Eksoda 7:20 - BIBELE Mahungu Lamanene

²⁰ Kutani Muxe na Aroni va endla hilaha HOSI Xikwembu xi leriseke hakona: Aroni a tlakusa nhonga emahlweni ka Faro ni malandza ya yena, a ba mati ya nambu, kutani hinkwawo ma hundzuka ngati.

Xitsonga (Bibele)

²⁰ Kutani Muxe na Aroni va endla hilaha Yehovha a va leriseke hakona: Aroni a yimisa nhonga ya yena, a ba mati ya nambu emahlweni ka Faro, ni le mahlweni ka malandza ya yena, kutani mati hinkwawo ya nambu ma hundzuka ngati;

Eksoda 7:20 Referans Kwoze

Pisalema 105:29

Xi hundzula mati emilambyeni ya Vaegipta ma va ngati, xi dlaya ni tinhlampfi ta kona,

Pisalema 78:44

Mati ya milambu hinkwayo ya Vaegipta, xi ma hundzurile ngati, va nga ha koti ku ma nwa.

Nhlavutelo 8:8

Ntsumi ya vumbirhi yi chaya nanga ya yona, kutani xilo xin'wana lexi fanaka ni ntshava leyikulu leyi pfurhaka ndzilo, xi hoxiwa elwandle. Kutani xiphemu xin'we xa nharhu xa lwandle xi hundzuka ngati.

Eksoda 4:9

Kambe loko, ha vumbirhi bya swona, swi nga va khorwisi, ni loko va nga amukeli leswi u nga ta va byela swona, u ta ya u ya ka mati enambyeni, u ma halata laha ku omeke, kutani mati lawa ma ta hundzuka ngati.”

Eksoda 7:21

Tinhlampfi ta nambu ti fa, nambu wu sungula ku nun'hwa, kutani vanhu va Egipta va tsandzeka ku nwa mati ya kona; tiko ra Egipta hinkwaro ri tala hi ngati.

2 TIHOSI 4:29

Kavaloko Elixa a lerisa Gehazi, a ku: “Tikhame, u teka nhonga ya mina ya vuprofeta, u kahlula. Loko u tshuka u hlangana ni munhu endleleni, u nga n'wi xeweti; niloko munhu a ku xeweta, u nga hlamuli. Kutani u ya tlhandleka nhonga ya mina exikandzeni xa n'wana.”

Habakuku 3:8

Xana u hlundzukela milambu, we HOSI, u karihela yona xana? Xana ku hlundzuka ka wena ku kongomile lwandle ke, siku u gadaka mapapa wonge i tihanci ta wena, siku u ma khandziyaka wonge i makalichi ya wena yo hlula ha wona enyimpini, xana?

Eksoda 7:6

Kutani Muxe na Aroni va endla hilaha HOSI Xikwembu xi va leriseke hakona.

Eksoda 7:10

Kutani Muxe na Aroni va ya eka Faro, va endla hilaha HOSI Xikwembu xi va leriseke hakona: Aroni a hoxa nhonga ya yena emahlweni ka Faro ni malandza ya yena, kutani nhonga yi hundzuka nyoka.