Eksoda 6:26 - BIBELE Mahungu Lamanene

²⁶ Aroni na Muxe, hi vona lava Xikwembu xi nga va byela xi ku: “Humesani vanhu va Israele etikweni ra Egipta, hi mintshungu ya vona.”

Xitsonga (Bibele)

²⁶ Hi yena Aroni loyi na Muxe loyi, Yehovha a nga ku eka vona: “Humesani vana va Israele eEgipta hi mavandla ya vona.”

Eksoda 6:26 Referans Kwoze

Eksoda 12:51

Hi siku rorero ra nkhuvo, HOSI Xikwembu xi humesile Vaisraele etikweni ra Egipta, hi mintshungu ya vona.

Eksoda 12:17

Hlayisani siku leri ra nkhuvo wa xinkwa xo-ke-comela, hikuva hi rona siku leri ndzi humeseke mintshungu ya n'wina etikweni ra Egipta ha rona; ri endleni siku ra xiboho, eka n'wina ni ka lava nga ta velekiwa, hilaha ku nga heriki.

Eksoda 7:4

Faro a nga ka a nga mi yingisi; kwalaho ndzi ta tirhisa matimba ya mina ehenhla ka tiko ra Egipta, ndzi humesa mintshungu ya mina, va nga vanhu va mina va Israele, etikweni ra Egipta, hi ku avanyisa loku hlamarisaka.

Eksoda 6:13

Hambiswiritano HOSI Xikwembu xi vulavula na Muxe na Aroni, xi va lerisa leswi va nga ta byela vanhu va Israele swona, xi va lerisa ni ku ya byela Faro hosi ya Egipta leswaku a tshika vanhu va Israele va huma etikweni ra Egipta.

Tinhlayo 33:1

Leti i tindhawu leti Vaisraele va fambeke va gova eka tona, loko va humile etikweni ra Egipta ni mavandla ya vona, va rhangeriwile hi Muxe na Aroni.

Mikiya 6:4

Ndzi mi humesile etikweni ra Egipta, ndzi mi kutsula evuhlongeni lebyi a mi ri ka byona, kutani ndzi veka Muxe, na Aroni, na Meriyamu ku va varhangeri va n'wina.

Pisalema 99:6

Exikarhi ka vaprista va xona, a ku ri na Muxe na Aroni, na yena Samiele a a ri un'wana wa lava va xi khongelaka. Vanhu lava a va huwelela eka HOSI Xikwembu, kutani xi va hlamula.

Pisalema 77:20

U fambisile vanhu va wena kukota ntlhambi, u va risa hi Muxe na Aroni.

1 TIKRONIKA 6:3

Vana va Amirama i Aroni, na Muxe, na Meriyamu. Vana va Aroni i Nadabu, na Abihu, na Eliyazara, na Itamara.

1 SAMIELE 12:8

Loko Yakobo a yile le Egipta, vatata wa n'wina va huwelerile eka HOSI Xikwembu, kutani xona xi va rhumerile Muxe na Aroni, lava va va humeseke le Egipta, va ta va veka endhawini leyi.

1 SAMIELE 12:6

Kutani Samiele a byela vanhu, a ku: “HOSI Xikwembu, hi xona lexi hlawuleke Muxe na Aroni ku humesa vatata wa n'wina etikweni ra Egipta.

Yoxuwa 24:5

Kutani ndzi rhuma Muxe na Aroni etikweni ra Egipta; ndzi ri xanisa hi leswi ndzi swi endleke exikarhi ka rona, kutani eku heteleleni ndzi mi humesa.

Eksoda 32:11

Kambe Muxe a kombela HOSI Xikwembu hi matimba, a ku: “We HOSI, hikwalaho ka yini vukari bya wena byi pfurhela vanhu va wena lava u va humeseke etikweni ra Egipta hi matimba lamakulu ni voko leri tiyeke, xana?

Eksoda 32:7

Kutani HOSI Xikwembu xi ku ka Muxe: “Hatlisa u rhelela, hikuva vanhu va wena lava u va humeseke etikweni ra Egipta va tinyamisile, va ndzi dyohela.

Eksoda 32:1

Loko Vaisraele va vona leswaku Muxe wa hlwela ku rhelela a vuya hi le ntshaveni, va vitanana va ya hlengeletana eka Aroni, va ku ka yena: “Hatlisa u hi endlela xikwembu lexi nga ta hi rhangela emahlweni, hikuva a hi tivi leswaku Muxe wa kona loyi a nga hi susa etikweni ra Egipta, ú helele kwihi.”

Eksoda 20:2

“Hi mina HOSI Xikwembu xa wena, lexi xi ku humeseke etikweni ra Egipta, ni le vuhlongeni bya kona.

Eksoda 13:18

Kambe Xikwembu xi va rhendzelekisile hi ndlela ya mananga, leyi kongomaka Lwandle-ro-Tshwuka, va hlomile matlhari.

Eksoda 6:20

Amirama a a tekile Yokebedi makwavo wa tata wa yena; Yokebedi a veleka Aroni na Muxe. Amiramu ú hanyile malembe ya 137.

Eksoda 6:7

Naswona ndzi ta mi endla vanhu va mina, mina ndzi va Xikwembu xa n'wina; kutani mi ta swi tiva leswaku hi mina HOSI Xikwembu xa n'wina, lexi nga ta mi humesa emintirhweni yo tika ya le Egipta.

Genesa 2:1

Kutani ntirho wo tumbuluxa tilo ni misava, ni hinkwaswo leswi nga ka swona, wu herisa sweswo.

Eksoda 12:41

Loko ku hundzile malembe ya 430, hi siku roleri ra nkhuvo, mintshungu hinkwayo ya HOSI Xikwembu yi humile etikweni ra Egipta.