Eksoda 5:21 - BIBELE Mahungu Lamanene

²¹ Kutani ti ku ka vona: “HOSI Xikwembu a xi mi xiyisise, xi mi ba, hikuva mi hi venganisile na Faro ni malandza ya yena, mi va pfulela ni ndlela yo hi dlaya ha yona.”

Xitsonga (Bibele)

²¹ “Yehovha a a mi langute, kutani a hi avanyisela, hikuva mi hi endlile xisandzu emahlweni ka Faro, ni le mahlweni ka malandza ya yena, mi va nyikile fumu ro hi dlaya.”

Eksoda 5:21 Referans Kwoze

Genesa 34:30

Kutani Yakobo a ku ka Simiyoni na Levhi: “Mi ndzi vangele khombo hi ku ndzi venganisa ni Vakanana ni Vaperesi, vona vaaki va tiko. Mina a ndzi na vavanuna vo tala, kutani loko vo twanana va hlangana va ta ndzi hlasela, va ta ndzi herisa, mina ni va ndyangu wa mina.”

1 TIKRONIKA 19:6

Vaamoni va swi vona leswaku va vangile rivengo lerikulu exikarhi ka vona na Davhida; kutani Hanunu ni Vaamoni va rhuma vanhu le Mesopotamiya, ni le Aramu-Maaka, ni le Soba, va famba va ri ni silivhere ya 41 000 kg, va ya lomba makalichi ni vagadi va tihanci.

2 SAMIELE 10:6

Vaamoni va swi vona leswaku va vangile rivengo lerikulu exikarhi ka vona na Davhida; kutani va rhuma vanhu va ya rhamba masocha ya Vasiriya va le Beta-Rehobo ni ya va le Soba, ku huma masocha ya 20 000 lama fambaka hi milenge; va rhamba ni vavanuna va hosi ya le Maaka va 1 000, ni vavanuna va 12 000 va le Tobo.

1 SAMIELE 27:12

Akixi a a tshemba Davhida swinene, a anakanya a ku: “Davhida ú tivangele rivengo lerikulu eka vanhu va ka vona va Israele; hikokwalaho ú ta ndzi tirhela vutomi bya yena hinkwabyo!”

1 SAMIELE 13:4

Hikokwalaho, Vaisraele hinkwavo va kuma marungula ya leswaku Sawulo ú hlaserile vuthu ra Vafilista a ri hlula, ni leswaku ku hlula loku ku pfuxile rivengo lerikulu exikarhi ka vona na Vafilista. Kutani tiko hinkwaro ri byeriwa ku ya emutini wa Giligala ri ya seketela Sawulo.

Eksoda 6:9

Muxe a ya vurisa sweswo eka vanhu va Israele, kambe vona a va n'wi yingisanga, hikuva ku tika ka vuhlonga bya vona a ku va heta matimba.

Genesa 16:5

Kutani Sarayi a ku ka Abrama: “Hi wena u faneleke ku vona mhaka ya ku xanisiwa ka mina! Ndzi nyiketile Hagara eka wena, kambe ú lo na vona leswaku ú tikile, o sungula ku ndzi langutela hansi. HOSI Xikwembu a xi ve xona xi avanyisaka mhaka ya kona.”

Yuwele 2:20

“Lava taka hi le n'walungwini, ndzi ta va hlongola va ya kule na n'wina, ndzi ta va yisa emananga, etikweni leri omeke swinene. Lava rhangeke emahlweni, ndzi ta va byisela eLwandle-ra-ku-fa, lava saleke endzhaku ka vona, ndzi ta va nghenisa eLwandle-ra-Mediteraniya. Mintsumbu ya vona yi ta nun'hwa yi ku ngù-ngù-ngù, hikuva va mi hoxele ngopfu.

Eklesiasta 10:1

Tinhongana to fela emafurheni layo nun'hwela ti nga ma onha, ma vila; vuphuntanyana bya munhu wa ndzhuti byi hatla byi tiveka ku tlula vutlhari bya yena.

Eksoda 14:11

kutani va ku ka Muxe: “Xana ku kala u hi humesa etikweni ra Egipta leswaku hi ta fela laha mananga, a ku lo pfumaleka masirha le Egipta xana ke? Kutani swi hi pfune yini loko u hi humesile le Egipta ke?

Eksoda 4:31

Kavaloko Vaisraele va kholwa: Loko va twisisile leswaku HOSI Xikwembu xi tile eka vona hakunene, ni leswaku xi vonile ku xaniseka ka vona, va korhamela hansi va xi gandzela.

Genesa 31:53

Xikwembu xa Abrahama, ni Xikwembu xa Nahoro, a swi ve swona leswi nga ta hi avanyisa.” Kutani Yakobo a hlambanya emahlweni ka Xikwembu lexi Isaka tata wa yena a xi chavaka.

Eksoda 5:20

Loko tindhuna ti vuya hi le ka Faro, ti hlangana na Muxe na Aroni lava a va ta ku ta ti hlanganisa.

Eksoda 15:24

Hiloko vanhu va dzumadzumela Muxe va ku: “Hi ta nwa yini xana?”

Eksoda 16:2

Kutani ntshungu lowu wa Vaisraele hinkwawo wu dzumadzumela Muxe na Aroni, kwale mananga,

Tinhlayo 14:3

Xana HOSI Xikwembu xi hi yisela yini etikweni leriya leswaku hi ya dlayiwa hi fumu xana? Vasati va hina va ta phanghiwa ni vana va hina; xana a swi antswi hi tlhelela etikweni ra Egipta xana?”

Tinhlayo 14:22

Hambileswi vanhu lava hinkwavo va voneke ku vonakala loku ka mina ni mahlori lawa ndzi ma endleke etikweni ra Egipta ni kwala mananga, va ha ya emahlweni va ndzi ringa, va nga yingisi leswi ndzi swi vulaka;

Esaya 30:6

HOSI Xikwembu xi ri: “Ku ni swifuwo leswi yaka edzongeni, swi tsemakanya mananga layo chavisa ya makhombo, tiko ra tinghala ta matsune ni ta nkati, ra timhiri ni swimememe; vakulukumba ni varhumiwa va Yuda va rhwexile timbhongolo ni tikamela, va yisa mali ni tinyiko eka Vaegipta, vanhu vo ka va nga pfuni nchumu.