Eksoda 6:12 - BIBELE Mahungu Lamanene

¹² Kambe Muxe a hlamula HOSI Xikwembu, a ku: “Vona, hambi va ri vanhu va Israele, a va ndzi yingisanga; xana Faro yena ú ta ndzi yingisisa ku yini ni manghanghamila ya mina, xana?”

Xitsonga (Bibele)

¹² Kutani Muxe a vulavula emahlweni ka Yehovha, a ku: “Waswivo, vana va Israele a va ndzi yingisanga; na yena Faro a nga ndzi yingisisa ku yini, leswi ndzi nga ni xirimi?”

Eksoda 6:12 Referans Kwoze

Eksoda 4:10

Kambe Muxe a ku ka HOSI Xikwembu: “We N'wini wanga, ku sukela khale mina nandza wa wena a ndzi nyikiwanga hi tlhelo ra ku vulavula; ndza nonoka eku vulavuleni, naswona ndzi ni manghanghamila, kutani hambileswi u vulavuleke na mina, a ku hundzukanga nchumu.”

Yeremiya 1:6

Hiloko ndzi hlamula ndzi ku: “E-e, we HOSI N'wini wanga, ndza ha ri ntsongo, kutani ku ya vulavula na vanhu a swi ndzi fanelanga.”

Eksoda 6:30

Kambe Muxe a hlamula a ku: “Vona, ndzi ni manghanghamila; xana Faro ú ta ndzi twa ke?”

Yeremiya 6:10

Ndzi hlamula ndzi ku: Xana ndzi ta vulavula na mani? I vamani lava nga ta yingisa loko ndzi va tsundzuxa xana? Vanhu lava a va na tindleve, ni ku twa a va ha twi. Rito ra wena we HOSI, va ri monya, a va na mhaka na rona.

Timhaka 7:51

“N'wina va tinhamu leto nonon'hwa, n'wina va timbilu leti nga pfumeriki ni tindleve leti nga twiki! Masiku hinkwawo mi alela Moya lowo Kwetsima; mi fana swinene ni vatata wa n'wina.

Levhitika 26:41

kutani na mina ndzi endla leswi va nga swi laviki, ndzi va yisa ematikweni ya valala va vona. Naswona, vanhu lava va nga tlhela va hundzuka hi ku hetiseka, va hambana ni mikhuva ya vona leyo biha.

Eksoda 6:9

Muxe a ya vurisa sweswo eka vanhu va Israele, kambe vona a va n'wi yingisanga, hikuva ku tika ka vuhlonga bya vona a ku va heta matimba.

Eksoda 3:13

Kavaloko Muxe a ku ka Xikwembu: “Loko ndzi fika eka vanhu va Israele, ndzi ku ka vona: ‘Xikwembu xa vatata wa n'wina xi ndzi rhumile eka n'wina’, kutani va ndzi vutisa va ku: ‘Vito ra xona i mani ke?’ xana ndzi ta va hlamula yini xana?”

Yeremiya 9:26

Ndzi vula lava akeke etikweni ra Egipta, ni ra Yuda, ni ra Edomu, ni ra va ka Amoni, ni ra Mowabu, ndzi ba ni hinkwavo lava tshamaka emananga lava byewulaka malebvu lomu matlhelo. Vanhu lava hinkwavo, swin'we ni Vaisraele hinkwavo, va fana ni lava nga yimbangiki, hikuva etimbilwini ta vona a va na mhaka na mina.”

Esaya 6:5

Kutani ndzi ku: “Yo, ndzi lovile, mina munhu wa milomo ya thyaka la tshamaka ni vanhu va milomo ya thyaka, hikuva ndzi vonile Hosi, xona Xikwembu xa matimba hinkwawo!”

Duteronoma 30:6

HOSI Xikwembu xa n'wina xi ta hundzuluxa timbilu ta n'wina ni ta vana va n'wina, mi ta kota ku xi rhandza hi timbilu ta n'wina hinkwato ni mimoya ya n'wina hinkwayo, leswaku mi ta kuma vutomi.

Eksoda 3:11

Kambe Muxe a ku: “Ndzo va mani mina ndzi nga ta ya eka Faro, ndzi ya humesa vanhu va Israele etikweni ra Egipta ke?”

Eksoda 4:1

Kutani Muxe a hlamula Xikwembu, a ku: “Ndzi vona wonge Vaisraele a va nga ndzi kholwi, kumbe ku yingisa leswi ndzi nga ta va byela swona, hikuva va ta ku: ‘HOSI Xikwembu a xi tikombanga eka wena.’ ”

Eksoda 6:13

Hambiswiritano HOSI Xikwembu xi vulavula na Muxe na Aroni, xi va lerisa leswi va nga ta byela vanhu va Israele swona, xi va lerisa ni ku ya byela Faro hosi ya Egipta leswaku a tshika vanhu va Israele va huma etikweni ra Egipta.