Eksoda 8:8 - BIBELE Mahungu Lamanene

⁸ Kutani Faro a vitana Muxe na Aroni, a ku ka vona: “Khongelani mi kombela HOSI Xikwembu leswaku xi susa mintlambya laha ka mina, ni le ka vanhu va mina; hi kona ndzi nga ta tshika vanhu, va famba va ya humesela HOSI Xikwembu emagandzelo.”

Xitsonga (Bibele)

⁸ Kutani Faro a vitana Muxe na Aroni, a ku eka vona: “Khongelani Yehovha leswaku a susa mitlambya eka mina ni le ka tiko ra mina, hi kona ndzi nga ta tshunxa tiko, ri ya gandzela Yehovha.”

Eksoda 8:8 Referans Kwoze

Eksoda 10:17

Hikokwalaho, ndzi kombela leswaku mi ndzi rivalela swidyoho swa mina, kan'we ntsena; naswona ndzi khongeleleni eka HOSI Xikwembu xa n'wina, leswaku xi bakanyela kule na mina khombo leri ra tinjiya.”

Eksoda 9:28

Hi khongeleleni eka HOSI Xikwembu, hikuva tilo leri ni xihangu lexi swi hi karhatile ku ringana; ndzi ta mi tshika mi famba, a mi nga ha kali mi tshama.”

1 TIHOSI 13:6

Kutani hosi Yerobuwamu a ku eka munhu wa Xikwembu: “Kombela leswaku HOSI Xikwembu xa wena xi ndzi twela vusiwana, u ndzi khongelela leswaku voko ra mina ri vuyela etshamelweni ra rona.” Hiloko munhu wa Xikwembu a xi kombela ku twela Yerobuwamu evusiwana, kutani voko ra yena ri vuyela etshamelweni ra rona, ri va leswi a ri ri swona eku sunguleni.

Tinhlayo 21:7

Hiloko Vaisraele va tsutsumela eka Muxe, va fika va ku ka yena: “Hi dyohile, hikuva hi sandzile HOSI Xikwembu, hi tlhela hi sandza na wena; sweswi hi kombela leswaku u hi khongelela eka HOSI Xikwembu leswaku xi hi susela tinyoka leti.” Kutani Muxe a va khongelela.

Timhaka 8:24

Simoni a hlamula, a ku: “Ndzi khongeleleni mi ri n'wina eka Hosi, leswaku ndzi nga tshuki ndzi humeleriwa hi xilo ni xin'we xa leswi mi swi vuleke.”

Pisalema 66:3

Huwelelani emahlweni ka Xikwembu mi ku: “Mintirho ya wena ya hlamarisa; valala va wena va rhurhumela emahlweni ka wena, hikuva matimba ya wena i makulu.

1 SAMIELE 12:19

Kutani Vaisraele hinkwavo va ku ka Samiele: “Hi khongelele hina malandza ya wena eka HOSI Xikwembu xa wena, leswaku hi nga tshuki hi lova, hikuva eka swidyoho hinkwaswo swa hina, hi engeterile xidyoho lexi xa ku tikombelela hosi.”

Eksoda 14:5

Loko hosi Faro a byeriwa leswaku Vaisraele va balekile, yena ni malandza ya yena va hundzuluxa miehleketo ya vona hi tlhelo ra Vaisraele, kutani va ku: “Hi endlile yini xana? Hi tshikile Vaisraele va famba, kasi a va hi tirhela!”

Eksoda 5:2

Kutani Faro a ku: “HOSI Xikwembu i mani xana? Hikwalaho ka yini ndzi fanele ku n'wi yingisa, ndzi tshika Vaisraele va famba xana? HOSI Xikwembu, a ndzi n'wi tivi, naswona ndzi nga ka ndzi nga tshiki Vaisraele va famba.”

Eksoda 8:9

Muxe a hlamula a ku: “Swi le ka wena ku lerisa nkarhi lowu ndzi nga ta khongela ha wona, ndzi mi kombelela, wena ni malandza ya wena ni vanhu va wena, leswaku mintlambya yi susiwa eka wena, ni le tindlwini ta wena, yi sala enambyeni ntsena.”

Eksoda 8:15

Kambe loko Faro a kuma nkarhi wo hefemula, a tlhela a tinonon'hwisa, a nga yingisi Muxe na Aroni, hilaha HOSI Xikwembu a xi vurile hakona.

Eksoda 8:29

Kutani Muxe a ku: “Vona, sweswi ndzi humaka laha ka wena, ndzi ta khongela HOSI Xikwembu leswaku mundzuku mabawa ma suka laha ka wena Faro, ma suka ni le ka malandza ya wena ni le ka vanhu va wena; ntsena u nga ha engeti u tlanga hi hina, hi ku sivela vanhu va hina ku ya humesela HOSI Xikwembu emagandzelo.”

Eksoda 8:32

Kambe Faro a tlhela a tinonon'hwisa, a nga va tshiki vanhu leswaku va famba.

Eksoda 9:27

Faro a rhuma vanhu, va ya vitana Muxe na Aroni, kutani a ku ka vona: “Sweswi ndza pfumela leswaku ndzi dyohile. HOSI Xikwembu a xi na nandzu, nandzu wu na mina ni vanhu va mina.

Eksoda 10:16

Kutani Faro a hatla a vitana Muxe na Aroni, a ku ka vona: “Ndzi dyohele HOSI Xikwembu xa n'wina, ndzi dyohele na n'wina.

Eksoda 9:33

Kutani Muxe a suka eka Faro, a huma emutini, a tlakusa mavoko ya yena a khongela HOSI Xikwembu; kutani tilo ni xihangu swi yima, na yona mpfula yi hangalaka.

Eksoda 10:18

Kutani Muxe a huma eka Faro, a ya khongela HOSI Xikwembu.

Eksoda 32:11

Kambe Muxe a kombela HOSI Xikwembu hi matimba, a ku: “We HOSI, hikwalaho ka yini vukari bya wena byi pfurhela vanhu va wena lava u va humeseke etikweni ra Egipta hi matimba lamakulu ni voko leri tiyeke, xana?