Eksoda 9:19 - BIBELE Mahungu Lamanene

¹⁹ Kutani sweswi, lerisa leswaku swifuwo swa wena ni swilo swa wena hinkwaswo leswi nga enhoveni swi hlayisiwa endhawini leyi sirheleriweke, hikuva hinkwaswo leswi nga ta ka swi nga vuyisiwanga ekaya, hambi vanhu kumbe swifuwo, swi ta weriwa hi xihangu swi fa.’ ”

Xitsonga (Bibele)

¹⁹ Sweswi, rhuma u vuyisela swifuwo ni swilo hinkwaswo swa wena leswi nga enhoveni. Xihangu xi ta wela vanhu hinkwavo ni swifuwo hinkwaswo leswi nga ta kumiwa enhoveni, leswi nga ka swi nga pfaleriwi etindlwini, kutani swi ta fa.’ ”

Eksoda 9:19 Referans Kwoze

Habakuku 3:2

HOSI, mahungu ya ntirho wa wena ndzi ma twile, kutani wa ndzi chavisa, we HOSI. Pfuxa mintirho ya wena eminkarhini ya sweswi! Tikombe ni manguva lawa! Kambe, eku kariheni ka wena, u nga rivali ku tsetselela.

Eksoda 9:6

Kunene hi siku leri tlhandlamaka, HOSI Xikwembu xi endla mhaka leyi: Swifuwo swa Vaegipta swi fa hinkwaswo, kambe eka swifuwo swa Vaisraele a ku fanga ni xin'we.

Eksoda 9:25

Hinkwaswo leswi a swi ri erivaleni etikweni ra Egipta, hambi vanhu kumbe swifuwo, swi biwa hi xihangu swi fa; xihangu xi dlayetela ni swimilana hinkwaswo emasin'wini, xi tshovelela ni mirhi hinkwayo enhoveni.

Pisalema 78:48

Xi herisile tihomu ta vona hi ntungu, swifuwo swa vona leswitsongo xi swi bile hi matshumba.

Ezekiele 33:5

ú twile mhalamhala loko yi biwa, kambe a nga endlanga nchumu ha swona; hikokwalaho rifu ra yena i mhangu ku tilavela. Loko ingi a pfumerile ku tsundzuxiwa, a a ta va a ponisile vutomi bya yena.