Eksoda 7:21 - BIBELE Mahungu Lamanene

²¹ Tinhlampfi ta nambu ti fa, nambu wu sungula ku nun'hwa, kutani vanhu va Egipta va tsandzeka ku nwa mati ya kona; tiko ra Egipta hinkwaro ri tala hi ngati.

Xitsonga (Bibele)

²¹ tinhlampfi ta nambu ti fa, ni nambu wu nun'hwa; kutani Vaegipta va tsandzeka ku nwa mati ya nambu, ni ngati yi va kona etikweni hinkwaro ra Egipta.

Eksoda 7:21 Referans Kwoze

Eksoda 7:18

Tinhlampfi ti ta fa enambyeni; nambu wa kona wu ta nun'hwa, kutani vanhu va Egipta va ta tsandzeka ku nwa mati ya wona.’ ”

Nhlavutelo 8:9

Ku fa xiphemu xin'we xa nharhu xa swivumbiwa leswi hanyaka swa le lwandle, ku onhaka ni xa nharhu xa tingalava.

Eksoda 7:20

Kutani Muxe na Aroni va endla hilaha HOSI Xikwembu xi leriseke hakona: Aroni a tlakusa nhonga emahlweni ka Faro ni malandza ya yena, a ba mati ya nambu, kutani hinkwawo ma hundzuka ngati.

Eksoda 7:22

Kambe vangoma va tiko ra Egipta na vona va endlisa sweswo hi migilo-gilo ya vona; hikokwalaho Faro a ya emahlweni a tinonon'hwisa, a nga yingisi Muxe na Aroni, tani hilaha HOSI Xikwembu a xi vurile hakona.

Pisalema 105:29

Xi hundzula mati emilambyeni ya Vaegipta ma va ngati, xi dlaya ni tinhlampfi ta kona,

Eksoda 8:14

kutani Vaegipta va yi hlengeleta hi tinhulu, tiko hinkwaro ri nun'hwa hi yona.

Esaya 19:8

Vaphasi va tinhlampfi va ta rila swinene, hinkwavo lava njovelaka kunene, ni lava kukutaka hi ritavala, va ta hela matimba.