Eksoda 9:12 - BIBELE Mahungu Lamanene

¹² Kambe HOSI Xikwembu xi nonon'hwisa mbilu ya Faro, a nga yingisi Muxe na Aroni, tanihilaha a xi byerile Muxe hakona.

Xitsonga (Bibele)

¹² Kambe Yehovha a nonon'hwisa mbilu ya Faro, a nga yingisanga Muxe na Aroni, hilaha Yehovha a nga byela Muxe hakona.

Eksoda 9:12 Referans Kwoze

Eksoda 4:21

Kutani HOSI Xikwembu xi ku ka Muxe: “Loko u tlhelerile etikweni ra Egipta, vona leswaku u endla, emahlweni ka Faro, swihlamariso hinkwaswo leswi ndzi ku nyikeke matimba ya ku swi endla; kambe ndzi ta nonon'hwisa mbilu ya yena, leswaku a nga pfumeleli Vaisraele ku famba.

Yohane 12:40

“Ú phumisile mahlo ya vona, ni ku tlanyata miehleketo ya vona, leswaku va nga ha voni, ni ku twisisa va nga ha twisisi, ni leswaku va nga hundzuki, na mina ndzi nga va hanyisi.”

Varhoma 9:18

Loko swi ri tano ke, Xikwembu xi tsetselela loyi xi rhandzaka ku n'wi tsetselela; kutani xi nonon'hwisa loyi xi rhandzaka ku n'wi nonon'hwisa.

Eksoda 7:4

Faro a nga ka a nga mi yingisi; kwalaho ndzi ta tirhisa matimba ya mina ehenhla ka tiko ra Egipta, ndzi humesa mintshungu ya mina, va nga vanhu va mina va Israele, etikweni ra Egipta, hi ku avanyisa loku hlamarisaka.

Eksoda 10:1

Kutani HOSI Xikwembu xi ku ka Muxe: “Yana u ya nghena emutini wa Faro. Ndzi nonon'hwisile mbilu ya yena ni timbilu ta malandza ya yena, leswaku ndzi ta humesa swikombiso swa mina exikarhi ka vona,

Eksoda 10:20

Kambe HOSI Xikwembu xi nonon'hwisa mbilu ya Faro, a nga tshiki vanhu va Israele va famba.

Eksoda 11:10

Hakunene, hambileswi Muxe na Aroni va endleke swihlamariso leswi emahlweni ka Faro, HOSI Xikwembu xi nonon'hwisile mbilu ya yena, kutani a ala ku tshika vanhu va Israele va famba, va huma etikweni ra yena.

Eksoda 14:8

HOSI Xikwembu xi nonon'hwisa mbilu ya Faro hosi ya Egipta, kutani a landza Vaisraele loko va ri karhi va huma va ntshunxekile swinene.

Yoxuwa 11:20

HOSI Xikwembu hi xona xi nga nonon'hwisa timbilu ta vanhu lava leswaku va ta lwa nyimpi ni Vaisraele. HOSI Xikwembu a xi endlela leswaku vanhu lava va nga tweriwi vusiwana, kambe va herisiwa va nyamalalela makumu hilaha xi leriseke Muxe hakona.

Eksoda 9:7

Loko Faro a vutisisa, a twa leswaku ni xin'we xa swifuwo swa Vaisraele a xi fanga; kambe hambiswiritano, a ya emahlweni a tinonon'hwisa, a nga tshiki vanhu leswaku va famba.