, swi wela emisaveni; xiphemu xin'we xa nharhu xa misava xi tshwa, ni xa nharhu xa mirhi xi tshwa, ni byanyi hinkwabyo bya rihlaza byi thwa.

Pisalema 148:8

wena ndzilo na wena xihangu, wena gamboko na wena gwitsi, hambi a ri wena xidzedze, wena u endlaka ku rhandza ka xona.

Pisalema 77:18

Tilo a ri baleka swinene, ku ba xihuhuri, rihati ri voninga misava hinkwayo, kutani yi ninginika hi ku chava.

Pisalema 29:3

Rito ra HOSI ri twakala ehenhla ka malwandle, Xikwembu xo dzuneka xi dzindzisa tilo. HOSI yi fuma swidziva leswikulu.

Nhlavutelo 16:21

Xihangu lexikulu xa maribye yo tika ngopfu, xi wela vanhu hi le tilweni, va ko va rhuketela Xikwembu hi mhaka ya ntungu wa xihangu. Ntungu wa kona a wu chavisa ngopfu.

Eksoda 20:18

Loko Vaisraele hinkwavo va twa ku baleka ka tilo ni ku ba ka mhalamhala, ni loko va vona ku vangama ka rihati ni musi lowu mbulukaka entshaveni, va yimela kule va ri karhi va rhurhumela.

Eksoda 19:16

Hi siku ra vunharhu nimpundzu, tilo ri baleka, ri hatima-hatima, papa lero dziva ri khubumeta ntshava, mhalamhala yi ri karhi yi ba swinene, vanhu lava a va ri emintsongeni va rhurhumela hi ku chava.

Nhlavutelo 16:18

Kutani ku va ni ku hatima-hatima, ni ku pfuma, ni ku baleka ka tilo, ni ku tsekatseka lokukulu ka misava, loku tlulaka ku tsekatseka ka misava ka minkarhi yin'wana hinkwayo: Hi mpfhuka xa loko vanhu va va laha misaveni, a ku vanga na ku tsekatseka loko tano.

Genesa 19:24

Hiloko HOSI Xikwembu xi nisa ndzilo ni xivavula, swi huma eka xona etilweni, swi wela ehenhla ka miti ya Sodoma na Gomora.

Eksoda 9:18

Hikokwalaho mundzuku kwalomu ka minkarhi yoleyi, ndzi ta vanga xihangu lexikulu, lexi ku sukela loko tiko ra Egipta ri tumbuluka ku fikela namuntlha xi nga si tshamaka xi va kona.

Eksoda 9:24

kutani xi wa xi pfangene ni rihati. Xihangu xa kona a xi chavisa swinene; hi mpfhuka xa loko vanhu va akile etikweni ra Egipta, xihangu xo tano a xi nga si tshama xi va kona.

Ntirho 37:13

Xikwembu xi tirhisa wona ku tshinya tiko ra xona, kumbe ku ri komba rirhandzu.

Pisalema 147:17

Hi xona xi nisaka ni xihangu xa maribye lamakulu, ku hava loyi a nga tiyelaka xirhami xa kona.