Eksoda 7:23 - BIBELE Mahungu Lamanene

²³ Kutani Faro a tlhelela entsindza; leswi humeleleke a swi nga n'wi khumbanga nikutsongo.

Xitsonga (Bibele)

²³ Faro a tlhela, a ya endlwini ya yena, a nga vekanga mbilu ya yena eka mhaka leyi.

Eksoda 7:23 Referans Kwoze

Malakiya 2:2

Ndzi yingiseni, mi tikarhatela ku twarisa vito ra mina. Loko mi nga endli sweswo, ndzi ta mi vangela makhombo; ku katekisa ka n'wina, ndzi ta ku hundzula ndzhukano. Ni sweswi ndzi ku hundzule ndzhukano, hikuva a mi tikarhateli mina.

Habakuku 1:5

“Langutani swa le matikweni man'wana, mi swi xiyisisa; hlamalani, mi hlamarisisa, hikuva ndzi le ku tirheni eminkarhini ya n'wina, ntirho wa kona a mi nga wu kholwi loko va mi tivisa wona.

Ezekiele 40:4

Wanuna loyi a ku ka mina: “Wena munhu, pfula mahlo u rhiya ni ndleve, u ringeta ku tsundzuka hinkwaswo leswi ndzi nga ta ku komba swona, hikuva hi xona xikongomelo xa ku tisiwa ka wena haleno; kutani u ta ya tivisa Vaisraele hinkwaswo leswi u swi vonaka kwala.”

Yeremiya 36:24

Marito lawa hosi Yoyakimi ni malandza ya yena va ma tweke a ma va tshukisanga, hikokwalaho a va handzulanga swiambalo swa vona.

Yeremiya 5:3

We HOSI, u tsakela ku vona munhu la nga ni ntiyiso. Vanhu lava u va bile, kambe a va twanga ku vava. U lavile ku va herisa, kambe va arile ku tshinyiwa. Va tiomisile tinhloko, va nga pfumeli ku hundzuka.

Esaya 26:11

U tlakusile voko ra wena, we HOSI, kambe a va ri voni. Va kombe leswaku u hisekela vanhu va wena, va ta khoma hi tingana, va herise hi ndzilo lowu a wu wu lunghisele valala va wena!

Swivuriso 29:1

La tshinyiwaka, kambe a ala a tiomisa nhloko, ú ta wa a tshoveka a nga ehleketanga, kutani a nge he tshunguleki.

Swivuriso 24:32

Kutani ndzi languta, ndzi xiyaxiya. Eku languteni ka mina, ndzi kume dyondzo:

Swivuriso 22:17

Rhiya ndleve, u yingisa switsundzuxo swa tintlhari, tikarhatele vutivi lebyi ndzi ku dyondzisaka byona;

Pisalema 62:10

U nga tshembi mintirho ya tihanyi, ku kanganyisa vanhu a swi nga ku vuyiseli nchumu. Hambiloko rifuwo ri nga ku talela, u nga tiseketeli ha rona.

Ntirho 7:17

Xana munhu wa nyama o va yini, leswaku u tikarhatela yena xana? Ku n'wi anakanya hi ndlela leyi, a swi pfuni nchumu!

1 SAMIELE 4:20

Loko a sungula ku hlala, tisungukati leti a ti n'wi tshamerile ti ku ka yena: “U nga chavi! U kumile n'wana wa mufana!” Kambe yena a nga ti hlamulanga nchumu, a nga swi endlanga mhaka.

Duteronoma 32:46

a ku ka vona: “Hinkwaswo leswi ndzi mi tsundzuxaka swona, mi fanele ku swi hlayisa etimbilwini ta n'wina, mi laya vana va n'wina ha swona, leswaku na vona va ta tikarhatela ku hanya hi swilo hinkwaswo leswi tsariweke enawini lowu.

Eksoda 9:21

Kambe lava a va nga ri na mhaka ni rito ra HOSI Xikwembu, va tshika mahlonga ya vona ni swifuwo swa vona enhoveni.

Eksoda 7:22

Kambe vangoma va tiko ra Egipta na vona va endlisa sweswo hi migilo-gilo ya vona; hikokwalaho Faro a ya emahlweni a tinonon'hwisa, a nga yingisi Muxe na Aroni, tani hilaha HOSI Xikwembu a xi vurile hakona.

Eksoda 7:24

Vanhu hinkwavo va tiko ra Egipta va famba va cela swihlovo eribuweni ra nambu, va lava mati yo nwa, hikuva a va nga ha koti ku nwa lawa yo huma enambyeni wa Nilo.

Eksoda 9:20

A ku ri ni van'wana exikarhi ka malandza ya Faro lava tshukisiweke hi rito ra HOSI Xikwembu, kutani va hatlisa va nghenisa mahlonga ya vona ni swifuwo swa vona etindlwini.

Swivuriso 28:14

Ku katekile munhu loyi a chavaka HOSI Xikwembu minkarhi hinkwayo; kambe loyi a tinonon'hwisaka, ú ta wela ekhombyeni.

Esaya 47:7

U tikurisile, u ku: ‘Ndzi ta va nkosikazi hilaha ku nga heriki!’ u rivala leswaku eku heteleleni, swiendlo swa wena swi ta ku vangela khombo.