Eksoda 5:9 - BIBELE Mahungu Lamanene

⁹ Vanhu lava, a va nyikiwe mintirho yo tika, va tshama va karhi va tirha, va ta ka va nga kumi nkarhi wo yingisela mavunwa.”

Xitsonga (Bibele)

⁹ Ntirho a wu tikele vanhu lava, va wu khoma, va nga tshuki va yingisa marito ya vunwa.”

Eksoda 5:9 Referans Kwoze

Vaefesa 5:6

Ku nga vi na munhu loyi a mi kanganyisaka hi marito lama nga pfuniki nchumu: Swidyoho leswi, hi swona leswi endlaka leswaku vukari bya Xikwembu byi wela vanhu lava nga yingisiki.

Malakiya 3:14

Ma ndzi vavisa loko mi ku: ‘Ku tirhela Xikwembu, HOSI ya matimba hinkwawo, a swi pfuni nchumu. Hambiloko hi yingisa leswi yi hi byelaka swona, kumbe hi ya rila emahlweni ka yona, a hi nga vuyeriwi hi nchumu.

Zakariya 1:6

Kambe marito ni swileriso swa mina leswi ndzi swi rhwexeke vaprofeta, malandza ya mina, swi khumbile timbilu ta vatata wa n'wina. “Hikokwalaho, va hundzukile va ku: ‘HOSI Xikwembu xa matimba hinkwawo xi hetisisile makungu ya xona evutomini bya hina; xi hi bile hikwalaho ka swidyoho swa hina!’ ”

Yeremiya 43:2

Azariya n'wana Hoxaya, na Yohanani n'wana Kariyaka, ni vanhu lavan'wana hinkwavo, va hlamula Yeremiya hi ku titshemba va ku: “Wa hemba! HOSI Xikwembu xa hina a xi ku rhumanga ku ta hi byela leswaku hi nga yi le Egipta hi ya tshama kona.

Ntirho 16:3

Mi ri, leswi ndzi swi vulaka a swi heli, i moya ntsena; naswona mi ri, ndzi susumetiwa ha yini ku hlamulana na n'wina ke?

2 TIHOSI 18:20

Xana u anakanya leswaku marito ya nomo ntsena ma nga tisa vutlhari ni vunhenha enyimpini xana? Xana u tshemba mani sweswi, leswi u ndzi hundzukelaka, xana?

Eksoda 5:8

Kambe ntsengo wa switina leswi a va hamba va swi endla, wu vekiseni sweswo, mi nga wu hunguti nikutsongo! Vanhu lava va loloha, hi swona leswi endlaka leswaku va ba huwa va ku: ‘Hi tshike hi famba hi ya gandzela Xikwembu xa hina!’

Eksoda 5:10

Vafambisi va mintirho ni tindhuna ta Vaisraele va huma va ya tivisa vanhu, va ku: “Faro ú vurisa sweswo, ú ri a nga ka a nga ha mi nyiki byanyi.