Eksoda 8:15 - BIBELE Mahungu Lamanene

¹⁵ Kambe loko Faro a kuma nkarhi wo hefemula, a tlhela a tinonon'hwisa, a nga yingisi Muxe na Aroni, hilaha HOSI Xikwembu a xi vurile hakona.

Xitsonga (Bibele)

¹⁵ Kambe Faro loko a vona leswaku u pfuniwile, a ti nonon'hwisa mbilu, a nga va yingisanga, hilaha Yehovha a nga vula hakona.

Eksoda 8:15 Referans Kwoze

Esaya 26:10

Loko lowo homboloka a tweriwa vusiwana, a nga dyondzi leswi lulameke; hambi a tshama tikweni ra lavo lulama, yena ú endla leswo homboloka, a nga voni ku dzuneka ka wena, we HOSI.

Vaheveru 3:15

enkarhini lowu ka ha vuriwaka marito lama nge: “Namuntlha, loko mi twa rito ra Xikwembu, mi nga nonon'hwisi timbilu ta n'wina, kukotisa leswi mi tshamaka mi swi endla loko mi xi pfukerile.”

Vaheveru 3:8

mi nga nonon'hwisi timbilu ta n'wina, kukotisa leswi mi tshamaka mi swi endla loko mi xi pfukerile, siku leri mi nga xi ringa ha rona emananga.

Eklesiasta 8:11

Leswi mintirho ya lavo homboloka yi nga avanyisiwangiki hi ku hatlisa, vanhu van'wana va tsutsumela ku endla leswi biheke.

Eksoda 7:4

Faro a nga ka a nga mi yingisi; kwalaho ndzi ta tirhisa matimba ya mina ehenhla ka tiko ra Egipta, ndzi humesa mintshungu ya mina, va nga vanhu va mina va Israele, etikweni ra Egipta, hi ku avanyisa loku hlamarisaka.

Eksoda 14:5

Loko hosi Faro a byeriwa leswaku Vaisraele va balekile, yena ni malandza ya yena va hundzuluxa miehleketo ya vona hi tlhelo ra Vaisraele, kutani va ku: “Hi endlile yini xana? Hi tshikile Vaisraele va famba, kasi a va hi tirhela!”

Eksoda 4:21

Kutani HOSI Xikwembu xi ku ka Muxe: “Loko u tlhelerile etikweni ra Egipta, vona leswaku u endla, emahlweni ka Faro, swihlamariso hinkwaswo leswi ndzi ku nyikeke matimba ya ku swi endla; kambe ndzi ta nonon'hwisa mbilu ya yena, leswaku a nga pfumeleli Vaisraele ku famba.

Nhlavutelo 16:9

Vanhu va tshwa hi ku hisa loku chavisaka loku, kutani va rhuketela vito ra Xikwembu lexi nga ni matimba ehenhla ka mintungu leyi, kambe a va hundzukanga, ni ku xi dzunisa a va xi dzunisanga.

Hosiya 6:4

Xana ndzi ta endla yini hi n'wina va ka Efrayimi xana? Na n'wina va ka Yuda, ndzi ta endla yini hi n'wina xana? Ku tshembeka ka n'wina ku fana ni hunguva nimixo, ku fana ni mberha leyi hatlisaka ku dzudzeka.

Swivuriso 29:1

La tshinyiwaka, kambe a ala a tiomisa nhloko, ú ta wa a tshoveka a nga ehleketanga, kutani a nge he tshunguleki.

Eksoda 8:8

Kutani Faro a vitana Muxe na Aroni, a ku ka vona: “Khongelani mi kombela HOSI Xikwembu leswaku xi susa mintlambya laha ka mina, ni le ka vanhu va mina; hi kona ndzi nga ta tshika vanhu, va famba va ya humesela HOSI Xikwembu emagandzelo.”

Eksoda 8:14

kutani Vaegipta va yi hlengeleta hi tinhulu, tiko hinkwaro ri nun'hwa hi yona.

Eksoda 8:16

Kutani HOSI Xikwembu xi ku ka Muxe: “Lerisa Aroni leswaku a tlakusa nhonga ya yena, a ba hansi leswaku ritshuri ri hundzuka tinhwala etikweni hinkwaro ra Egipta.”

Eksoda 8:28

Kutani Faro a hlamula a ku: “Ndzi ta mi tshika mi famba mi ya humesela HOSI Xikwembu xa n'wina emagandzelo emananga, ntsena mi nga yi kule ngopfu. Ndzi khongeleleni!”

Eksoda 8:29

Kutani Muxe a ku: “Vona, sweswi ndzi humaka laha ka wena, ndzi ta khongela HOSI Xikwembu leswaku mundzuku mabawa ma suka laha ka wena Faro, ma suka ni le ka malandza ya wena ni le ka vanhu va wena; ntsena u nga ha engeti u tlanga hi hina, hi ku sivela vanhu va hina ku ya humesela HOSI Xikwembu emagandzelo.”

Eksoda 8:32

Kambe Faro a tlhela a tinonon'hwisa, a nga va tshiki vanhu leswaku va famba.

1 SAMIELE 6:6

Xana mi nonon'hwisela yini timbilu ta n'wina, tanihi leswi Vaegipta na Faro wa vona va nonon'hwiseke timbilu ta vona, xana? Loko HOSI Xikwembu xi hetile ku va yingayingisa, xana a va tshikanga Vaisraele va famba, kutani Vaisraele va hambana na vona, xana?

Swivuriso 26:11

Mbyana yi tlhelela emahlanteni ya yona; swi tano ni xiphunta, xi nga ka xi nga tshiki ku endla swa vuphukuphuku bya xona.

1 SAMIELE 6:3

Va hlamula va ku: “Loko mi tlherisa Areka ya Xikwembu xa Israele, mi nga yi tlherisi ntsena, kambe ringetani hi matimba ku yi tlherisa yi ri ni mhamba yo riha nandzu eka Xikwembu lexi, hi kona mi nga ta hola, naswona hi kona mi nga ta tiva leswi a swi mi vangela ku biwa hi nkhavi wa Xikwembu.”

1 SAMIELE 6:9

N'wina mo yi languta ntsena: Loko yi khoma ndlela leyi kongomaka ekaya ka yona, ni loko yi tlhandlukela eBeta-Xemexe, khombo lerikulu leri ri nga hi wela, ri ta va ri vangiwile hi HOSI Xikwembu. Kambe loko swi nga ri tano, hi ta tiva leswaku a hi nkhavi wa xona lowu wu hi beke, i khombo leri nga lo tshuka ri humelela.”

1 SAMIELE 6:12

Tihomu ti khoma ndlela leyi kongomaka eBeta-Xemexe, ti nga humi egondzweni ra kona, ti famba ti ri karhi ti rila. A ti hambukanga exineneni kumbe eximatsini, tihosi ta Vafilista ti ri karhi ti landzelela, ti ko ti ya fika endzilekaneni wa Beta-Xemexe.