Eksoda 7:19 - BIBELE Mahungu Lamanene

¹⁹ Kutani HOSI Xikwembu xi ku ka Muxe: “Lerisa Aroni leswaku a teka nhonga ya yena hi voko, a yi tlakusela ehenhla ka mati hinkwawo ya le Egipta, emilambyeni, ni le tindleleni ta mati, ni le maqhivini, ni le mativeni hinkwawo, kutani mati ya kona ma ta hundzuka ngati. Tiko hinkwaro ra Egipta ri ta tala hi ngati, yi ta va kona ni le swibyeni swo vatliwa ni le makhuwaneni.”

Xitsonga (Bibele)

¹⁹ Kutani Yehovha a ku eka Muxe: “Byela Aroni, u ku: Teka nhonga ya wena, u tlakusa voko ra wena ehenhla ka mati ya Egipta, ni le henhla ka milambu, ni le henhla ka migerho ya vona, ni le henhla ka mativa ni tidamu ta vona, kutani ma ta hundzuka ngati; ngati yi ta va kona etikweni hinkwaro ra Egipta, ni le swibyeni swo vatliwa, ni swa ribye.”

Eksoda 7:19 Referans Kwoze

Eksoda 14:21

Muxe a tlakusela voko ra yena ehenhla ka lwandle; kutani HOSI Xikwembu xi tlhengusa mati ya lwandle hi ku hungisa moya lowukulu vusiku hinkwabyo, wu huma evuxeni; mati ma avana hi le xikarhi, ehansi ku sala ku omile,

Eksoda 14:26

Kutani HOSI Xikwembu xi ku ka Muxe: “Tlakusela voko ra wena ehenhla ka lwandle, leswaku mati ma ta tlhela ma vuya ma khubumeta Vaegipta ni makalichi ya vona ni tihanci ta vona.”

Eksoda 10:21

Kutani HOSI Xikwembu xi ku ka Muxe: “Tlakusela voko ra wena ehenhla, u vanga xinyami etikweni ra Egipta, lexi nga ta endla leswaku vanhu va gugurhuteka kunene.”

Eksoda 10:12

Kutani HOSI Xikwembu xi ku ka Muxe: “Tlakusela voko ra wena ehenhla ka tiko ra Egipta, leswaku tinjiya ti ta haha ti nghena etikweni, ti herisa swimilana hinkwaswo leswi poneke xihangu, ematlhelweni hinkwawo ya tiko.”

Eksoda 8:16

Kutani HOSI Xikwembu xi ku ka Muxe: “Lerisa Aroni leswaku a tlakusa nhonga ya yena, a ba hansi leswaku ritshuri ri hundzuka tinhwala etikweni hinkwaro ra Egipta.”

Eksoda 9:33

Kutani Muxe a suka eka Faro, a huma emutini, a tlakusa mavoko ya yena a khongela HOSI Xikwembu; kutani tilo ni xihangu swi yima, na yona mpfula yi hangalaka.

Genesa 1:10

Xikwembu xi thya ndhawu leyi omeke xi ku i “Misava”, mati lama hlengeletaneke xi ku i “Lwandle”. Kutani Xikwembu xi vona leswaku swilo leswi swi sasekile.

Eksoda 4:9

Kambe loko, ha vumbirhi bya swona, swi nga va khorwisi, ni loko va nga amukeli leswi u nga ta va byela swona, u ta ya u ya ka mati enambyeni, u ma halata laha ku omeke, kutani mati lawa ma ta hundzuka ngati.”

Eksoda 14:16

Teka nhonga ya wena, u yi tlakusela ehenhla ka lwandle, u hambanisa mati hi le xikarhi, leswaku Vaisraele va ta pela laha ku omeke.

2 TIHOSI 4:29

Kavaloko Elixa a lerisa Gehazi, a ku: “Tikhame, u teka nhonga ya mina ya vuprofeta, u kahlula. Loko u tshuka u hlangana ni munhu endleleni, u nga n'wi xeweti; niloko munhu a ku xeweta, u nga hlamuli. Kutani u ya tlhandleka nhonga ya mina exikandzeni xa n'wana.”

Esaya 5:25

Vukari bya HOSI Xikwembu bya pfurha ehenhla ka vanhu va xona; xi tlakusile voko ra xona, xi ta va ba xi va dlaya; tintshava ti ta ninginika, mintsumbu ya vona yi ta ku, n'wálálálá, emagondzweni. Hambiswiritano vukari bya xona a byi nga tlheli, xa ha ta tlakusa voko ra xona, xi va ba.

Habakuku 3:8

Xana u hlundzukela milambu, we HOSI, u karihela yona xana? Xana ku hlundzuka ka wena ku kongomile lwandle ke, siku u gadaka mapapa wonge i tihanci ta wena, siku u ma khandziyaka wonge i makalichi ya wena yo hlula ha wona enyimpini, xana?

Esaya 19:10

Van'wankumi etikweni va ta lahlekeriwa hi swa vona, lava thoriweke va ta xaniseka hinkwavo.