Eksoda 9:14 - BIBELE Mahungu Lamanene

¹⁴ Makhombo hinkwawo lawa ndzi nga ta ma rhumela sweswi, ndzi ta ma rhumela eka wena, ni le ka malandza ya wena, ni le ka vanhu va wena, u ta tiva leswaku emisaveni hinkwayo a nga kona la fanaka na mina.

Xitsonga (Bibele)

¹⁴ Hikuva sweswi ndzi ta rhumela embilwini ya wena makhombo hinkwawo, ni le henhla ka malandza ya wena, ni le tikweni ra wena, u ta tiva leswaku a ku na un'wana la fanaka na mina emisaveni hinkwayo.

Eksoda 9:14 Referans Kwoze

Eksoda 8:10

Kutani Faro a ku: “Mundzuku!” Muxe a ku: “Swi ta va hilaha u vulaka hakona, u ta tiva leswaku ku hava loyi a fanaka na HOSI Xikwembu xa hina.

Nhlavutelo 22:18

Ndzi tsundzuxa un'wana na un'wana loyi a twaka marito ya vuhlavuteli bya buku leyi, ndzi ri: Loko munhu a engetela swin'wana eka wona, Xikwembu xi ta engetelela eka yena mintungu leyi tsariweke ebukwini leyi.

Nhlavutelo 18:8

Hikwalaho ka swona, mintungu hinkwayo yi ta n'wi wela henhla hi siku rin'we, a kuma mavabyi yo chavisa, ni mahlomulo, ni ku sika, kutani ú ta hisiwa hi ndzilo, hikuva Hosi Xikwembu, muavanyisi wa yena, xi ni matimba lamakulu.”

Mikiya 6:13

Hikokwalaho ndzi ta mi vangela vuvabyi lebyo chavisa, hinkwenu mi ta hela mi ku bi, mi dlayisa hi swidyoho swa n'wina.

Yeremiya 19:8

Muti lowu, ndzi ta wu hundzula rhumbi leri chavisaka ngopfu, kutani vahundzi va ndlela hinkwavo va ta hlakahla tinhloko va hlamala, loko va vona khombo ra wona lerikulu.

Yeremiya 10:6

We HOSI, a ku na la fanaka na wena, u Xikwembu lexikulu, ni vito ra wena ra chaviseka swinene.

Esaya 46:9

Tsundzukani ni leswi humeleleke eminkarhini ya khale; Xikwembu hi mina, ku hava xin'wana, mina ndzi Xikwembu, a ku na loyi a fanaka na mina.

Pisalema 86:8

Exikarhi ka swikwembu, ku hava lexi fanaka na wena we N'wini wanga, hambi mintirho ya wena a yi pimanisiwi na yin'wana.

1 TIKRONIKA 17:20

Ku hava la fanaka na wena we HOSI, a ku na Xikwembu xin'wana. Hinkwaswo leswi hi swi tweke, swi seketela mhaka leyi.

1 TIHOSI 8:38

Eminkarhini leyo tano, xikhongelo xihi ni xihi kumbe xikombelo xihi ni xihi, xa munhu a ri un'we kumbe xa Vaisraele hinkwavo vanhu va wena, xi yingise we HOSI! Loko vakhongeri lava va titwa va ri ekhombyeni, ni loko va tlakusela mavoko ya vona ehenhla, va khongela va ri karhi va languta Tempele leyi,

2 SAMIELE 7:22

Hikokwalaho, u nkulukumba, wena HOSI N'wini wanga, naswona ku hava la fanaka na wena; ehandle ka wena, ku hava Xikwembu xin'wana, hikuva hinkwaswo leswi hi swi tweke swi seketela mhaka leyi.

1 SAMIELE 4:8

Hi le khombyeni hakunene! Xana i mani la nga ta hi ponisa emavokweni ya Xikwembu lexi xa matimba xana? Hi xona Xikwembu lexi xi nga heta Vaegipta hi mintungu ya tinxaka-xaka le mananga!

Levhitika 26:28

na mina ndzi ta endla leswi mi nga ta ka mi nga swi lavi; ndzi ta mi ba ndzi hlundzukile, ndzi mi ba ka 7 ku tlula leswo sungula, hikwalaho ka swidyoho swa n'wina.

Levhitika 26:21

“Loko mo ya emahlweni ni ku endla leswi ndzi nga swi laviki, mi ala ku ndzi yingisa, ndzi ta mi rhumela man'wana makhombo lama tlulaka layo sungula ka 7, hikwalaho ka swidyoho swa n'wina.

Levhitika 26:18

Loko hinkwaswo leswi swi nga endli leswaku mi ndzi yingisa, ndzi ta mi ba ku tlula ka 7, ndzi mi bela swidyoho swa n'wina.

Eksoda 9:15

Loko a ndzi swi lavile, ingi ndzi tirhisile matimba ya mina khale ndzi ku ba hi ntungu, wena ni vanhu va wena, kutani sweswi a mi ta va mi herisiwile laha misaveni.

Eksoda 15:11

“We HOSI, i mani loyi a fanaka na wena exikarhi ka swikwembu, xana? Wena la nga ni matimba lama kwetsimaka, wena wa mintirho leyo chavisa, wena u endlaka swihlamariso, ku hava la fanaka na wena!

Duteronoma 3:24

‘We HOSI N'wini wanga, leswi u ndzi kombeke swona i masungulo ntsena ya mintirho leyikulu yo hlamarisa leyi u lavaka ku yi endla. A ku na xikwembu xin'wana etilweni ni laha misaveni lexi kotaka ku endla mintirho ya matimba ku fana na wena!

Duteronoma 4:35

Swilo leswi, mi kombiwile swona mi ta tiva leswaku HOSI i Xikwembu, a ku na Xikwembu xin'wana ehandle ka xona.

Esaya 45:5

HOSI Xikwembu hi mina ntsena, a ku na un'wana, ehandle ka mina, a ku na xikwembu xin'wana. Ndzi ta ku nyika matimba, hambileswi u nga ndzi tiviki.

Yeremiya 10:7

Xana i mani la nga ta ka a nga ku chavi, we Mufumi wa matiko, xana? Ku xiximiwa hi vanhu swi ku fanerile, hikuva exikarhi ka tintlhari hinkwato ni tihosi hinkwato ta misava, ku hava na un'we loyi a ringanaka na wena.

Daniele 5:21

a hlongoriwa a suka exikarhi ka vanhu, miehleketo ya yena yi hundzuka yi fana ni ya swiharhi, a ya tshama na swona enhoveni, a dya byanyi ku fana ni homu, miri wa yena wu wela hi mberha, ku kondza a tiva leswaku Xikwembu xa le henhla-henhla xi fuma tihosi hinkwato, ni leswaku xi teka vuhosi xi byi nyika loyi xi n'wi tsakelaka.

Eksoda 8:6

Hiloko Aroni a tlakusela voko ra yena ehenhla ka mati ya Egipta, kutani mintlambya yi huma yi tata tiko hinkwaro.