Eksoda 9:16 - BIBELE Mahungu Lamanene

¹⁶ Kambe ndzi ku tshikile u hanya, xikongomelo xa kona ku ri ku ku komba matimba ya mina, leswaku vito ra mina ri ta twarisiwa emisaveni hinkwayo.

Xitsonga (Bibele)

¹⁶ Kambe ndzi ku tshikile hikwalaho leswaku u vona matimba ya mina, ni leswaku vito ra mina ri twakala emisaveni hinkwayo.

Eksoda 9:16 Referans Kwoze

Varhoma 9:17

Hikuva tsalwa ri byela Faro ri ku: “Loko ndzi ku kurisa, a ndzi endlela ku komba matimba ya mina ha wena, ni leswaku vito ra mina ri twarisiwa emisaveni hinkwayo.”

Swivuriso 16:4

Hinkwaswo leswi HOSI Xikwembu xi swi tumbuluxeke, swi ni lomu swi kongomeke kona, hambi va ri lavo homboloka, va kongoma esikwini ra khombo.

Pisalema 64:9

hinkwavo va ta chava; va ta anakanya hinkwaswo leswi Xikwembu xi swi endleke, kutani va ta tivisa van'wana.

1 TIKRONIKA 16:24

Hlayelani vanhu hinkwavo ku dzuneka ka HOSI, matiko hinkwawo a ma tivisiwe mintirho ya yona leyo hlamarisa.

Eksoda 14:17

Mina ndzi ta nonon'hwisa timbilu ta Vaegipta leswaku va ta nghena elwandle va landza Vaisraele; kutani ndzi ta dzunisiwa swinene hi mhaka ya leswi swi nga ta humelela eka Faro, ni le ka mavuthu ni makalichi ya yena, ni le ka vagadi va tihanci ta yena.

Yuda 1:4

Hikuva vanhu van'wana va ngungumerile va nghena exikarhi ka hina; ku avanyisiwa ka vona ku lunghisiwile khale. I vanhu lava nga riki na mhaka ni vukhongeri; va gombonyokisa tintswalo ta Xikwembu xa hina, va endla swa manyala ha tona, naswona va landzula Yesu Kriste, yena N'wini wa hinkwaswo ni Hosi ya hina.

1 Petro 2:8

Naswona, “I ribye leri nga ta khugula vanhu, i tambha leri nga ta va wisa.” Va khunguka va wa hikuva va ala ku yingisa Rito, hilaha swi nga bohiwa hakona khale, leswaku va ta endla swona.

Varhoma 9:22

Kambe, ku yini ka swona ke, loko Xikwembu lexi a xi navela ku komba vukari bya xona ni ku endla leswaku ntamu wa xona wu tiviwa, xi vile ni mbilu leyo leha ngopfu, xi lehisela swibya leswi a swi vumberiwile ku kariheriwa ni ku fayeteriwa, xana?

Malakiya 1:11

“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

Eksoda 18:11

Sweswi ndza swi tiva leswaku HOSI Xikwembu xi tlula swikwembu hinkwaswo, hikuva xi ponisile Vaisraele eka Vaegipta lava a va va khomile hi tihanyi.”

Eksoda 14:4

Mina ndzi ta nonon'hwisa mbilu ya Faro, kutani ú ta landza Vaisraele; hi ndlela leyi, ndzi ta dzunisiwa swinene, hi mhaka ya leswi swi nga ta humelela eka Faro ni mavuthu ya yena; naswona Vaegipta va ta tiva leswaku hi mina ndzi nga HOSI.” Kutani Vaisraele va endla hilaha va lerisiweke hakona.

1 Petro 2:19

Hikuva wa nkhenseka munhu loyi a vekaka Xikwembu embilwini, kutani a tiyisela emahlomulweni a ri karhi a twa ku vaviseka a nga onhanga nchumu.

Malakiya 1:14

Ú ni khombo, muxisi loyi a nga ni nkuzi entlhambini wa yena, a tiboha ku ndzi humesela yona mina N'wini wa hinkwaswo; kambe ematshan'weni ya yona, a humesa xifuwo lexi solekaka, a ndzi gandzela ha xona! Mina HOSI ya matimba hinkwawo, ndzi mufumi lonkulu, vito ra mina ri fanele ku xiximiwa ematikweni hinkwawo.”

1 SAMIELE 4:8

Hi le khombyeni hakunene! Xana i mani la nga ta hi ponisa emavokweni ya Xikwembu lexi xa matimba xana? Hi xona Xikwembu lexi xi nga heta Vaegipta hi mintungu ya tinxaka-xaka le mananga!

Eksoda 9:15

Loko a ndzi swi lavile, ingi ndzi tirhisile matimba ya mina khale ndzi ku ba hi ntungu, wena ni vanhu va wena, kutani sweswi a mi ta va mi herisiwile laha misaveni.

Eksoda 9:17

Na sweswi, wa ha ya emahlweni u tikurisa, hi ku ala ku tshika vanhu va mina va famba.

Nehemiya 9:10

U endlile swikombiso ni swihlamariso, u ba Faro ni malandza ya yena hinkwawo ni vanhu va tiko ra yena hinkwavo, hikuva a wu swi tiva leswaku va vile ni tihanyi eka vatata wa hina. Hikokwalaho, ku sukela enkarhini wolowo ku ta fika sweswi, vito ra wena ra tiveka swinene.

Pisalema 76:10

Hambi va ri va le Edomu va nga vanhu va tihanyi, va ta ku dzunisa, masalela ya va ka Hamati ma ta ku endlela nkhuvo.

Pisalema 106:8

Hambiswiritano xi va ponisile hikwalaho ka vito ra xona, leswaku xi twarisa matimba ya xona lamakulu.

Yeremiya 32:20

Mahlori ni swihlamariso leswi u swi endleke etikweni ra Egipta, wa ha swi endla ni namuntlha exikarhi ka Vaisraele ni le xikarhi ka vanhu hinkwavo, hikokwalaho wa tiveka swinene ematikweni hinkwawo.

Ezekiele 39:21

Xikwembu xi ri: “Ndzi ta tikomba eka vamatiko ndzi ri loyi a dzunekaka, hikuva va ta vona hilaha ndzi avanyisaka vanhu hakona, va vona ni matimba lawa ndzi va fumaka ha wona.

Tinhlayo 14:21

Kambe, loko ku vonakala ka mina ka ha funengetile misava hinkwayo, ndzi vula ndzi tiyisile, ndzi ri:

Yoxuwa 4:24

Hikokwalaho vanhu va misava hinkwavo va ta swi tiva leswaku HOSI Xikwembu xi ni matimba lamakulu, kutani va ta xixima HOSI Xikwembu xa n'wina hilaha ku nga heriki.”

2 SAMIELE 7:23

Xana rixaka rin'wana ri kona emisaveni leri fanaka ni vanhu va wena va Israele xana? Rixaka leri ra Israele, u yile u ya ri kutsula wena Xikwembu, leswaku ri va ra wena, u tidzunisa ha rona. U ri endlele swilo leswikulu, leswi chavisaka; u hlongorile valala emahlweni ka rona, ri nga rixaka leri u ri kutsuleke etikweni ra Egipta, emavokweni ya vamatiko ni swikwembu swa vona.

2 TIHOSI 19:35

Kutani, hi vusiku byebyo, ntsumi ya HOSI Xikwembu yi humelela emixaxeni ya Vaasiriya, yi lovisa vavanuna va 185 000. Loko ri ya eku xeni, lavan'wana va pfuka, kutani vo vona mintsumbu ntsena.